WhatsApp Custom Lists Feature: ಚಾಟ್‌ಗಳನ್ನು ಇನ್ನಷ್ಟು ಸುಲಭ ಮತ್ತು ವ್ಯವಸ್ಥಿತವಾಗಿ ಮಾಡಲು ವಾಟ್ಸ್ಆ್ಯಪ್ ಹೊಸ ವೈಶಿಷ್ಟ್ಯವನ್ನು ಪರಿಚಯಿಸಿದೆ. "Lists" ಎಂದು ಹೆಸರಿಸಲಾಗಿದೆ. ಈ ವೈಶಿಷ್ಟ್ಯದ ಉದ್ದೇಶವು ಬಳಕೆದಾರರು ತಮ್ಮ ಚಾಟ್‌ಗಳನ್ನು ವಿವಿಧ ವರ್ಗಗಳಾಗಿ ವಿಂಗಡಿಸಲು ಅನುವು ಮಾಡಿಕೊಡುತ್ತದೆ. ಇದು ಚಾಟ್‌ಗಳನ್ನು ಮಾಡಲು ಮತ್ತು ಹುಡುಕಲು ಸುಲಭವಾಗುತ್ತದೆ. ಅದರ ಹಿಂದಿನ ಚಾಟ್ ಫಿಲ್ಟರ್‌ಗಳ ಯಶಸ್ಸಿನ ನಂತರ ವಾಟ್ಸ್ಆ್ಯಪ್ ಈಗ ತನ್ನ ಬಳಕೆದಾರರಿಗೆ ಇನ್ನಷ್ಟು ನಿಯಂತ್ರಣವನ್ನು ನೀಡಲು ಅದರ ವೈಶಿಷ್ಟ್ಯಗಳನ್ನು ಸುಧಾರಿಸುತ್ತಿದೆ. ಈ ವೈಶಿಷ್ಟ್ಯವು ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದನ್ನು ತಿಳಿಯೋಣ ಬನ್ನಿ..
ಲಿಸ್ಟ್ ರಚಿಸುವುದು ಹೇಗೆ?: ಲಿಸ್ಟ್ಸ್ ವೈಶಿಷ್ಟ್ಯವು ಬಳಕೆದಾರರಿಗೆ ಕುಟುಂಬ, ಕೆಲಸ ಅಥವಾ ಸ್ನೇಹಿತರು ನಂತಹ ಕಸ್ಟಮ್ ವರ್ಗಗಳನ್ನು ರಚಿಸಲು ಅನುಮತಿಸುತ್ತದೆ. ಪ್ರತಿ ಚಾಟ್ ಸುಲಭವಾಗಿ ಬೇರೆ ವರ್ಗಕ್ಕೆ ಪ್ರತ್ಯೇಕಿಸುತ್ತದೆ. ಇದರೊಂದಿಗೆ, ನೀವು ಮತ್ತೆ ಮತ್ತೆ ಸ್ಕ್ರೋಲ್ ಮಾಡದೆಯೇ ನಿಮ್ಮ ಪ್ರಮುಖ ಚಾಟ್ ತ್ವರಿತವಾಗಿ ಹುಡುಕಬಹುದು. ಈ ಹೊಸ ವೈಶಿಷ್ಟ್ಯವು ಬಳಕೆದಾರರ ಅನುಭವವನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯುತ್ತದೆ.
ಈ ಲಿಸ್ಟ್ಸ್ ಮಾಡುವುದು ತುಂಬಾ ಸುಲಭ. ಚಾಟ್ ಟ್ಯಾಬ್‌ನಲ್ಲಿರುವ “+” ಐಕಾನ್ ಮೇಲೆ ಟ್ಯಾಪ್ ಮಾಡುವ ಮೂಲಕ ನೀವು ಹೊಸ ಲಿಸ್ಟ್ಸ್ ಕ್ರಿಯೆಟ್ ಮಾಡಬಹುದು. ಹೆಸರುಗಳನ್ನು ಸಹ ನೀವು ಬದಲಿಸಬಹುದು. ಅಷ್ಟೇ ಅಲ್ಲ ಆ ಗ್ರೂಪ್ಗೆ ನೀವು ಹೊಸ ನಂಬರ್ಗಳನ್ನು ಸಹ ಸೇರಿಸಬಹುದು. ಲಿಸ್ಟ್ಸ್ ವೈಶಿಷ್ಟ್ಯವು ಗುಂಪು ಮತ್ತು ಒಬ್ಬರಿಗೊಬ್ಬರು ಚಾಟ್‌ಗಳಿಗೆ ಲಭ್ಯವಿದೆ. ಇದು ಬಳಕೆದಾರರಿಗೆ ತಮ್ಮ ಸಂಭಾಷಣೆಗಳನ್ನು ನಿರ್ವಹಿಸಲು ಸಹಾಯ ಮಾಡುತ್ತದೆ.
ಅಪ್ಲಿಕೇಶನ್ ಬಳಸುವುದು ಅತಿ ಸುಲಭ: ಲಿಸ್ಟ್ಸ್ನೊಂದಿಗೆ ನಿಮ್ಮ ಎಲ್ಲಾ ಚಾಟ್‌ಗಳನ್ನು ಒಂದೇ ಸ್ಥಳದಲ್ಲಿ ಸುಂದರವಾಗಿ ಪ್ರದರ್ಶಿಸಲಾಗುತ್ತದೆ. ಹೀಗಾಗಿ ವಾಟ್ಸ್ಆ್ಯಪ್ ಅಪ್ಲಿಕೇಶನ್ ಬಳಸಲು ಸುಲಭವಾಗುತ್ತದೆ. ನೀವು ಗೆಳತಿ ಅಥವಾ ಗೆಳೆಯನನ್ನು ಹೊಂದಿದ್ದರೆ, ಈ ವೈಶಿಷ್ಟ್ಯವು ನಿಮಗೆ ತುಂಬಾ ಉಪಯುಕ್ತವಾಗಿರುತ್ತದೆ. ಏಕೆಂದರೆ ನಿಮ್ಮ ವಿಶೇಷ ವ್ಯಕ್ತಿಯ ಚಾಟ್‌ಗಳನ್ನು ನೀವು ಪ್ರತ್ಯೇಕವಾಗಿ ಇರಿಸಬಹುದು.
ವಾಟ್ಸ್ಆ್ಯಪ್ನ ಈ ವೈಶಿಷ್ಟ್ಯವು ಕ್ರಮೇಣ ಎಲ್ಲಾ ಬಳಕೆದಾರರಿಗೆ ಲಭ್ಯವಾಗುತ್ತಿದೆ ಮತ್ತು ಕಂಪನಿಯು ಅದನ್ನು ಇನ್ನಷ್ಟು ಉತ್ತಮಗೊಳಿಸಲು ಯೋಜಿಸುತ್ತಿದೆ. ವಿಶೇಷವಾಗಿ ಖಾಸಗಿ ಮತ್ತು ವೃತ್ತಿಪರ ಚಾಟ್‌ಗಳನ್ನು ಹೊಂದಿರುವವರಿಗೆ, ಈ ವೈಶಿಷ್ಟ್ಯವು ಕೆಲಸವನ್ನು ಹೆಚ್ಚು ಸುಲಭಗೊಳಿಸುತ್ತದೆ.
ಲಿಸ್ಟ್ಸ್ನೊಂದಿಗೆ ನೀವು ನಿಮ್ಮ ಆಯ್ಕೆಯ ಕಸ್ಟಮ್ ವಿಭಾಗಗನ್ನು ಕ್ರಿಯಟ್ ಮಾಡಬಹುದು. ಆಗ ನಿಮ್ಮ ಚಾಟ್‌ಗಳನ್ನು ಫಿಲ್ಟರ್ ಮಾಡಬಹುದು. ಅದು ಫ್ಯಾಮಿಲಿ, ಕೆಲಸ ಅಥವಾ ನಿಮ್ಮ ಸ್ಥಳೀಯ ನೆರೆಹೊರೆಯವರಿಗಾಗಿ ಲಿಸ್ಟ್ ಆಗಿರಲಿ, ನಿಮಗೆ ಅಗತ್ಯವಿರುವಾಗ ಪ್ರಮುಖವಾದ ಸಂಭಾಷಣೆಗಳ ಮೇಲೆ ಕೇಂದ್ರೀಕರಿಸಲು ಲಿಸ್ಟ್ಗಳು ನಿಮಗೆ ಸಹಾಯ ಮಾಡುತ್ತವೆ ಎಂದು ವಾಟ್ಸ್ಆ್ಯಪ್ ಹೇಳಿದೆ.
ಓದಿ: ದೇಶದಲ್ಲಿ ಹೆಚ್ಚುತ್ತಿದೆ ಡಿಜಿಟಲ್ ವಹಿವಾಟು; ಅಕ್ಟೋಬರ್ನಲ್ಲಿ ಹೊಸ ದಾಖಲೆ ಬರೆದ ಯುಪಿಐ!
