ಕಾರು ಪ್ರಿಯರಿಗೆ ಗುಡ್​ ನ್ಯೂಸ್​- ನವರಾತ್ರಿಯಿಂದ ಮಹೀಂದ್ರ ಥಾರ್​ ರಾಕ್ಸ್​ ಬುಕಿಂಗ್​ ಪ್ರಾರಂಭ - Mahindra Thar Roxx Booking

Mahindra Thar Roxx Booking: ಈ ಹಬ್ಬಕ್ಕೆ ಹೊಸ ಕಾರು ಖರೀದಿಸಲು ಬಯಸುವವರಿಗೆ ಇದೊಂದು ಉತ್ತಮ ಅವಕಾಶ. ಮಹೀಂದ್ರ ಥಾರ್ ರಾಕ್ಸ್ ಬುಕಿಂಗ್ ಕೆಲವೇ ದಿನಗಳಲ್ಲಿ ಪ್ರಾರಂಭವಾಗಲಿದೆ. ಇತ್ತೀಚೆಗೆ ಈ ಕಾರನ್ನು ಐದು ಡೋರ್​ಗಳು ಜೊತೆ ವಿಶೇಷ ವೈಶಿಷ್ಟ್ಯಗಳೊಂದಿಗೆ ಬಿಡುಗಡೆ ಮಾಡಲಾಗಿದೆ. ಈ ದಸರಾ ಮತ್ತು ದೀಪಾವಳಿಗೆ ಉತ್ತಮ ಕಾರು ಖರೀದಿಸಲು ಬಯಸುವವರಿಗೆ ಇದು ಅತ್ಯುತ್ತಮ ಆಯ್ಕೆಯಾಗಿದೆ. ಇದರ ಬೆಲೆ, ವೈಶಿಷ್ಟ್ಯತೆಗಳು, ಬುಕಿಂಗ್, ಡೆಲಿವರಿ ಸೇರಿದಂತೆ ಇನ್ನಿತರ ವಿವರಗಳು ಇಲ್ಲಿವೆ.

Mahindra Thar Roxx Booking: ಈ ಹಬ್ಬದಲ್ಲಿ ಹೊಸ ಕಾರನ್ನು ಖರೀದಿಸಲು ಬಯಸುವಿರಾ.. ಮಹೀಂದ್ರ ಥಾರ್ ರಾಕ್ಸ್ ಬುಕಿಂಗ್ ಕೆಲವೇ ದಿನಗಳಲ್ಲಿ ಪ್ರಾರಂಭವಾಗಲಿದೆ. ಮಹೀಂದ್ರ ಈ ನವೀಕರಿಸಿದ 5-ಡೋರ್​ ಥಾರ್ ರಾಕ್ಸ್ ಅನ್ನು ಆಗಸ್ಟ್ 15 ರಂದು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿತು. ಇದರ ಬುಕಿಂಗ್ ನವರಾತ್ರಿಯಿಂದ ಪ್ರಾರಂಭವಾಗುತ್ತದೆ. ಕಾರಿನ ಬೆಲೆ, ವೈಶಿಷ್ಟ್ಯಗಳು ಮತ್ತು ಇತರ ವಿವರಗಳನ್ನು ನೋಡೋಣ ಬನ್ನಿ..

ನವರಾತ್ರಿಯಿಂದ ಬುಕಿಂಗ್​ ಪ್ರಾರಂಭ:

ಮಹೀಂದ್ರ ಥಾರ್ ರಾಕ್ಸ್ (Mahindra)

• ಈ ಮಹೀಂದ್ರ ಥಾರ್ ರಾಕ್ಸ್ ಬುಕಿಂಗ್‌ಗಳು ನವರಾತ್ರಿಯ ಮೊದಲ ದಿನದಿಂದ ಪ್ರಾರಂಭವಾಗುತ್ತವೆ.
• ಹಾಗಾಗಿ ಈ ಕಾರನ್ನು ಖರೀದಿಸಲು ಬಯಸುವವರು ಅಕ್ಟೋಬರ್ 3 ರಿಂದ ಬುಕ್ ಮಾಡಬಹುದು.

ಡೆಲಿವರಿ ಆರಂಭ ಯಾವಾಗ?:

• ಈ ಹೊಸ ಮಹೀಂದ್ರ ಥಾರ್ ರಾಕ್ಸ್‌ನ ಬುಕಿಂಗ್‌ಗಳು ನವರಾತ್ರಿಯ ಮೊದಲ ದಿನದಿಂದ ಪ್ರಾರಂಭವಾಗುತ್ತವೆ.
• ಆದರೆ ಈ ಹೊಸ ಮಹೀಂದ್ರ ಕಾರ್​ ವಿತರಣೆಯು ಕೆಲವು ದಿನಗಳ ನಂತರ ಶುರುವಾಗುವುದು.
• ಅಕ್ಟೋಬರ್ 12 ರಿಂದ ಥಾರ್ ರಾಕ್ಸ್ ಡೆಲಿವರಿಗಳು ಪ್ರಾರಂಭವಾಗುತ್ತವೆ ಎಂದು ಕಂಪನಿ ಬಹಿರಂಗಪಡಿಸಿದೆ.

ಎಂಜಿನ್ ಪವರ್​:

• ಮಹೀಂದ್ರ ಥಾರ್ ರಾಕ್ಸ್ ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಗಳಲ್ಲಿ ಲಭ್ಯವಿದೆ.
• ಇದರ 2.0 ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್ 160 bhp ಪವರ್ ಮತ್ತು 330 Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.
• ಈ ಕಾರಿನಲ್ಲಿರುವ 2.2 ಲೀಟರ್ mHawk ಡೀಸೆಲ್ ಎಂಜಿನ್ 150 bhp ಪವರ್ ಮತ್ತು 330 mm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.
• ಈ ಎರಡೂ ಎಂಜಿನ್‌ಗಳು ಆರು-ಸ್ಪೀಡ್ ಮ್ಯಾನುವಲ್ ಮತ್ತು ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ಗಳಿಗೆ ಹೊಂದಿಕೆಯಾಗುತ್ತವೆ.

ಇದರ ವಿಶೇಷತೆ ಏನು?:

ಮಹೀಂದ್ರ ಥಾರ್ ರಾಕ್ಸ್ (Mahindra)

• ಈ ಮಹೀಂದ್ರ ಥಾರ್ ರಾಕ್ಸ್ ಅನ್ನು ಅತ್ಯಂತ ಸುರಕ್ಷತಾ ವೈಶಿಷ್ಟ್ಯಗಳೊಂದಿಗೆ ತಂದಿರುವುದಾಗಿ ಕಂಪನಿಯು ಬಹಿರಂಗಪಡಿಸಿದೆ.
• ಇದನ್ನು 35 ಗುಣಮಟ್ಟದ ಸುರಕ್ಷತಾ ವೈಶಿಷ್ಟ್ಯಗಳೊಂದಿಗೆ ಬಿಡುಗಡೆ ಮಾಡಲಾಗಿದೆ.
• ಥಾರ್ ರಾಕ್ಸ್ ಆರು ಏರ್‌ಬ್ಯಾಗ್‌ಗಳು ಮತ್ತು ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್​ ಅನ್ನು ಹೊಂದಿದೆ.
• ಲೇನ್ ಕೀಪ್ ಅಸಿಸ್ಟೆಂಟ್ ಮತ್ತು ಅಡಾಪ್ಟಿವ್ ಕ್ರೂಸ್‌ನಂತಹ ಅಡ್ವಾನ್ಸಡ್​ ಡ್ರೈವರ್​ ಅಸಿಸ್ಟಂಟ್​ ಸಿಸ್ಟಮ್​ಗಳೊಂದಿಗೆ ಮಹೀಂದ್ರ ಈ ಥಾರ್ ಅನ್ನು ತಂದಿದೆ.
• ಆರು ಡಬಲ್ ಸ್ಟ್ಯಾಕ್ ಸ್ಲಾಟ್‌ಗಳು ಮತ್ತು LED ಪ್ರೊಜೆಕ್ಟರ್ ಹೆಡ್‌ಲ್ಯಾಂಪ್‌ಗಳಿವೆ.
• ಹಿಂಭಾಗದಲ್ಲಿ ಸಿ-ಆಕಾರದ ಎಲ್ಇಡಿ ಟೈಲ್​ಲೈಟ್​ಗಳು ಮತ್ತು ಟೈಲ್​ಗೇಟ್-ಮೌಂಟೆಡ್ ಸ್ಪೇರ್ ವ್ಹೀಲ್ ಅನ್ನು ಪಡೆಯುತ್ತದೆ.
• ಇದು 10.25-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್‌ನೊಂದಿಗೆ ಬರುತ್ತದೆ.
• ಇದು Apple CarPlay ಮತ್ತು Android Auto ಅನ್ನು ಸಪೋರ್ಟ್​ ಮಾಡುತ್ತದೆ.

ಇತರೆ ವೈಶಿಷ್ಟ್ಯಗಳು:

ಮಹೀಂದ್ರ ಥಾರ್ ರಾಕ್ಸ್ (Mahindra)

• ಪವರ್ಡ್​ ಸೀಟ್ಸ್​
• ಎರಡು ಸನ್‌ರೂಫ್ ಆಪ್ಷನ್​
• ಕನೆಕ್ಟಡ್​ ಕಾರು ಟೆಕ್​
• ಲೆವೆಲ್​-2 ADAS
• ಅಕೌಸ್ಟಿಕ್ ಗ್ಲಾಸಸ್​
• 9-ಸ್ಪೀಕರ್ ಹರ್ಮನ್ ಕಾರ್ಡನ್ ಸೌಂಡ್ ಸಿಸ್ಟಮ್
• 360 ಡಿಗ್ರಿ ಪಾರ್ಕಿಂಗ್ ಕ್ಯಾಮರಾ

ಬೆಲೆಗಳು:

ಮಹೀಂದ್ರ ಥಾರ್ ರಾಕ್ಸ್ (Mahindra)

• ಪೆಟ್ರೋಲ್ ಬೇಸಿಕ್ ವೆರಿಯಂಟ್ ಬೆಲೆ: ರೂ.12.99 ಲಕ್ಷದಿಂದ ಆರಂಭ (ಎಕ್ಸ್ ಶೋ ರೂಂ).
• ಡೀಸೆಲ್ ಆವೃತ್ತಿಯ ಬೆಲೆ: ರೂ.13.99 ಲಕ್ಷದಿಂದ ಪ್ರಾರಂಭ (ಎಕ್ಸ್ ಶೋ ರೂಂ).

ಓದಿ: ತಾಂತ್ರಿಕ ದೋಷದಿಂದ ಕಾರು ಬೆಂಕಿಗಾಹುತಿ: ಮಾಲೀಕನಿಗೆ ₹16 ಲಕ್ಷ ನೀಡುವಂತೆ ಟಾಟಾ ಮೋಟಾರ್ಸ್​ಗೆ ಕೋರ್ಟ್​ ಆದೇಶ - Hyderabad Nexon EV Fire Case