അസമിൽ സഹപ്രവർത്തകന്‍റെ വെടിയേറ്റ് സൈനികന്‍ കൊല്ലപ്പെട്ടു

ഇരുവരും തമ്മിലുള്ള വാക്കുതർക്കമാണ് കൊലപാതകത്തില്‍ കലാശിച്ചതെന്ന് റിപ്പോര്‍ട്ട്

ഗുവാഹത്തി : അസമിലെ ടിൻസികിയ ജില്ലയിൽ സഹപ്രവർത്തകന്‍റെ വെടിയേറ്റ് സൈനികന്‍ കൊല്ലപ്പെട്ടു. ശനിയാഴ്ചയാണ് സംഭവം. ലഫ്റ്റനന്‍റ് സഞ്ജയ് ചന്ദ് ആണ് മരിച്ചത്.

കൂമയൂൺ റെജിമെന്‍റിൽ വിന്യസിച്ച സഞ്ജയ് ചന്ദും മറ്റൊരു സൈനിക ഉദ്യോഗസ്ഥനും വാക്കുതർക്കത്തിൽ ഏർപ്പെടുകയും സൈനിക ഉദ്യോഗസ്ഥൻ സഞ്ജയ് ചന്ദിന് നേരെ വെടിയുതിർക്കുകയുമായിരുന്നു. സഞ്ജയ് ചന്ദിന് സംഭവസ്ഥലത്തുതന്നെ ജീവന്‍ നഷ്ടമായി.