ന്യൂഡല്‍ഹി: മഹാത്മാഗാന്ധിയുടെ 150-ാം ജന്മദിനത്തില്‍ ഗാന്ധിയോടുള്ള ആദരവുമായി എയര്‍ഇന്ത്യ. എയര്‍ഇന്ത്യയുടെ ഡല്‍ഹി-മുംബൈ വിമാനത്തില്‍ മഹാത്മാഗാന്ധിയുടെ ചിത്രം ആലേഖനം ചെയ്താണ് എയര്‍ ഇന്ത്യ ഇക്കൊല്ലം ഗാന്ധിജയന്തി ആഘോഷിക്കുന്നത്. കഴിഞ്ഞ വര്‍ഷം മഹാത്മാഗാന്ധിയുടെ ലോഗോ പതിച്ച എയര്‍ക്രാഫ്റ്റ് എയര്‍ബസുകളാണ് എയര്‍ ഇന്ത്യ ഗാന്ധി ജയന്തി ദിവസം പുറത്തിറക്കിയത്.
വിസ്താര എയര്‍ലൈൻ വേറിട്ട രീതിയിലാണ് ഗാന്ധി ജയന്തി ആഘോഷിക്കുന്നത്. തെരഞ്ഞെടുക്കപ്പെട്ട ഫ്ലൈറ്റുകളിലെ യാത്രക്കാരുമായാണ് വിസ്താര ഗാന്ധി ജയന്തി ആഘോഷിക്കുന്നത്. 'ബി ദി ചെയ്ഞ്ച് @ 30,000 സ്ക്വയര്‍ഫീറ്റ് ' എന്ന പേരില്‍ സമൂഹത്തില്‍ വരുത്തേണ്ട മാറ്റത്തെ കുറിച്ച് യാത്രക്കാരോട് പോസ്റ്റ്കാര്‍ഡ് എഴുതി അയക്കാനും വിസ്താര ആവശ്യപ്പെട്ടിട്ടുണ്ട്.
