ನವದೆಹಲಿ : ಹಾನರ್ ಸ್ಮಾರ್ಟ್ಫೋನ್ ಕಂಪನಿಯು ತನ್ನ ಫ್ಲ್ಯಾಗ್ ಶಿಪ್ ಸಾಧನ ಹಾನರ್ ಮ್ಯಾಜಿಕ್ 6 ಪ್ರೊ 5ಜಿ ಬಿಡುಗಡೆ ಮಾಡುವ ಮೂಲಕ ಸ್ಮಾರ್ಟ್ ಫೋನ್ ಮಾರುಕಟ್ಟೆಯಲ್ಲಿ ಸಂಚಲನ ಸೃಷ್ಟಿಸಲು ಸಜ್ಜಾಗಿದೆ. ಈ ಅತ್ಯಾಧುನಿಕ ಸ್ಮಾರ್ಟ್ಫೋನ್ ಬಳಕೆದಾರರ ಅನುಭವವನ್ನು ಹೊಸ ಎತ್ತರಕ್ಕೆ ಏರಿಸುವ ಅತ್ಯುತ್ತಮ ದರ್ಜೆಯ ವೈಶಿಷ್ಟ್ಯಗಳನ್ನು ಪರಿಚಯಿಸಲು ಸಜ್ಜಾಗಿದೆ.
ಎಐ ಚಾಲಿತ ಹಾನರ್ ಫಾಲ್ಕನ್ ಕ್ಯಾಮೆರಾ ಸಿಸ್ಟಮ್ನೊಂದಿಗೆ ಮ್ಯಾಜಿಕ್ 6 ಪ್ರೊ 5 ಜಿ ಸ್ಮಾರ್ಟ್ಫೋನ್ ಛಾಯಾಗ್ರಹಣದ ಅತ್ಯುತ್ತಮ ಅನುಭವ ನೀಡಲಿದೆ. ಈ ಸುಧಾರಿತ ಟ್ರಿಪಲ್ -ಕ್ಯಾಮೆರಾ ಸೆಟಪ್ ಪ್ರಮುಖ ಸೂಪರ್ ಡೈನಾಮಿಕ್ ಫಾಲ್ಕನ್ ಕ್ಯಾಮೆರಾ ಎಚ್ 9000 ಎಚ್ ಡಿಆರ್ ಸೆನ್ಸಾರ್ ನೊಂದಿಗೆ 50 ಎಂಪಿ ಮುಖ್ಯ ಕ್ಯಾಮೆರಾ, 180 ಎಂಪಿ ಪೆರಿಸ್ಕೋಪ್ ಟೆಲಿಫೋಟೋ ಕ್ಯಾಮೆರಾ ಮತ್ತು 50 ಎಂಪಿ ಅಲ್ಟ್ರಾ- ವೈಡ್ ಮತ್ತು ಮ್ಯಾಕ್ರೋ ಕ್ಯಾಮೆರಾ ಹೊಂದಿದೆ.
ಫಾಲ್ಕನ್ ಸಿಸ್ಟಮ್ ಸ್ಮಾರ್ಟ್ಫೋನ್ ಇತಿಹಾಸದಲ್ಲಿಯೇ ಇದೇ ಮೊದಲ ಬಾರಿಗೆ 1/1.3-ಇಂಚಿನ ಸೆನ್ಸರ್ ಹೊಂದಿದ್ದು, ಡೈನಾಮಿಕ್ ಶ್ರೇಣಿಯಲ್ಲಿ ಶೇಕಡಾ 800 ರಷ್ಟು ಸುಧಾರಣೆ ಮತ್ತು ಎಲ್ಲ ಬೆಳಕಿನ ಪರಿಸ್ಥಿತಿಗಳಲ್ಲಿ ಅಸಾಧಾರಣ ಸ್ಪಷ್ಟತೆ ನೀಡುತ್ತದೆ. ಮುಂಭಾಗದಲ್ಲಿರುವ 50 ಎಂಪಿ ಕ್ಯಾಮೆರಾ 3 ಡಿ ಡೆಪ್ತ್ ಸೆನ್ಸರ್ ಹೊಂದಿದ್ದು, ಇದರಲ್ಲಿ 4 ಕೆ ವಿಡಿಯೋಗಳನ್ನು ಚಿತ್ರೀಕರಿಸಬಹುದು. ಅಲ್ಲದೇ ಅದ್ಭುತ ಸೆಲ್ಫಿಗಳನ್ನು ಇದರ ಮೂಲಕ ಸೆರೆ ಹಿಡಿಯಬಹುದು ಮತ್ತು ಸ್ಪಷ್ಟವಾದ ವಿಡಿಯೋ ಕರೆಗಳನ್ನು ಮಾಡಬಹುದು. ಹಾನರ್ ಮ್ಯಾಜಿಕ್ 6 ಪ್ರೊ 5 ಜಿ ಮ್ಯಾಜಿಕ್ ಒಎಸ್ 8.0 ಅನ್ನು ಒಳಗೊಂಡಿದೆ. ಇದು ವಿಶ್ವದ ಮೊದಲ ಉದ್ದೇಶ ಆಧಾರಿತ ಬಳಕೆದಾರ ಇಂಟರ್ ಫೇಸ್ ಆಗಿದೆ.
ಎಐ ಕಾಲ್ ಗೌಪ್ಯತೆ 3.0 ನಂತಹ ವೈಶಿಷ್ಟ್ಯ: ಆಂಡ್ರಾಯ್ಡ್ 14 ನಲ್ಲಿ ನಿರ್ಮಿಸಲಾದ ಮ್ಯಾಜಿಕ್ ಒಎಸ್ 8.0 ವರ್ಧಿತ ಸಾಧನ ಸಂಪರ್ಕಕ್ಕಾಗಿ ಮ್ಯಾಜಿಕ್ ರಿಂಗ್, ಅರ್ಥಗರ್ಭಿತ ಸಂವಹನಗಳಿಗಾಗಿ ಮ್ಯಾಜಿಕ್ ಕ್ಯಾಪ್ಸೂಲ್ ಮತ್ತು ಉತ್ತಮ ಕಾಲ್ ಪ್ರೈವಸಿಗಾಗಿ ಎಐ ಕಾಲ್ ಗೌಪ್ಯತೆ 3.0 ನಂತಹ ವೈಶಿಷ್ಟ್ಯಗಳನ್ನು ಹೊಂದಿದೆ. ಸಿಸ್ಟಮ್ನ ಎಐ ಭಾಷಾ ಮಾದರಿ ಮ್ಯಾಜಿಕ್ಎಲ್ಎಂ, ಸುಗಮ ಮತ್ತು ಅರ್ಥಗರ್ಭಿತ ನೈಸರ್ಗಿಕ ಭಾಷಾ ಸಂಸ್ಕರಣೆಯನ್ನು ಖಚಿತಪಡಿಸುತ್ತದೆ. ಹೀಗಾಗಿ ಮ್ಯಾಜಿಕ್ 6 ಪ್ರೊ 5 ಜಿ ನಿಜವಾದ ಸ್ಮಾರ್ಟ್ ಸಾಧನವಾಗಿದೆ.
ಮ್ಯಾಜಿಕ್ 6 ಪ್ರೊ 5 ಜಿ 6.8-ಇಂಚಿನ ಪೂರ್ಣ-ಶ್ರೇಣಿಯ ಕಡಿಮೆ ವಿದ್ಯುತ್ ಬಳಕೆಯ ಎಲ್ಟಿಪಿಒ ಡಿಸ್ ಪ್ಲೇಯನ್ನು ಹೊಂದಿದೆ. ಇದು 2800x1280 ರೆಸಲ್ಯೂಶನ್ ಮತ್ತು 5000 ನಿಟ್ಸ್ ಗರಿಷ್ಠ ಎಚ್ಡಿಆರ್ ಬ್ರೈಟ್ನೆಸ್ ಹೊಂದಿದೆ. ಡಿಸ್ ಪ್ಲೇ 120 ಹೆರ್ಟ್ಜ್ ಅಡಾಪ್ಟಿವ್ ರಿಫ್ರೆಶ್ ರೇಟ್, ಡಾಲ್ಬಿ ವಿಷನ್ ಮತ್ತು ಫುಲ್ ಸ್ಕ್ರೀನ್ ಎಒಡಿ (ಆಲ್ವೇಸ್ ಆನ್ ಡಿಸ್ ಪ್ಲೇ) ಅನ್ನು ಬೆಂಬಲಿಸುತ್ತದೆ. ಟಿಯುವಿ ರೈನ್ ಲ್ಯಾಂಡ್ ಫ್ಲಿಕರ್ ಫ್ರೀ ಮತ್ತು ಸಿರ್ಕಾಡಿಯನ್ ಸ್ನೇಹಿ ಪ್ರಮಾಣೀಕರಣಗಳೊಂದಿಗೆ, ಮ್ಯಾಜಿಕ್ 6 ಪ್ರೊ 5 ಜಿ ಕಣ್ಣಿನ ಸುರಕ್ಷತೆಗೆ ಉತ್ತಮವಾಗಿದೆ.
ಸ್ನ್ಯಾಪ್ ಡ್ರಾಗನ್ 8 ಜೆನ್ 3 ಮೊಬೈಲ್ ಪ್ಲಾಟ್ ಫಾರ್ಮ್ನಿಂದ ಚಾಲಿತವಾದ ಹಾನರ್ ಮ್ಯಾಜಿಕ್ 6 ಪ್ರೊ 5 ಜಿ ಅಸಾಧಾರಣ ಕಾರ್ಯಕ್ಷಮತೆಯನ್ನು ನೀಡುತ್ತದೆ. ಸಿಪಿಯುನಲ್ಲಿ ಶೇಕಡಾ 30 ರಷ್ಟು ಸುಧಾರಣೆ ಮತ್ತು ಜಿಪಿಯು ಕಾರ್ಯಕ್ಷಮತೆಯಲ್ಲಿ ಶೇಕಡಾ 25 ರಷ್ಟು ಹೆಚ್ಚಳವಾಗಿದೆ.
ಹಾನರ್ ಮ್ಯಾಜಿಕ್ 6 ಪ್ರೊ ಆಗಸ್ಟ್ 2 ರಂದು ಮಧ್ಯಾಹ್ನ 12:30 ಕ್ಕೆ ಭಾರತದಲ್ಲಿ ಬಿಡುಗಡೆಯಾಗಲಿದೆ ಎಂದು ಕಂಪನಿ ಮಂಗಳವಾರ ದೃಢಪಡಿಸಿದೆ. ಈ ಹ್ಯಾಂಡ್ ಸೆಟ್ ಅಮೆಜಾನ್ ವೆಬ್ ಸೈಟ್, ಕಂಪನಿಯ ವೆಬ್ ಸೈಟ್ ಮತ್ತು ಆಯ್ದ ಆಫ್ಲೈನ್ ಚಿಲ್ಲರೆ ಅಂಗಡಿಗಳ ಮೂಲಕ ದೇಶದಲ್ಲಿ ಖರೀದಿಗೆ ಲಭ್ಯವಿರುತ್ತದೆ. ಸಾಧನದ ಬೆಲೆ ಎಷ್ಟಿರಲಿದೆ ಎಂಬ ಬಗ್ಗೆ ಕಂಪನಿ ಇನ್ನೂ ಮಾಹಿತಿ ನೀಡಿಲ್ಲ.
ಇದನ್ನೂ ಓದಿ : ಹೊಸ ಬ್ಯಾಟರಿಗಳಿಗೆ 'ಹಳೆಯ' ಶಕ್ತಿ: ಲಿಥಿಯಂ ಮರುಬಳಕೆಗೆ ಪರಿಣಾಮಕಾರಿ ವಿಧಾನ - Approach to lithium recycling
