ന്യൂഡൽഹി: ബാലാകോട്ടിലെ ജയ്ഷെ ഇ മുഹമ്മദ് ക്യാമ്പിൽ തീവ്രവാദ പരിശീലനം നൽകുന്നതായി റിപ്പോർട്ട്. ചാവേറുകളടക്കം അൻപതോളം പേർ ഇവിടെ പരിശീലനം നടത്തുന്നതായി രഹസ്യാന്വേഷണ ഏജൻസി റിപ്പോർട്ട് ചെയ്തു. ഇവിടെ നിന്ന് പരിശീലനം നേടിയ തീവ്രവാദികൾ കശ്മീരിലേക്ക് കടന്നതായും റിപ്പോർട്ടുകളുണ്ട്. ഈ വർഷം ഫെബ്രുവരിയിൽ ബാലാക്കോട്ടിൽ ഇന്ത്യൻ വ്യോമസേന ആക്രമണം നടത്തിയിരുന്നു.തുടർന്ന് കഴിഞ്ഞ മാസമാണ് ക്യാമ്പ് വീണ്ടും സജീവമായതെന്ന് കരസേനാ മേധാവി ജനറൽ ബിപിൻ റാവത്ത് വ്യക്തമാക്കി
ഫെബ്രുവരി 14ലെ പുൽവാമ ഭീകരാക്രമണത്തിന് തിരിച്ചടിയായാണ് ജയ്ഷെ ഇ മുഹമ്മദ് തീവ്രവാദ ക്യാമ്പുകളിൽ സൈന്യം വ്യോമാക്രമണം നടത്തിയത്. ജമ്മു കശ്മീരിന്‍റെ പ്രത്യേക പദവി റദ്ദാക്കാനുള്ള നീക്കത്തിന് പിന്നാലെ പാകിസ്താൻ വൻ ആക്രമണങ്ങൾക്ക് പദ്ധതിയിടുന്നതായും രഹസ്യാന്വേഷണ വിഭാഗത്തിന്‍റെ മുന്നറിയിപ്പുണ്ടായിരുന്നു.
