Dwarf Planet Pluto: ಒಮ್ಮೆ ನಮ್ಮ ಸೌರವ್ಯೂಹದ ಒಂಬತ್ತನೇ ಗ್ರಹ ಎಂದು ಕರೆಯಲ್ಪಡುವ ಪ್ಲುಟೊ ತನ್ನೊಳಗೆ ಅನೇಕ ರಹಸ್ಯಗಳನ್ನು ಅಡಗಿಸಿಕೊಂಡಿದೆ. ಈಗ ಕೆಲವೊಂದು ರಹಸ್ಯಗಳ ಬಗ್ಗೆ ವಿಜ್ಞಾನಿಗಳು ಕಂಡುಕೊಂಡಿದ್ದಾರೆ. ಕುಬ್ಜ ಗ್ರಹ ಪ್ಲುಟೊದ ಅತಿ ದೊಡ್ಡ ಚಂದ್ರನಾದ 'ಚರೋನ್'ನಲ್ಲಿ ಮೊದಲ ಬಾರಿಗೆ ಇಂಗಾಲದ ಡೈಆಕ್ಸೈಡ್ ಮತ್ತು ಹೈಡ್ರೋಜನ್ ಪೆರಾಕ್ಸೈಡ್ ಅನಿಲ ಇರುವುದನ್ನು ವಿಜ್ಞಾನಿಗಳು ಪತ್ತೆ ಹಚ್ಚಿದ್ದಾರೆ.
ನಾಸಾದ ನ್ಯೂ ಹೊರೈಜನ್ಸ್ ಬಾಹ್ಯಾಕಾಶ ನೌಕೆಯು ಪ್ಲುಟೊ ಮತ್ತು ಅದರ ಉಪಗ್ರಹಗಳನ್ನು ಹತ್ತಿರದಿಂದ ಗಮನಿಸಿದೆ. ಇದರಿಂದ ಚರೋನ್ ಅನೇಕ ರೀತಿಯ ರಾಸಾಯನಿಕಗಳಿಂದ ಕೂಡಿದೆ. ಅತ್ಯಂತ ಶೀತ ಚಂದ್ರ ಎಂದು ನಾವು ತಿಳಿದುಕೊಂಡಿದ್ದೇವೆ. ಚರೋನ್‌ನಲ್ಲಿ ಕ್ರಯೋವೊಲ್ಕಾನೋಗಳು ಸಹ ಇವೆ ಎಂದು ನಂಬಲಾಗಿದೆ. ಇವುಗಳು ಜ್ವಾಲಾಮುಖಿ ಶಿಲಾಪಾಕಕ್ಕೆ ಬದಲಾಗಿ ಐಸ್ ಹೊರಬರುವ ಪ್ರದೇಶಗಳಾಗಿವೆ ಎಂದು ವಿಜ್ಞಾನಿಗಳು ಕಂಡುಕೊಂಡಿದ್ದಾರೆ.
ಕಾರ್ಬನ್ ಡೈಆಕ್ಸೈಡ್ ಇರುವಿಕೆ ಅರ್ಥ ಮಾಡಿಕೊಳ್ಳುವುದೇ ಮುಖ್ಯ: ವರದಿಯ ಪ್ರಕಾರ, ಕಾರ್ಬನ್ ಡೈಆಕ್ಸೈಡ್ ಅನ್ನು ಅರ್ಥಮಾಡಿಕೊಳ್ಳುವುದು ಯಾವಾಗಲೂ ಬಹಳ ಮುಖ್ಯ. ಏಕೆಂದರೆ ನಾವು ಅದರ ಸಹಾಯದಿಂದ ಅದರ ಇತಿಹಾಸದ ಬಗ್ಗೆ ಬಹಳಷ್ಟು ತಿಳಿದುಕೊಳ್ಳಬಹುದು. ಇಂಗಾಲದ ಡೈಆಕ್ಸೈಡ್ ಚರೋನ್‌ನ ಹಿಮಾವೃತ ಮೇಲ್ಮೈಯಿಂದ ಬರುತ್ತದೆ. ಕ್ಷುದ್ರಗ್ರಹಗಳು ಅಥವಾ ಇತರ ಆಕಾಶ ವಸ್ತುಗಳು ಚಂದ್ರನೊಂದಿಗೆ ಡಿಕ್ಕಿ ಹೊಡೆದಾಗ ಇಂಗಾಲದ ಡೈಆಕ್ಸೈಡ್ ಬಿಡುಗಡೆಯಾಗುತ್ತದೆ ಮತ್ತು ಕುಳಿಗಳನ್ನು ಸೃಷ್ಟಿಸುತ್ತದೆ ಎಂದು ವಿಜ್ಞಾನಿಗಳು ನಂಬಿದ್ದಾರೆ.
ನೆಪ್ಚೂನ್‌ನ ಆಚೆಗೆ ಪ್ಲುಟೊ ನಮ್ಮ ಸೌರವ್ಯೂಹದ ಕೈಪರ್ ಬೆಲ್ಟ್ ಎಂದು ಕರೆಯಲ್ಪಡುವ ದೂರದ ಪ್ರದೇಶದಲ್ಲಿದೆ. ಪ್ಲುಟೊ ನಮ್ಮ ಸೌರವ್ಯೂಹದ ಒಂಬತ್ತನೇ ಗ್ರಹವಾಗಿದೆ. ಆದರೆ, 2006 ರಲ್ಲಿ ಅಂತಾರಾಷ್ಟ್ರೀಯ ಖಗೋಳ ಒಕ್ಕೂಟವು ಪ್ಲುಟೊವನ್ನು ಗ್ರಹಗಳ ಪಟ್ಟಿಯಿಂದ ತೆಗೆದುಹಾಕಿದೆ ಮತ್ತು ಅದನ್ನು ಕುಬ್ಜ ಗ್ರಹ ಎಂದು ವರ್ಗೀಕರಿಸಿದೆ.
1930 ಈ ಗ್ರಹ ಪತ್ತೆ ಹಚ್ಚಿದ್ದ ಕ್ಲೈಡ್ ಟೊಂಬಾಗ್: ಈ ಗ್ರಹವನ್ನು ಖಗೋಳಶಾಸ್ತ್ರಜ್ಞ ಕ್ಲೈಡ್ ಟೊಂಬಾಗ್ ಅವರು 1930 ರಲ್ಲಿ ಕಂಡುಹಿಡಿದರು. ಪ್ಲೂಟೊಗೆ ಇಂಗ್ಲೆಂಡ್‌ನ ಆಕ್ಸ್‌ಫರ್ಡ್‌ನ 11 ವರ್ಷದ ವೆನೆಷಿಯಾ ಬರ್ನಿ ಹೆಸರಿಟ್ಟರು. ಪ್ಲುಟೊ ಗಾತ್ರದಲ್ಲಿ ಆಸ್ಟ್ರೇಲಿಯಾಕ್ಕಿಂತ ಚಿಕ್ಕದಾಗಿದೆ ಮತ್ತು -232 ಡಿಗ್ರಿ ಸೆಲ್ಸಿಯಸ್ ತಾಪಮಾನವನ್ನು ಹೊಂದಿದೆ.
ಪ್ಲುಟೊ ಐದು ನೈಸರ್ಗಿಕ ಉಪಗ್ರಹಗಳನ್ನು ಹೊಂದಿದೆ. ಚರೋನ್ ಅವುಗಳಲ್ಲಿ ದೊಡ್ಡದು. ಇದನ್ನು 1978 ರಲ್ಲಿ ಕಂಡುಹಿಡಿಯಲಾಯಿತು. ಚರೋನ್‌ನಲ್ಲಿ ಐಸ್, ಅಮೋನಿಯಾ ಮತ್ತು ಸಾವಯವ ಸಂಯುಕ್ತಗಳ ಉಪಸ್ಥಿತಿ ಹೊಂದಿರುವುದರ ಬಗ್ಗೆ ಈ ಹಿಂದೆ ಕಂಡುಕೊಳ್ಳಲಾಗಿತ್ತು. ಅಮೆರಿಕದ ನೈಋತ್ಯ ಸಂಶೋಧನಾ ಸಂಸ್ಥೆಯ ವಿಜ್ಞಾನಿಗಳ ನೇತೃತ್ವದ ತಂಡವು ಇತ್ತೀಚೆಗೆ ಚರೋನ್‌ನಲ್ಲಿ ಕಾರ್ಬನ್ ಡೈಆಕ್ಸೈಡ್ ಮತ್ತು ಹೈಡ್ರೋಜನ್ ಪೆರಾಕ್ಸೈಡ್ ಅನ್ನು ಪತ್ತೆಹಚ್ಚಿದೆ.
