iphone 16 Delivery in 10 Minutes: ಆಪಲ್ ಪ್ರಿಯರು ನಿನ್ನೆಯಿಂದ ಐಫೋನ್ 16 ಅನ್ನು ಖರೀದಿಸಲು ಮುಗಿಬಿದ್ದಿದ್ದಾರೆ. ದೇಶಾದ್ಯಂತ ಹಲವು ಆ್ಯಪಲ್ ಸ್ಟೋರ್ ಗಳ ಮುಂದೆ ಗ್ರಾಹಕರು ಸಾಲುಗಟ್ಟಿ ನಿಂತಿದ್ದರು. ಈ ಹಿನ್ನೆಲೆಯಲ್ಲಿ ಟಾಟಾಗ್ರೂಪ್ ಈ ಮೊಬೈಲ್ ಗಳನ್ನು ವೇಗವಾಗಿ ಡೆಲಿವರಿ ಮಾಡಲು ಹೊಸ ಪ್ಲಾನ್ ಸಿದ್ಧಪಡಿಸಿದೆ. ಐಫೋನ್ 16 ಅನ್ನು ಕೇವಲ ಹತ್ತು ನಿಮಿಷಗಳಲ್ಲಿ ಗ್ರಾಹಕರಿಗೆ ತಲುಪಿಸುವ ವ್ಯವಸ್ಥೆ ಮಾಡಿದೆ.
ಗ್ರಾಹಕರ ಬೇಡಿಕೆಗೆ ಅನುಗುಣವಾಗಿ ಟಾಟಾಗ್ರೂಪ್ ತಮ್ಮ ಅಗತ್ಯ ವಸ್ತುಗಳ ಪೂರೈಕೆ ಅಪ್ಲಿಕೇಶನ್ ಆದ ಬಿಗ್ ಬಾಸ್ಕೆಟ್ನಲ್ಲಿ ಮಾರಾಟ ಪ್ರಾರಂಭಿಸಿದೆ. ಎಲೆಕ್ಟ್ರಾನಿಕ್ಸ್ ಮಾರಾಟ ವಿಭಾಗವು ಕ್ರೋಮಾದೊಂದಿಗೆ ನಿಮಿಷಗಳಲ್ಲಿ ಅವುಗಳನ್ನು ತಲುಪಿಸಲು ಕೆಲಸ ಮಾಡುತ್ತದೆ. ಒಟ್ಟಾರೆಯಾಗಿ, ಐಫೋನ್ 16 ಅನ್ನು ಗ್ರಾಹಕರಿಗೆ 10 ನಿಮಿಷಗಳಲ್ಲಿ ಒದಗಿಸಲಾಗುತ್ತದೆ. ಬಿಗ್‌ಬಾಸ್ಕೆಟ್‌ನ ಸಿಇಒ ಹರಿ ಮೆನನ್ ಅವರು ಗ್ರಾಹಕರಿಗೆ ಐಫೋನ್ 16 ಅನ್ನು ತ್ವರಿತವಾಗಿ ತಲುಪಿಸುವ ಕುರಿತು ಮಾತನಾಡಿದರು. ಆಪಲ್ ಗ್ರಾಹಕರು ಇತ್ತೀಚಿನ ತಂತ್ರಜ್ಞಾನವನ್ನು ಯಾವುದೇ ಕಾಯುವಿಕೆ ಇಲ್ಲದೇ ಎಂಜಾಯ್ ಮಾಡುವಂತೆ ನೋಡಿಕೊಳ್ಳುವುದು ನಮ್ಮ ಗುರಿ ಎಂದು ಅವರು ಹೇಳಿದರು.
"ಇದು ಎಲೆಕ್ಟ್ರಾನಿಕ್ಸ್ ವಿಭಾಗಕ್ಕೆ ನಮ್ಮ ಮುನ್ನುಗ್ಗುವಿಕೆಯ ಪ್ರಾರಂಭವಾಗಿದೆ. ಸರಕುಗಳ ವೇಗದ ವಿತರಣೆಯ ಜೊತೆಗೆ, ನಾವು ನಮ್ಮ ಗ್ರಾಹಕರಿಗೆ ಯಾವುದೇ ಕಾಯುವ ಅವಧಿಯಿಲ್ಲದೆ ಅತ್ಯಾಧುನಿಕ ತಂತ್ರಜ್ಞಾನವನ್ನು ಆನಂದಿಸಲು ಅನುವು ಮಾಡಿಕೊಡುತ್ತೇವೆ. ನಾವು ಶೀಘ್ರದಲ್ಲೇ ಸುಧಾರಿತ ಎಲೆಕ್ಟ್ರಾನಿಕ್ ಸಾಧನಗಳನ್ನು ಪರಿಚಯಿಸುತ್ತೇವೆ" ಎಂದು ಬಿಗ್‌ಬಾಸ್ಕೆಟ್‌ನ ಸಿಇಒ ಹರಿ ಮೆನನ್ ಹೇಳಿದರು.
ಈ ಸೇವೆಗಳು ಯಾವಾಗಿನಿಂದ?:
- ಟಾಟಾ ಗ್ರೂಪ್ ಆಯ್ದ ನಗರಗಳಲ್ಲಿ ನಿನ್ನೆಯಿಂದ ಈ ಸೇವೆಗಳನ್ನು ಆರಂಭಿಸಿದೆ.
- ಪ್ರಸ್ತುತ, ಈ ಸೇವೆಗಳು ಮುಂಬೈ, ದೆಹಲಿ-ಎನ್‌ಸಿಆರ್ ನಲ್ಲಿ ಪ್ರಾರಂಭವಾಗಿವೆ.
- ಉಳಿದಂತೆ ಬಿಗ್‌ಬಾಸ್ಕೆಟ್ ಈ ಮಾದರಿಯ ಫೋನ್‌ಗಳಲ್ಲಿ ಇದುವರೆಗೆ ಯಾವುದೇ ಕೊಡುಗೆಗಳನ್ನು ಘೋಷಿಸಿಲ್ಲ.
ವೇಗದ ವಿತರಣೆಗಳ ಮೇಲೆ ಬ್ಲಿಂಕಿಟ್ ಫೋಕಸ್:
- ಮತ್ತೊಂದೆಡೆ, ಐಫೋನ್ 16 ಲೈಟ್ನಿಂಗ್ ಡೆಲಿವರಿಗಳ ಮೇಲೆ ಬ್ಲಿಂಕಿಟ್ ನಿಗಾವಹಿಸಿದೆ.
- ಇದಕ್ಕಾಗಿ ಯುನಿಕಾರ್ನ್ ಸೋರ್ಸ್ ಜೊತೆ ಒಪ್ಪಂದ ಮಾಡಿಕೊಳ್ಳಲಾಗಿದೆ.
- ಆರ್ಡರ್ ಮಾಡಿದ 10 ನಿಮಿಷಗಳಲ್ಲಿ ಗ್ರಾಹಕರಿಗೆ ಐಫೋನ್ ತಲುಪಿಸಲಾಗುವುದು ಎಂದು ಕಂಪನಿ ಹೇಳುತ್ತದೆ.
- Blinkit ಇತ್ತೀಚೆಗೆ ಅನೇಕ ತ್ವರಿತ ವಿತರಣೆ ಕೊಡುಗೆಗಳನ್ನು ಘೋಷಿಸಿದೆ.
- SBI, ICICI ಮತ್ತು Kotak ಕ್ರೆಡಿಟ್ ಕಾರ್ಡ್‌ಗಳಲ್ಲಿ ನೀವು ರೂ.5,000 ವರೆಗೆ ರಿಯಾಯಿತಿಗಳನ್ನು ಪಡೆಯಬಹುದು.
ಓದಿ: ಇಂದಿನಿಂದ ಐಫೋನ್ 16 ಮಾರುಕಟ್ಟೆಯಲ್ಲಿ ಲಭ್ಯ; ಆ್ಯಪಲ್ ಸ್ಟೋರ್ಗಳ ಮುಂದೆ ಜನರ ಕ್ಯೂ! - iPhone 16 Sale
