ಆ್ಯಪಲ್ ಮತ್ತು ಗೂಗಲ್ ಕಂಪನಿಗಳು ತಮ್ಮ ಫೋನ್ಗಳಾದ ಐಫೋನ್ ಮತ್ತು ಪಿಕ್ಸೆಲ್ ಹಾರ್ಡ್ವೇರ್ಗಾಗಿ ಎಷ್ಟು ಹಣ ಖರ್ಚು ಮಾಡುತ್ತವೆ ಎಂಬುದನ್ನು ಎಂದಾದರೂ ಯೋಚಿಸಿದ್ದೀರಾ?. ನಿಕೈನ (Nikkei) ಹೊಸ ವರದಿ, ವೆಚ್ಚದ ಕುರಿತು ಮಾಹಿತಿ ನೀಡಿದೆ.
ಕಳೆದ ಕೆಲವು ವರ್ಷಗಳಲ್ಲಿ ಆ್ಯಪಲ್ ಮತ್ತು ಗೂಗಲ್ ಕಂಪನಿಗಳ ಪ್ರಮುಖ ಫೋನ್‌ಗಳು ದುಬಾರಿಯಾಗಿವೆ. ಅವುಗಳಲ್ಲಿ ಹೆಚ್ಚಿನವುಗಳಿಗೆ ಈಗ 1 ಲಕ್ಷ ರೂಪಾಯಿಗಿಂತಲೂ ಅಧಿಕ ಬೆಲೆ ಇದೆ. ಈ ಕಂಪನಿಗಳು ಬೆಲೆ ಏರಿಕೆಗಳಿಗೆ ಹಣದುಬ್ಬರ ಮತ್ತು ಮೋಸ್ಟ್ ಪವರ್ಫುಲ್ ಚಿಪ್‌ಗಳನ್ನು ತಯಾರಿಸುವ ವೆಚ್ಚಗಳೇ ಕಾರಣವೆಂದು ಹೇಳಿವೆ.
ಗೂಗಲ್ ಪಿಕ್ಸೆಲ್ 8 ಪ್ರೋಗೆ ಹೋಲಿಸಿದರೆ ಪಿಕ್ಸೆಲ್ 9 ಪ್ರೋನ BOM ವೆಚ್ಚ ಶೇ 11ರಷ್ಟು ಕಡಿಮೆಯಾಗಿದೆ. ಇದು ಪಿಕ್ಸೆಲ್ 9 ಪ್ರೋ ಸ್ಮಾಲ್ ಸ್ಕ್ರೀನ್ ಮತ್ತು ಬ್ಯಾಟರಿ ಹೊಂದಿರುವುದರಿಂದ ತಾಂತ್ರಿಕವಾಗಿ ಅನ್ಫೇರ್ ಹೋಲಿಕೆಯಾಗಿದೆ. ಪಿಕ್ಸೆಲ್ 9 ಪ್ರೋನ Tensor G4 ಚಿಪ್‌ನ ಬೆಲೆ 80 (ರೂ 6,800) ಡಾಲರ್ ಎಂದು ಹೇಳಲಾಗುತ್ತದೆ. ಆದರೆ ಸ್ಯಾಮ್ಸಂಗ್ M14 ಡಿಸ್‌ಪ್ಲೇ ಮತ್ತು ಕ್ಯಾಮೆರಾ ಕ್ರಮವಾಗಿ 75 ಡಾಲರ್ (ರೂ 6,300) ಮತ್ತು 61 ಡಾಲರ್ (ರೂ 5,100) ಬೆಲೆಯಲ್ಲಿದೆ.
ಐಫೋನ್ 16 ಪ್ರೋನ BOM ಅದರ ಪೂರ್ವವರ್ತಿಯಾದ ಐಫೋನ್ 15 ಪ್ರೋಗಿಂತ ಶೇ 6ರಷ್ಟು ಹೆಚ್ಚಾಗಿದೆ. A18 ಪ್ರೋ ಚಿಪ್‌ಸೆಟ್‌ಗಾಗಿ Apple 135 ಡಾಲರ್ (ರೂ 11,400) ಖರ್ಚು ಮಾಡುತ್ತದೆ ಎಂದು ವರದಿ ಹೇಳಿದೆ. ಆದರೆ ಸ್ಕ್ರೀನ್ ಮತ್ತು ಕ್ಯಾಮೆರಾ ಕ್ರಮವಾಗಿ 110 ಡಾಲರ್ (ರೂ 9,300) ಮತ್ತು 91 ಡಾಲರ್ (ರೂ 7,700) ವೆಚ್ಚವಾಗುತ್ತದೆ ಎಂದು ಅಂದಾಜಿಸಲಾಗಿದೆ.
ಆ್ಯಪಲ್ ಮತ್ತು ಗೂಗಲ್ ತಮ್ಮ ಇತ್ತೀಚಿನ 'ಪ್ರೊ' ಫೋನ್‌ಗಳನ್ನು ಉತ್ಪಾದನಾ ಬೆಲೆಗಿಂತಲೂ ದ್ವಿಗುಣ ಬೆಲೆಗೆ ಮಾರಾಟ ಮಾಡುತ್ತಿವೆ. ಹೀಗಿದ್ದರೂ ಇದು ಶಿಪ್ಪಿಂಗ್, ಡೆಲಿವರಿ, ರಿಸರ್ಚ್ ಮತ್ತು ಡೆವಲಪ್ಮೆಂಟ್, ಮಾರ್ಕೆಟಿಂಗ್ ಮತ್ತು ಇತರವುಗಳಿಗೆ ಸಂಬಂಧಿಸಿದ ವೆಚ್ಚಗಳನ್ನು ಒಳಗೊಂಡಿಲ್ಲ ಎಂಬುದನ್ನು ಗಮನಿಸಬೇಕು.
ಇದನ್ನೂ ಓದಿ: 16 ವರ್ಷದೊಳಗಿನ ಮಕ್ಕಳಿಗೆ ಸಾಮಾಜಿಕ ಮಾಧ್ಯಮ ಬಳಕೆ ನಿಷೇಧಿಸಲು ಹೊರಟ ಆಸ್ಟ್ರೇಲಿಯಾ
