ചുരു: രാജസ്ഥാനിലെ ചുരു ജില്ലയില്‍ 45 കുട്ടികളടക്കം 100 ഓളം പേർക്ക് ഭക്ഷ്യവിഷബാധ. ബുധനാഴ്‌ചയാണ് സംഭവം. വിവാഹ സത്‌കാരത്തില്‍ പങ്കെടുത്തവർക്കാണ് ഭക്ഷ്യവിഷബാധയേറ്റത്. എല്ലാവരുടേയും ആരോഗ്യ നില മോശമായതിനെ തുടർന്ന് ആശുപത്രിയില്‍ പ്രവേശിപ്പിച്ചിരിക്കുകയാണ്.
ചുരു ജില്ലയിലെ സർദർഷർ ഗ്രാമത്തില്‍ ഒരു വീട്ടിലെ നാല് പെൺമക്കളുടെ വിവാഹത്തിന് ശേഷം നടത്തിയ വൻ സദ്യ കഴിച്ചവർക്കാണ് ഭക്ഷ്യവിഷബാധയേറ്റത്. ഭക്ഷണം കഴിച്ച് മണിക്കൂറുകൾക്ക് ശേഷം കഠിനമായ വയറുവേദന, ഛർദി, വയറിളക്കം എന്നിവ അനുഭവപ്പെട്ടതോടെയാണ് ഭക്ഷ്യവിഷബാധയാണെന്ന് തിരിച്ചറിഞ്ഞത്.
ഇതില്‍ പലരുടേയും നില അതീവ ഗുരുതരമായിരുന്നു. കൂടുതല്‍ വിവരങ്ങൾ അറിവായി വരുന്നതേയുള്ളൂ.
