ന്യൂഡല്‍ഹി: ഡൽഹിയില്‍ ബേക്കറി കടയ്‌ക്ക് നേരെ വെടിവയ്‌പ്പ്. നജാഫ്‌ഗഡിലെ തിരക്കേറിയ കടയിലെത്തിയ മുഖം മറച്ച രണ്ടുപേരാണ് വെടിയുതിര്‍ത്തതെന്നാണ് വിവരം. ഞായറാഴ്ച വൈകിട്ട് 6.10 നാണ് സംഭവം നടന്നത്. നാല് റൗണ്ട് വെടിയുതിര്‍ത്തെങ്കിലും ആർക്കും പരിക്കേറ്റിട്ടില്ലെന്ന് പൊലീസ് അറിയിച്ചു.
ALSO READ: നായയുടെ കടിയേറ്റയാൾക്ക് നല്‍കിയത് കൊവിഡ് വാക്‌സിൻ ; അന്വേഷണം
വെടിവപ്പിനുശേഷം ഇവര്‍ ഓടി രക്ഷപ്പെട്ടതായി കടയുടമ അശോക് മിത്തല്‍ പറയുന്നു. ഉടമയുടെ പരാതിയെ തുടര്‍ന്ന് പൊലീസ് എഫ്‌.ഐ.ആര്‍ രജിസ്‌റ്റര്‍ ചെയ്‌ത് അന്വേഷണം ആരംഭിച്ചു.പ്രതികളെ തിരിച്ചറിയുന്നതിനായി കുറ്റകൃത്യം നടന്ന സ്ഥലത്തിന് സമീപം സ്ഥാപിച്ചിട്ടുള്ള എല്ലാ സി.സി.ടി.വി ക്യാമറകളും പരിശോധിച്ചുവരികയാണെന്ന് പൊലീസ് പറഞ്ഞു.
