Pig Butchering Scam: ಕೇಂದ್ರ ಗೃಹ ಸಚಿವಾಲಯದ ಇತ್ತೀಚಿನ ವಾರ್ಷಿಕ ವರದಿಯ ಪ್ರಕಾರ, 'ಹಂದಿ ಕಟುಕ ಹಗರಣ' ಅಥವಾ 'ಹೂಡಿಕೆ ಹಗರಣ' ಎಂದು ಕರೆಯಲ್ಪಡುವ ಹೊಸ ಬಗೆಯ ಸೈಬರ್ ವಂಚನೆ ಸದ್ದಿಲ್ಲದೆ ನಡೆಯುತ್ತಿದೆ. ನಿರುದ್ಯೋಗಿ ಯುವಕರು, ಗೃಹಿಣಿಯರು, ವಿದ್ಯಾರ್ಥಿಗಳು ಮತ್ತು ನಿರ್ಗತಿಕರೇ ವಂಚಕರ ಟಾರ್ಗೆಟ್ ಆಗಿದ್ದಾರೆ. ಇದರ ಮೂಲಕ ಪ್ರತಿದಿನ ದೊಡ್ಡ ಮೊತ್ತದ ಹಣವನ್ನು ಅಮಾಯಕರು ಕಳೆದುಕೊಳ್ಳುವ ಸಂಭವವಿದೆ ಎಂದು ವರದಿ ಎಚ್ಚರಿಸಿದೆ.
ಸೈಬರ್ ಅಪರಾಧಿಗಳು ಇಂಥ ಅಪರಾಧಗಳನ್ನೆಸಗಲು ಗೂಗಲ್ ಸೇವೆಗಳ ವೇದಿಕೆಗಳನ್ನೂ ಸಹ ಬಳಸುತ್ತಿದ್ದಾರೆ. ಗಡಿಯಾಚೆಗಿನ ಉದ್ದೇಶಿತ ಜಾಹೀರಾತಿಗಾಗಿ Google ಜಾಹೀರಾತು ವೇದಿಕೆ ಅನುಕೂಲಕರ ವೈಶಿಷ್ಟ್ಯವನ್ನು ಒದಗಿಸುತ್ತದೆ. 'ಹಂದಿ ಕಟುಕ ಹಗರಣ' ಅಥವಾ 'ಹೂಡಿಕೆ ಹಗರಣ' ಎಂದು ಕರೆಯಲ್ಪಡುವ ಈ ಹಗರಣವು ಇದೀಗ ಜಾಗತಿಕ ವಿದ್ಯಮಾನವಾಗಿದೆ. ದೊಡ್ಡ ಮೊತ್ತದ ಹಣ ವರ್ಗಾವಣೆ ಮತ್ತು ಸೈಬರ್ ಗುಲಾಮಗಿರಿಯನ್ನು ಇದು ಒಳಗೊಂಡಿದೆ ಎಂದು ವರದಿ ತಿಳಿಸಿದೆ.
ಇಂಥದ್ದೊಂದು ಹಗರಣ 2016ರಲ್ಲಿ ಚೀನಾದಲ್ಲಿ ಶುರುವಾಯಿತು ಎಂದು ಹೇಳಲಾಗುತ್ತಿದೆ. ಇದರ ಮೂಲಕ ವಂಚಕರು ಅಮಾಯಕರಿಗೆ ಬಲೆ ಬೀಸುತ್ತಾರೆ. ಅವರೊಂದಿಗೆ ನಂಬಿಕೆ ಬೆಳೆಸಿ ಕ್ರಿಪ್ಟೋಕರೆನ್ಸಿ ಅಥವಾ ಇತರ ಕೆಲವು ಲಾಭದಾಯಕ ಯೋಜನೆಗಳಲ್ಲಿ ಹೂಡಿಕೆ ಮಾಡುವಂತೆ ಮನವೊಲಿಸುತ್ತಾರೆ.
ಈ ಬೆದರಿಕೆಯನ್ನು ನಿಯಂತ್ರಿಸಲು ಗೃಹ ಸಚಿವಾಲಯದ ಸೈಬರ್ ಅಪರಾಧ ಸಮನ್ವಯ ಕೇಂದ್ರ (I4C) ತಕ್ಷಣದ ಕ್ರಮಕ್ಕಾಗಿ ಕಾಲಕಾಲಕ್ಕೆ ಬೆದರಿಕೆ ಮಾಹಿತಿ ಹಂಚಿಕೊಳ್ಳಲು ಗೂಗಲ್ನೊಂದಿಗೆ ಪಾಲುದಾರಿಕೆ ಹೊಂದಿದೆ. ಭಾರತದಲ್ಲಿ ಅಕ್ರಮ ಸಾಲ ನೀಡುವ ಅಪ್ಲಿಕೇಶನ್‌ಗಳನ್ನು ಪ್ರಾರಂಭಿಸಲು ಸೈಬರ್ ಅಪರಾಧಿಗಳು ಪ್ರಾಯೋಜಿತ ಫೇಸ್‌ಬುಕ್ ಬಳಸುತ್ತಿದ್ದಾರೆ. ಅಂತಹ ಲಿಂಕ್‌ಗಳನ್ನು ಪೂರ್ವಭಾವಿಯಾಗಿ ಗುರುತಿಸಲಾಗುತ್ತದೆ ಮತ್ತು ಅಗತ್ಯ ಕ್ರಮಕ್ಕಾಗಿ ಫೇಸ್‌ಬುಕ್ ಮತ್ತು ಫೇಸ್‌ಬುಕ್ ಪೇಜ್ಗಳೊಂದಿಗೆ ಹಂಚಿಕೊಳ್ಳಲಾಗುತ್ತದೆ ಎಂದು ಸಚಿವಾಲಯ ಹೇಳಿದೆ.
ಭಾರತದಲ್ಲಿ ಸೈಬರ್ ಕ್ರಿಮಿನಲ್‌ಗಳು ದುರುಪಯೋಗಪಡಿಸಿಕೊಳ್ಳುವ ಅತಿದೊಡ್ಡ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ವಾಟ್ಸ್‌ಆ್ಯಪ್ ಸಹ ಒಂದಾಗಿದೆ. ಮಾರ್ಚ್ 2024ರ ವೇಳೆಗೆ ವಾಟ್ಸ್‌ಆ್ಯಪ್ 14,746 ದೂರುಗಳು, 7,651 ಟೆಲಿಗ್ರಾಮ್ ದೂರುಗಳು, 7,152 ಇನ್‌ಸ್ಟಾಗ್ರಾಮ್ ದೂರುಗಳು, 7,051 ಫೇಸ್‌ಬುಕ್ ದೂರುಗಳು ಮತ್ತು 1,135 ಯುಟ್ಯೂಬ್‌ಗೆ ಸಂಬಂಧಿಸಿದ ದೂರುಗಳು ದಾಖಲಾಗಿವೆ ಎಂದು ಸಚಿವಾಲಯ ಮಾಹಿತಿ ನೀಡಿದೆ.
ಸೈಬರ್ ಅಪರಾಧಿಗಳನ್ನು ಗುರುತಿಸಿ ಅವರ ವಿರುದ್ಧ ಕ್ರಮ ಕೈಗೊಳ್ಳುವಲ್ಲಿ ದೊಡ್ಡ ತಂತ್ರಜ್ಞಾನಗಳು ಪ್ರಮುಖ ಪಾತ್ರ ವಹಿಸುತ್ತವೆ. I4C ಪೂರ್ವಭಾವಿ ಕ್ರಿಯೆಗಾಗಿ ಗುಪ್ತಚರ ಮತ್ತು ಸಂಕೇತಗಳನ್ನು ಹಂಚಿಕೊಳ್ಳಲು Google ಮತ್ತು Facebookನೊಂದಿಗೆ ಪಾಲುದಾರಿಕೆ ಹೊಂದಿದೆ. I4Cಯ ರಾಷ್ಟ್ರೀಯ ಸೈಬರ್ ಕ್ರೈಮ್ ಥ್ರೆಟ್ ಅನಾಲಿಟಿಕಲ್ ಯುನಿಟ್ (NCTAU) ಪೋರ್ಟಲ್‌ನಲ್ಲಿ ದಾಖಲಾಗಿರುವ ದೂರುಗಳು ಇದನ್ನು ವಿಶ್ಲೇಷಿಸುತ್ತದೆ. ಅಷ್ಟೇ ಅಲ್ಲದೇ, ಸೈಬರ್ ಅಪರಾಧದ ಇತ್ತೀಚಿನ ಪ್ರವೃತ್ತಿಗಳು ಮತ್ತು ಸೇವಾ ಪೂರೈಕೆದಾರರು ಒದಗಿಸಿದ ಸೇವೆಗಳ ದುರುಪಯೋಗದ ಬಗ್ಗೆ ವಿಶ್ಲೇಷಣಾತ್ಮಕ ವರದಿಗಳನ್ನು ಸಿದ್ಧಪಡಿಸುತ್ತದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಈ ವರದಿಗಳನ್ನು ಎಲ್ಲಾ ಸಂಬಂಧಿತ ಮಧ್ಯಸ್ಥಗಾರರೊಂದಿಗೆ ಹಂಚಿಕೊಳ್ಳಲಾಗಿದೆ. ಅಂದರೆ ಬ್ಯಾಂಕ್‌ಗಳು, ವ್ಯಾಲೆಟ್‌ಗಳು, ವ್ಯಾಪಾರಿಗಳು, ಪಾವತಿ ಸಂಗ್ರಾಹಕರು, ಪಾವತಿ ಗೇಟ್‌ವೇಗಳು, ಇ-ಕಾಮರ್ಸ್ ಮತ್ತು ಇತರ ಇಲಾಖೆಗಳು ತಡೆಗಟ್ಟುವ ಕ್ರಮಗಳನ್ನು ತೆಗೆದುಕೊಳ್ಳಲು ಮತ್ತು ಅವರ ಪ್ಲಾಟ್‌ಫಾರ್ಮ್‌ಗಳು/ಸೇವೆಗಳ ಕಾರ್ಯಕ್ಷಮತೆಯನ್ನು ಸುಧಾರಿಸಬಹುದು.
ಗೃಹ ಸಚಿವಾಲಯವು ಸೈಬರ್ ಸ್ವಯಂಸೇವಕ ಚೌಕಟ್ಟನ್ನೂ ಪ್ರಾರಂಭಿಸಿದೆ. ಇಂಟರ್ನೆಟ್‌ನಲ್ಲಿ ಕಾನೂನುಬಾಹಿರ ವಿಷಯವನ್ನು ವರದಿ ಮಾಡಲು ಸೈಬರ್ ಸ್ವಯಂಸೇವಕರಾಗಿ ನೋಂದಾಯಿಸಲು, ಸೈಬರ್ ನೈರ್ಮಲ್ಯವನ್ನು ಹರಡಲು ಮತ್ತು ಕಾನೂನು ಜಾರಿ ಮಾಡುವವರಿಗೆ ಸಹಾಯ ಮಾಡಲು ಸೈಬರ್ ತಜ್ಞರಾಗಿ ನೋಂದಾಯಿಸಲು ಅನುವು ಮಾಡಿಕೊಡುತ್ತದೆ. ಇದರ ಅಡಿಯಲ್ಲಿ 54,833 ಸ್ವಯಂಸೇವಕರು ನೋಂದಾಯಿಸಿಕೊಂಡಿದ್ದಾರೆ.
ಸಚಿವಾಲಯದ ಸಮಗ್ರ ವೇದಿಕೆಯು ಸಿಟಿಜನ್ ಫೈನಾನ್ಷಿಯಲ್ ಸೈಬರ್ ಫ್ರಾಡ್ ರಿಪೋರ್ಟಿಂಗ್ ಮತ್ತು ಮ್ಯಾನೇಜ್‌ಮೆಂಟ್ ಸಿಸ್ಟಮ್ (CFCFRMS) ಆಗಿದೆ. ಅಲ್ಲಿ ರಾಜ್ಯಗಳು/ಕೇಂದ್ರಾಡಳಿತಗಳ ಕಾನೂನು ಜಾರಿ ಸಂಸ್ಥೆಗಳು, ಎಲ್ಲಾ ಪ್ರಮುಖ ಬ್ಯಾಂಕ್‌ಗಳು ಮತ್ತು ಹಣಕಾಸು ಮಧ್ಯವರ್ತಿಗಳು, ಪಾವತಿ ವ್ಯಾಲೆಟ್‌ಗಳು, ಕ್ರಿಪ್ಟೋ ಎಕ್ಸ್‌ಚೇಂಜ್‌ಗಳು ಮತ್ತು ಇ-ಕಾಮರ್ಸ್ ಕಂಪನಿಗಳು ಸೇರಿದಂತೆ ಎಲ್ಲಾ ಪಾಲುದಾರರು ಒಟ್ಟಾಗಿ ಕೆಲಸ ಮಾಡುತ್ತಾರೆ ಎಂದು ವರದಿ ಹೇಳಿದೆ.
ಸಂತ್ರಸ್ತರ ಖಾತೆಯಿಂದ ಸೈಬರ್ ವಂಚಕನ ಖಾತೆಗೆ ಹಣದ ಹರಿವನ್ನು ತಡೆಯಲು ಈ ವೇದಿಕೆ ತ್ವರಿತ, ನಿರ್ಣಾಯಕ ಮತ್ತು ಸಿಸ್ಟಮ್ ಆಧಾರಿತ ಪರಿಣಾಮಕಾರಿ ಕ್ರಮವನ್ನು ಖಚಿತಪಡಿಸುತ್ತದೆ ಮತ್ತು ಸರಿಯಾದ ಕಾನೂನು ಪ್ರಕ್ರಿಯೆಯ ನಂತರ ವಶಪಡಿಸಿಕೊಂಡ ಹಣವನ್ನು ಸಂತ್ರಸ್ತರಿಗೆ ಹಿಂತಿರುಗಿಸಲಾಗುತ್ತದೆ.
ಏಪ್ರಿಲ್ 2021ರಲ್ಲಿ ಪ್ರಾರಂಭವಾದಾಗಿನಿಂದ ಪ್ಲಾಟ್‌ಫಾರ್ಮ್ ವಂಚಕರ ಕೈಗೆ ಬೀಳದಂತೆ 16 ಶತಕೋಟಿ ರೂ.ಗಿಂತ ಹೆಚ್ಚಿನ ಹಣವನ್ನು ಉಳಿಸಲು ಸಾಧ್ಯವಾಗಿದೆ. ಹೀಗಾಗಿ 5,75,000ಕ್ಕೂ ಹೆಚ್ಚು ಸಂತ್ರಸ್ತರಿಗೆ ಪ್ರಯೋಜನವಾಗಿದೆ ಎಂದು ವರದಿ ತಿಳಿಸಿದೆ.
ಇದನ್ನೂ ಓದಿ: iPhone SE 4 ಬಿಗ್ ಅಪ್ಡೇಟ್; ಹೀಗಿದೆ ಸಂಭವನೀಯ ವೈಶಿಷ್ಟ್ಯಗಳ ಮಾಹಿತಿ
