മുംബൈ : നാവിക സേനാ കപ്പലായ ഐഎന്‍എസ്‌ രണ്‍വീറില്‍ സ്‌ഫോടനം. മൂന്ന് നാവികര്‍ മരിച്ചു. അപകട കാരണം വ്യക്തമല്ല. എന്നാല്‍ സ്ഥിതി നിയന്ത്രണ വിധേയമാണെന്നും അന്വേഷണം പ്രഖ്യാപിച്ചതായും നേവി അറിയിച്ചു. മരിച്ച നാവികരുടെ പേരുവിവരങ്ങള്‍ നാവിക സേന ഇതുവരെ പുറത്തുവിട്ടിട്ടില്ല.
അപകടമുണ്ടായി ഉടന്‍ തന്നെ തീ നിയന്ത്രണ വിധേയമാക്കിയതിനാല്‍ കപ്പലിന് കേടുപാടുകളില്ലെന്ന് പ്രതിരോധ മന്ത്രാലയം പ്രസ്‌താവനയില്‍ വ്യക്തമാക്കി. മൂന്ന് നാവികര്‍ മരിച്ച സംഭവം ദൗര്‍ഭാഗ്യകരമാണെന്നും മന്ത്രാലയം പ്രതികരിച്ചു.
Also Read: സമുദ്ര പരീക്ഷണത്തിനായി ഐഎന്‍എസ്‌ വിക്രാന്ത് വീണ്ടും കടലിലേക്ക്
കിഴക്കന്‍ നാവിക കമാന്‍ഡില്‍ നിന്ന് ക്രോസ്‌ കോസ്റ്റ് ഓപ്പറേഷന്‍ ഡിപ്ലോയ്‌മെന്‍റിലായിരുന്നു കപ്പല്‍ ഉണ്ടായിരുന്നത്. പോര്‍ട്ടിലേക്ക് മടങ്ങി വരാനിരിക്കെയാണ് അപകടം.
