SMARTWATCH BANDS: ತಂತ್ರಜ್ಞಾನ ಬೆಳದಂತೆ ಮಾನವರಿಗೆ ಅಪಾಯವೂ ಸಹ ಹೆಚ್ಚುತ್ತಲೇ ಸಾಗುತ್ತಿದೆ. ಸದ್ಯ ಈಗ ಎಲ್ಲಡೆ ಸ್ಮಾರ್ಟ್ವಾಚ್ ಮತ್ತು ಫಿಟ್ನೆಸ್ ಟ್ರ್ಯಾಕರ್ಗಳಿಗೆ ಜನರು ಮಾರು ಹೋಗುತ್ತಿದ್ದಾರೆ. ಆದರೆ ಇದರಿಂದ ಎಷ್ಟು ಅಪಾಯವಿದೆ ಎಂಬುದು ಯಾರಿಗೂ ತಿಳಿದಿಲ್ಲ. ಈ ಬಗ್ಗೆ ಸಂಶೋಧಕರು ಪ್ರತಿಯೊಬ್ಬರಿಗೂ ಹೆಚ್ಚರಿಸಿದ್ದಾರೆ. ಅದೇನು ಎಂಬುದು ತಿಳಿಯೋಣ ಬನ್ನಿ.
ಸ್ಮಾರ್ಟ್ವಾಚ್ಗಳು ಮತ್ತು ಫಿಟ್ನೆಸ್ ಟ್ರ್ಯಾಕರ್ಗಳಿಗೆ ಅಳವಡಿಸಿರುವ ರಿಸ್ಟ್ಬ್ಯಾಂಡ್ಗಳಿಂದ ಬಳಸುವವರಿಗೆ ಅಪಾಯ ಹೆಚ್ಚಿದೆ ಎನ್ನುತ್ತಿದ್ದಾರೆ ಸಂಶೋಧಕರು. ಇವುಗಳು ಚರ್ಮವನ್ನು ಶಾಶ್ವತವಾಗಿ ರಾಸಾಯನಿಕಗಳಿಗೆ ಒಡ್ಡಬಹುದು ಎಂದು ಎಸಿಎಸ್‌ನ ಎನ್ವಿರಾನ್ಮೆಂಟಲ್ ಸೈನ್ಸ್ ಆ್ಯಂಡ್ ಟೆಕ್ನಾಲಜಿ ಲೆಟರ್ನಲ್ಲಿ ಪ್ರಕಟವಾದ ಅಧ್ಯಯನ ಬಹಿರಂಗ ಪಡಿಸಿದೆ. ಫ್ಲೋರಿನೇಟೆಡ್ ಸಿಂಥೆಟಿಕ್ ರಬ್ಬರ್‌ನಿಂದ ಮಾಡಿದ ರಿಸ್ಟ್‌ಬ್ಯಾಂಡ್‌ಗಳು ಹೆಚ್ಚಿನ ಮಟ್ಟದ ಪರ್ಫ್ಲೋರೋಹೆಕ್ಸಾನೋಯಿಕ್ ಆಮ್ಲವನ್ನು (PFHxA) ಒಳಗೊಂಡಿರುತ್ತವೆ ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ. ಇದು ಶಾಶ್ವತ ರಾಸಾಯನಿಕದ ಒಂದು ವಿಧನಾವಾಗಿದೆ. ಇದು ಕಡಿಮೆ ಬೆಲೆಯ ಉತ್ಪನ್ನಗಳಲ್ಲಿ ಕಂಡು ಬರುವ ಬದಲು, ಈಗ ದುಬಾರಿ ರಿಸ್ಟ್‌ಬ್ಯಾಂಡ್‌ಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ ಎಂದು ಅಧ್ಯಯನ ಹೇಳಿದೆ.
ನಮ್ಮ ಚರ್ಮದೊಂದಿಗೆ ದೀರ್ಘಕಾಲದ ಸಂಪರ್ಕದಲ್ಲಿರುವ ವಸ್ತುಗಳಲ್ಲಿ ಒಂದು ರೀತಿಯ ಶಾಶ್ವತ ರಾಸಾಯನಿಕಗಳ ಅತಿ ಹೆಚ್ಚು ಸಾಂದ್ರತೆ ಇರುವುದು ಎದ್ದು ಕಾಣುತ್ತದೆ ಎಂದು ಅಧ್ಯಯನದ ಕರೆಸ್ಪಾಂಡಿಂಗ್ ಲೇಖಕರಾದ ಗ್ರಹಾಂ ಪೀಸ್ಲೀ ಅವರ ಮಾತಾಗಿದೆ.
PFHxA ರಾಸಾಯನಿಕವು ಚರ್ಮ ಅಥವಾ ಆರೋಗ್ಯದ ಮೇಲೆ ಯಾವರೀತಿ ಪರಿಣಾಮಗಳನ್ನು ಬೀರುತ್ತದೆ ಎಂಬುದನ್ನು ವಿಜ್ಞಾನಿಗಳು ಸಂಪೂರ್ಣವಾಗಿ ಅರ್ಥಮಾಡಿಕೊಳ್ಳಲಾಗುತ್ತಿಲ್ಲ. ಇದರ ಬಗ್ಗೆ ಸಂಶೋಧನೆ ಮುಂದುವರಿದಿದೆ. ಆದರೆ ಇತ್ತೀಚಿನ ಸಂಶೋಧನೆಗಳ ಪ್ರಕಾರ ಸಾಮಾನ್ಯ ಪರಿಸ್ಥಿತಿಗಳಲ್ಲಿ ಗಮನಾರ್ಹ ಪ್ರಮಾಣದಲ್ಲಿ ಚರ್ಮದ ಮೇಲೆ ಪರಿಣಾಮ ಬೀರುತ್ತದೆ ಎಂದು ಸೂಚಿಸುತ್ತವೆ ಅಂತಾ ಲೇಖಕರು ಎಚ್ಚರಿಸಿದ್ದಾರೆ.
ಶಾಶ್ವತ ರಾಸಾಯನಿಕ: ಪರ್- ಅಂಡ್ ಪಾಲಿಫ್ಲೋರೊಅಲ್ಕೈಲ್ ಸಬ್ಸ್ಟೆನ್ಸೆಸ್ (PFAS) ರಾಸಾಯನಿಕಗಳು ಅವುಗಳ ಬಾಳಿಕೆ ಮತ್ತು ನೀರು, ಬೆವರು ಮತ್ತು ಎಣ್ಣೆಯನ್ನು ಹಿಮ್ಮೆಟ್ಟಿಸುವ ಸಾಮರ್ಥ್ಯಕ್ಕೆ ಹೆಸರುವಾಸಿಯಾಗಿದೆ. ಈ ಗುಣಲಕ್ಷಣಗಳು ಸ್ಮಾರ್ಟ್ವಾಚ್ ಮತ್ತು ಫಿಟ್ನೆಸ್ ಟ್ರ್ಯಾಕರ್ ರಿಸ್ಟ್‌ಬ್ಯಾಂಡ್‌ಗಳನ್ನು ಒಳಗೊಂಡಂತೆ ಸ್ಟೇನ್-ರೆಸಿಸ್ಟೆಂಟ್ ಬೆಡ್ಡಿಂಗ್ ಮತ್ತು ಫಿಟ್ನೆಸ್ ಉಡುಗೆಗಳಂತಹ ಅನೇಕ ಗ್ರಾಹಕ ಉತ್ಪನ್ನಗಳಲ್ಲಿ ಕಂಡು ಬರುತ್ತವೆ.
ಈ ಬ್ಯಾಂಡ್ಗಳನ್ನು ಫ್ಲೋರೋಲಾಸ್ಟೋಮರ್‌ಗಳಿಂದ ತಯಾರಿಸಲಾಗುತ್ತದೆ. PFAS ಸರಪಳಿಗಳಿಂದ ಸಂಯೋಜಿಸಲ್ಪಟ್ಟ ಸಿಂಥೆಟಿಕ್ ರಬ್ಬರ್‌ಗಳು, ಇದು ಕಲರ್ ಹೋಗದಂತೆ ತಡೆಯಲು ಮತ್ತು ಕೊಳೆಯನ್ನು ಹಿಮ್ಮೆಟ್ಟಿಸಲು ಸಹಾಯ ಮಾಡುತ್ತದೆ. ಇದು ಬೆವರುವ ಜೀವನಕ್ರಮಕ್ಕೆ ಬ್ಯಾಂಡ್ಗಳನ್ನು ಸೂಕ್ತವಾಗಿಸುತ್ತದೆ. ಇದರರ್ಥ ಅವರು ಈ ರಾಸಾಯನಿಕಗಳನ್ನು ಚರ್ಮಕ್ಕೆ ಪರಿಚಯಿಸಿದಂತಾಗುತ್ತದೆ ಎಂದು ಲೇಖಕರು ಹೇಳುತ್ತಾರೆ. ಈ ಸಮಸ್ಯೆಯನ್ನು ಅನ್ವೇಷಿಸಲು, ಪೀಸ್ಲೀ ಮತ್ತು ಸಹ-ಲೇಖಕರು ಅಲಿಸ್ಸಾ ವಿಕ್ಸ್ ಮತ್ತು ಹೀದರ್ ವೈಟ್‌ಹೆಡ್ ಅವರು ಫ್ಲೋರಿನ್ ಮತ್ತು ವೈಯಕ್ತಿಕ PFAS ಹೊಂದಿರುವ ಹಲವಾರು ರಿಸ್ಟ್‌ಬ್ಯಾಂಡ್‌ಗಳನ್ನು ಪರಿಶೀಲಿಸಿದರು.
ದುಬಾರಿ ರಿಸ್ಟ್‌ಬ್ಯಾಂಡ್‌ಗಳಲ್ಲಿ ಹೆಚ್ಚು ಫ್ಲೋರಿನ್: ಸಂಶೋಧಕರ ತಂಡವು ವಿವಿಧ ಬ್ರಾಂಡ್‌ಗಳಿಂದ 22 ರಿಸ್ಟ್‌ಬ್ಯಾಂಡ್‌ಗಳನ್ನು ಪರೀಕ್ಷಿಸಿತು. 13 ಬ್ಯಾಂಡ್‌ಗಳು ಫ್ಲೋರೋ ಎಲಾ ಸ್ಟೋಮರ್‌ಗಳಿಂದ ಮಾಡಲ್ಪಟ್ಟಿವೆ ಎಂದು ಪ್ರಚಾರ ಮಾಡಲಾಗಿದ್ದು, ಫ್ಲೋರಿನ್ ಅನ್ನು ಒಳಗೊಂಡಿರುವುದನ್ನು ಅವರು ಕಂಡುಕೊಂಡರು. ಫ್ಲೋರೋಎಲಾಸ್ಟೊಮರ್‌ಗಳೆಂದು ಪ್ರಚಾರ ಮಾಡದ ಒಂಬತ್ತು ಬ್ಯಾಂಡ್ಗಳಲ್ಲಿ ಎರಡು ಫ್ಲೋರಿನ್ ಅನ್ನು ಒಳಗೊಂಡಿರುವುದು ಗಮನಿಸಿದರು.
30 ಡಾಲರ್ಕ್ಕಿಂತ ಹೆಚ್ಚು ಬೆಲೆಯ ರಿಸ್ಟ್‌ಬ್ಯಾಂಡ್‌ಗಳು 15 ಡಾಲರ್ಕ್ಕಿಂತ ಕಡಿಮೆ ಫ್ಲೋರಿನ್ ಅನ್ನು ಹೊಂದಿದ್ದವು. ರಾಸಾಯನಿಕ ಹೊರತೆಗೆಯುವಿಕೆಯ ನಂತರ ರಿಸ್ಟ್‌ಬ್ಯಾಂಡ್‌ಗಳನ್ನು PFAS ಗಾಗಿ ಪರೀಕ್ಷಿಸಲಾಯಿತು. PFHxA ಅತ್ಯಂತ ಸಾಮಾನ್ಯವಾಗಿದೆ. ಇದು 22 ರಿಸ್ಟ್‌ಬ್ಯಾಂಡ್‌ಗಳಲ್ಲಿ ಒಂಬತ್ತ ಬ್ಯಾಂಡ್ಗಳಲ್ಲಿ ಕಂಡುಬಂದಿತು.
ಪ್ರಸ್ತುತ, ಅಮೆರಿಕದಲ್ಲಿ ಕುಡಿಯುವ ನೀರಿಗೆ ಕೇವಲ ಆರು PFAS ಮಾತ್ರ ಮಾನ್ಯತೆ ಮಿತಿಗಳನ್ನು ಫೆಡರಲ್ ವ್ಯಾಖ್ಯಾನಿಸಿದೆ. ಇತರ PFAS ಮತ್ತು ಮಾನ್ಯತೆ ಮಾರ್ಗಗಳ ಮಿತಿಗಳನ್ನು ಇನ್ನೂ ಅಧ್ಯಯನ ಮಾಡಲಾಗುತ್ತಿದೆ. "ಚರ್ಮಕ್ಕೆ ಅನ್ವಯಿಸಲಾದ ಯಾವುದೇ ಧರಿಸಬಹುದಾದ ಗ್ರಾಹಕ ಉತ್ಪನ್ನಕ್ಕಾಗಿ ಭಾಗ-ಪ್ರತಿ ಮಿಲಿಯನ್ ಶ್ರೇಣಿಯಲ್ಲಿ (>1000 ppb) ಹೊರತೆಗೆಯಬಹುದಾದ ಸಾಂದ್ರತೆಗಳನ್ನು ನಾವು ಎಂದಿಗೂ ನೋಡಿಲ್ಲ" ಎಂದು ಪೀಸ್ಲೀ ಹೇಳುತ್ತಾರೆ. ಹೆಚ್ಚಿನ ಬೆಲೆಯ ಬ್ಯಾಂಡ್ಗಳನ್ನು ಪರಿಗಣಿಸುವವರಿಗೆ ಉತ್ಪನ್ನಗಳ ವಿವರಣೆಗಳನ್ನು ಎಚ್ಚರಿಕೆಯಿಂದ ಓದಲು ಮತ್ತು ಫ್ಲೋರೋ ಎಲಾಸ್ಟೊಮರ್‌ಗಳನ್ನು ಒಳಗೊಂಡಿರುವದನ್ನು ತಪ್ಪಿಸಲು ಪೀಸ್ಲೀ ಸಲಹೆ ನೀಡಿದ್ದಾರೆ.
ಓದಿ: ಕೊನೆಗೂ ದೇಶಿಯ ಮಾರುಕಟ್ಟೆಗೆ ಕಾಲಿಟ್ಟ ಸವೆನ್ ಸೀಟರ್ ಕಿಯಾ ಸಿರೋಸ್: ಪ್ರಿಮಿಯಂ ಲುಕ್, ಸೂಪರ್ ಫೀಚರ್ಸ್
