അമരാവതി: ഒരാഴ്ചത്തെ ഇടവേളയ്ക്ക് ശേഷം ആന്ധ്രയിൽ രണ്ട് കൊവിഡ് മരണങ്ങൾ റിപ്പോർട്ട് ചെയ്തു.കർനൂൾ, എസ്പിഎസ് നെല്ലൂർ എന്നിവിടങ്ങളിൽ നിന്നാണ് രണ്ട് പേർ മരിച്ചത്. ഇതോടെ സംസ്ഥാനത്ത് കൊവിഡ് ബാധിച്ച് മരിച്ചവരുടെ എണ്ണം 33 ആയി.
അതേ സമയം, 24 മണിക്കൂറിൽ 60 പേർക്ക് കൊവിഡ്19 സ്ഥിരീകരിച്ചു. രണ്ട് മരണങ്ങൾ കൂടി റിപ്പോർട്ട് ചെയ്തതോടെ സംസ്ഥാനത്തെ ആകെ കൊവിഡ് പോസിറ്റീവ് കേസുകളുടെ എണ്ണം 1,463 ആയി.
എൺപത്തിരണ്ട് പേർ കൂടി രോഗം ഭേദമായി ആശുപത്രി വിട്ടു. ആകെ ഡിസ്ചാർജ് ചെയ്തവരുടെ എണ്ണം 403 ആയി. റെഡ് സോൺ ജില്ലകളായ കർനൂൾ, ഗുണ്ടൂർ എന്നിവിടങ്ങളിൽ യഥാക്രമം 25 ഉം 19 ഉം കൊവിഡ് കേസുകൾ രജിസ്റ്റർ ചെയ്തിട്ടുണ്ട്.
