ഹരിദ്വാറിൽ കൊവിഡ് രോഗികളുടെ എണ്ണം വർധിക്കുന്നു; ഉന്നതതല യോഗം വിളിച്ച് മുഖ്യമന്ത്രി

കുംഭമേള നടക്കാനിരിക്കുന്ന പശ്ചാത്തലത്തിൽ കൊവിഡ് രോഗികളുടെ എണ്ണം വർധിക്കുന്നത് ആശങ്കക്കിടയാക്കുന്നുണ്ട്

ഹരിദ്വാർ: ഹരിദ്വാറിലെ ഗസ്റ്റ് ഹൗസിൽ താമസിച്ചിരുന്ന 32 പേർക്ക് കൊവിഡ് സ്ഥിരീകരിച്ചു. കുംഭമേള നടക്കാനിരിക്കുന്ന പശ്ചാത്തലത്തിൽ കൊവിഡ് രോഗികള്‍ വർധിക്കുന്നത് ആശങ്കക്കിടയാക്കുന്നു. ഈ പശ്ചാത്തലത്തിൽ ഉത്തരാഖണ്ഡ് മുഖ്യമന്ത്രി തിരത് സിങ് റാവത്ത് ഉന്നതതല യോഗം വിളിച്ചു.

റിഷികേശിലെ ഹോട്ടലിൽ താമസിച്ചിരുന്ന 82 പേർക്ക് നേരത്തെ രോഗം സ്ഥിരീകരിച്ചിരുന്നു. അതേസമയം ഉത്തരാഖണ്ഡിൽ ഇതുവരെ 99,990 പേർക്കാണ് കൊവിഡ് സ്ഥിരീകരിച്ചത്. 95,065 പേർ രോഗമുക്തി നേടി.