ನವದೆಹಲಿ: Launched a new smartphone- ಲಂಡನ್ ಮೂಲದ ಗ್ರಾಹಕ ಟೆಕ್ ಬ್ರಾಂಡ್ ನಥಿಂಗ್ ಸೋಮವಾರ ತನ್ನ ಉಪ ಬ್ರಾಂಡ್ ಸಿಎಂಎಫ್ ಅಡಿ 50 ಎಂಪಿ ಕ್ಯಾಮೆರಾ ಹೊಂದಿರುವ ಹೊಸ ಸ್ಮಾರ್ಟ್ ಫೋನ್ ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. 6 ಜಿಬಿ + 128 ಜಿಬಿ ಮತ್ತು 8 ಜಿಬಿ + 128 ಜಿಬಿ ಹೀಗೆ ಎರಡು ಮಾದರಿಗಳಲ್ಲಿ ಬಿಡುಗಡೆಯಾದ ಹೊಸ ಸ್ಮಾರ್ಟ್ಪೋನ್ ಸಿಎಂಎಫ್ ಫೋನ್ 1,15,999 ರೂ. ಗಳ ಆರಂಭಿಕ ಬೆಲೆಯಲ್ಲಿ ಲಭ್ಯವಾಗಲಿದೆ. ಸ್ಮಾರ್ಟ್ಪೋನ್ ಜೊತೆಗೆ, ಕಂಪನಿಯು ಸಿಎಂಎಫ್ ವಾಚ್ ಪ್ರೊ 2 ಮತ್ತು ಸಿಎಂಎಫ್ ಬಡ್ಸ್ ಪ್ರೊ 2 ಗಳನ್ನು ಸಹ ಬಿಡುಗಡೆ ಮಾಡಿದೆ.
"ಸಿಎಂಎಫ್ ಫೋನ್ 1, ಸಿಎಂಎಫ್ ವಾಚ್ ಪ್ರೊ 2 ಮತ್ತು ಸಿಎಂಎಫ್ ಬಡ್ಸ್ ಪ್ರೊ 2 ವಿನ್ಯಾಸಗಳು ಸೃಜನಶೀಲತೆ, ಪ್ರಾಯೋಗಿಕತೆ ಮತ್ತು ವೈಯಕ್ತೀಕರಣವನ್ನು ಸಂಯೋಜಿಸುವ ನಥಿಂಗ್ನ ವಿಶಿಷ್ಟ ವಿಧಾನವನ್ನು ಪ್ರದರ್ಶಿಸುತ್ತವೆ" ಎಂದು ನಥಿಂಗ್ ಸಿಇಒ ಕಾರ್ಲ್ ಪೀ ಹೇಳಿದರು.
50MP rear camera, the smartphone: 50 ಎಂಪಿ ಹಿಂಭಾಗದ ಕ್ಯಾಮೆರಾ ಹೊಂದಿರುವ ಸ್ಮಾರ್ಟ್ಪೋನ್, ಮೀಡಿಯಾಟೆಕ್ ಡೈಮೆನ್ಸಿಟಿ 7300 5ಜಿ ಪ್ರೊಸೆಸರ್, 6.67 ಇಂಚಿನ ಸೂಪರ್ ಅಮೋಲೆಡ್ ಡಿಸ್ ಪ್ಲೇ, 5000 ಎಂಎಎಚ್ ಬ್ಯಾಟರಿ ಮತ್ತು 16 ಎಂಪಿ ಸೆಲ್ಫಿ ಕ್ಯಾಮೆರಾಗಳನ್ನು ಒಳಗೊಂಡಿದೆ. ತಡೆರಹಿತ ಸಂವಹನಗಳಿಗಾಗಿ ಇದು 120 Hz ಹೊಂದಾಣಿಕೆಯ ರಿಫ್ರೆಶ್ ದರವನ್ನು ಸಹ ಹೊಂದಿದೆ.
ಇದು 120 ಕ್ಕೂ ಹೆಚ್ಚು ಸ್ಪೋರ್ಟ್ಸ್ ಮೋಡ್ ಮತ್ತು 5 ಕ್ರೀಡೆಗಳ ಅಟೊಮ್ಯಾಟಿಕ್ ರಿಕಗ್ನಿಶನ್ ವೈಶಿಷ್ಟ್ಯಗಳನ್ನು ಹೊಂದಿದೆ. ಇದು ಹೃದಯ ಬಡಿತ, ರಕ್ತದ ಆಮ್ಲಜನಕದ ಸ್ಯಾಚುರೇಶನ್ (ಎಸ್ ಪಿಒ 2) ಮತ್ತು ಒತ್ತಡದ ಮಟ್ಟಗಳ ದಿನದ 24 ಗಂಟೆಯೂ ಮೇಲ್ವಿಚಾರಣೆ ಒದಗಿಸುತ್ತದೆ ಎಂದು ಕಂಪನಿ ತಿಳಿಸಿದೆ.
ಇದಲ್ಲದೇ, ಸಿಎಂಎಫ್ ಬಡ್ಸ್ ಪ್ರೊ 2 ಡ್ಯುಯಲ್ ಡ್ರೈವರ್ ಗಳಿಂದ ನಿಯಂತ್ರಿಸಲ್ಪಡುತ್ತದೆ. ಇದು 11 ಎಂಎಂ ಬಾಸ್ ಡ್ರೈವರ್ ಮತ್ತು 6 ಎಂಎಂ ಟ್ವೀಟರ್ ಅನ್ನು ಒಳಗೊಂಡಿದೆ. 50 ಡಿಬಿ ವರೆಗೆ ಸುಧಾರಿತ ಹೈಬ್ರಿಡ್ ಆ್ಯಕ್ಟಿವ್ ನಾಯ್ಸ್ ಕ್ಯಾನ್ಸಲೇಶನ್ ಮತ್ತು 5000 Hz ವರೆಗೆ ವಿಸ್ತಾರವಾದ ಆವರ್ತನ ಶ್ರೇಣಿಯ ಅನುಭವವನ್ನು ಈ ಸಾಧನ ನೀಡುತ್ತದೆ.
ಕಂಪನಿಯ ಪ್ರಕಾರ, ಇಯರ್ ಬಡ್ ಗಳು ಒಟ್ಟು 43 ಗಂಟೆಗಳ ಬ್ಯಾಟರಿ ಬಾಳಿಕೆ ಹೊಂದಿವೆ ಮತ್ತು 10 ನಿಮಿಷ ಕ್ವಿಕ್ ಚಾರ್ಜ್ ಮಾಡುವ ಮೂಲಕ 7 ಗಂಟೆಗಳ ಕಾಲ ಪ್ಲೇಬ್ಯಾಕ್ ಮಾಡಬಹುದು. ಸಿಎಂಎಫ್ ವಾಚ್ ಪ್ರೊ 2 ಡಾರ್ಕ್ ಗ್ರೇ ಮತ್ತು ಆ್ಯಶ್ ಗ್ರೇ ಬಣ್ಣದಲ್ಲಿ 4,999 ರೂ., ಬ್ಲೂ ಮತ್ತು ಆರೆಂಜ್ ಬಣ್ಣದಲ್ಲಿ 5,499 ರೂ. ಬೆಲೆಗಳಲ್ಲಿ ಲಭ್ಯವಿವೆ. ಸಿಎಂಎಫ್ ಬಡ್ಸ್ ಪ್ರೊ 2 ಬೆಲೆ 4,299 ರೂ. ಗಳಾಗಿದೆ.
ಇದನ್ನೂ ಓದಿ : ಸೈಬರ್ ಸುರಕ್ಷತೆಗಾಗಿ ಎಐ ತಂತ್ರಜ್ಞಾನ ಅಳವಡಿಕೆಗೆ ಶೇ 73ರಷ್ಟು ಕಂಪನಿಗಳ ಒಲವು: ವರದಿ - GenAI for Security
