ഗുവഹത്തി: അസമിൽ വെള്ളപ്പൊക്കം നേരിയതോതിൽ കുറഞ്ഞെങ്കിലും 22 ജില്ലകളിലെ 22.34 ലക്ഷം ആളുകളെ ബാധിച്ചു. ഗോലഘട്ട് ജില്ലയിലെ ബോകഖാട്ടിൽ ഒരാൾ മരിച്ചതോടെ ഈ വർഷത്തെ വെള്ളപ്പൊക്കത്തിലും മണ്ണിടിച്ചിലിലും മരിച്ചവരുടെ എണ്ണം 129 ആയി. വെള്ളപ്പൊക്കത്തിൽ 103 പേർ മരിച്ചപ്പോൾ മണ്ണിടിച്ചിലിൽ 26 പേർക്കാണ് ജീവൻ നഷ്ടമായത്. ഗോൾപാറ ജില്ലയിലാണ് ഏറ്റവും കൂടുതൽ നാശനഷ്ടമുണ്ടായത്. 4.62 ലക്ഷത്തിലധികം ആളുകളെ വെള്ളപ്പൊക്കം ബാധിച്ചു. ബാർപേട്ടയിൽ 3.81 ലക്ഷം ആളുകളെയും മോറിഗാവ് ജില്ലയിൽ മൂന്ന് ലക്ഷം ആളുകളെയും വെള്ളപ്പൊക്കം ബാധിച്ചു. സംസ്ഥാന ദുരന്ത നിവാരണ സേന കഴിഞ്ഞ 24 മണിക്കൂറിനുള്ളിൽ 97 ആളുകളെ രക്ഷപ്പെടുത്തി.
അസമിൽ വെള്ളപ്പൊക്കത്തിൽ മരിച്ചവരുടെ എണ്ണം 129 ആയി
