ന്യൂഡൽഹി: ബിഹാർ നിയമസഭാ തെരഞ്ഞെടുപ്പ് തിയതി പ്രഖ്യാപിച്ചു. തെരഞ്ഞെടുപ്പ് മൂന്ന് ഘട്ടമായി നടക്കും. ആദ്യ ഘട്ടം ഒക്ടോബർ 28നാണ്. രണ്ടാം ഘട്ടം നവംബർ 3നും മൂന്നാം ഘട്ട തെരഞ്ഞെടുപ്പ് നവംബർ 7നും നടക്കും. ആദ്യ ഘട്ടത്തിൽ, 16 ജില്ലകളിലെ 71 നിയമസഭാ മണ്ഡലങ്ങളിൽ, എൽ‌ഡബ്ല്യുഇ ജില്ലകളിലും വോട്ടെടുപ്പിന് നടക്കും. രണ്ടാം ഘട്ടത്തിൽ, 17 ജില്ലകളിലായി 94 നിയമസഭാ മണ്ഡലങ്ങളിലും മൂന്നാം ഘട്ടത്തിലും 15 ജില്ലകളിലെ 78 നിയമസഭാ മണ്ഡലങ്ങളിലും വോട്ടെടുപ്പ് നടക്കും. വോട്ടെണ്ണൽ നവംബർ 10ന് നടക്കുമെന്നും കേന്ദ്ര തെരഞ്ഞെടുപ്പ് കമ്മിഷൻ അറിയിച്ചു.
തെരഞ്ഞെടുപ്പ് സോഷ്യൽ മീഡിയ പ്ലാറ്റ്‌ഫോമുകളുടെ ദുരുപയോഗം പരിരക്ഷിക്കുന്നതിന് മതിയായ ക്രമീകരണങ്ങൾ ചെയ്യുമെന്നും അത്തരം പ്രശ്‌നങ്ങൾ കൈകാര്യം ചെയ്യുന്നതിന് കർശനമായ പ്രോട്ടോക്കോളുകൾ സ്ഥാപിക്കുമെന്നും മുഖ്യ തെരഞ്ഞെടുപ്പ് കമ്മീഷണർ സുനിൽ അറോറ പറഞ്ഞു.
രാജ്യത്ത് കൊവിഡ് വ്യാപിക്കുന്ന പശ്ചാത്തലത്തില്‍ നടക്കുന്ന ആദ്യത്തെ നിയമസഭാ തെരഞ്ഞെടുപ്പാണ് ബിഹാറിലേത്. സാമൂഹിക അകലം പാലിച്ചായിരിക്കും വോട്ടെടുപ്പ് നടക്കുക. മുഖ്യമന്ത്രി നിതീഷ് കുമാര്‍ തുടര്‍ച്ചയായ നാലാം തവണയും തെരഞ്ഞെടുപ്പില്‍ മത്സരിക്കും. നേരത്തെ ബിഹാർ തെരഞ്ഞെടുപ്പ് മാറ്റിവെക്കണമെന്ന് ആവശ്യപ്പെട്ട് നൽകിയ ഹര്‍ജി സുപ്രീം കോടതി തള്ളിയിരുന്നു.
