ന്യൂഡൽഹി: എടിഎം സർവീസ് ചാർജ് വർധന ഇന്നുമുതൽ പ്രാബല്യത്തിൽ. സൗജന്യ ഇടപാടുകള്‍ക്ക് മുകളിലുള്ള എടിഎം സേവനങ്ങള്‍ക്ക് ഇനി മുതൽ 21 രൂപ സർവീസ് ചാർജാണ് ഇടാക്കുക. നേരത്തെ ഇത് 20 രൂപയായിരുന്നു.
മെട്രോ നഗരങ്ങളിൽ നിന്ന് മൂന്ന് തവണയും, മറ്റ് സ്ഥലങ്ങളിൽ നിന്ന് അഞ്ച് തവണയും ഉപഭോഗതാവിന് പണം സൗജന്യമായി പിൻവലിക്കാം. ചാർജ് വർധിപ്പിക്കാനുള്ള അനുമതി സംബന്ധിച്ച വിജ്ഞാപനം കഴിഞ്ഞ വർഷം ജൂൺ 10ന് ആർബിഐ പുറത്തിറക്കിയിരുന്നു. വര്‍ഷങ്ങള്‍ക്ക് ശേഷമാണ് എടിഎം ഇടപാടുകളുടെ സര്‍വീസ് ചാര്‍ജ് ആര്‍ബിഐ ഉയര്‍ത്തുന്നത്.
എടിഎം നവീകരണത്തിനും അറ്റകുറ്റ പണികള്‍ക്കുമുള്ള ചെലവ് വർദ്ധിച്ചു വരുന്ന സാഹചര്യത്തിലാണ് നിരക്ക് ഉയർത്താൻ ആർബിഐ തീരുമാനിച്ചത്.
ALSO READ കോവളത്ത് വിദേശ പൗരന്‍ മദ്യം ഒഴുക്കി കളഞ്ഞ സംഭവം: എസ്‌.ഐക്ക് സസ്പെൻഷൻ
