ನವದೆಹಲಿ: ಟೆಕ್ ದೈತ್ಯ ಆ್ಯಪಲ್ ಇದೀಗ ಕೃತಕ ಬುದ್ಧಿಮತ್ತೆ (ಎಐ) ಸಾಧನ ಪರಿಚಯಿಸಿದ್ದು, ಈ ವಿಚಾರವನ್ನು ಆ್ಯಪಲ್ನ 'ವರ್ಲ್ಡ್ವೈಲ್ಡ್ ಡೆವಲಪರ್ ಕಾನ್ಫರೆನ್ಸ್ 2024'ರಲ್ಲಿ ಸಂಸ್ಥೆ ತಿಳಿಸಿದೆ. ಇದೀಗ ಐಫೋನ್ ಬಳಕೆದಾರರು ತಮ್ಮ ಫೋನ್ ಅಪ್ಡೇಟ್ ಮಾಡುವ ಮೂಲಕ ಈ ಹೊಸ ಪೀಚರ್ ಪಡೆಯಬಹುದಾಗಿದೆ. ಇದಕ್ಕೆ ಆ್ಯಪಲ್ ಇಂಟಲಿಜೆನ್ಸ್ (AI) ಎಂದು ನಾಮಕರಣ ಮಾಡಲಾಗಿದೆ.
ಹೊಸ ಪೀಚರ್ ಅನ್ನು ಐಫೋನ್ 15 ಪ್ರೊ ಮತ್ತು 15 ಪ್ರೊ ಮಾಕ್ಸ್ನಲ್ಲಿ ಬಳಕೆ ಮಾಡಬಹುದು. ಇದರ ಹೊರತಾಗಿ ಐಪಾಡ್ ಮತ್ತು ಮ್ಯಾಕ್ ಬಳಕೆದಾರರಿಗೆ ಎಂ1 ಸಿಲಿಕಾನ್ ಚಿಪ್ನಲ್ಲಿ ಸಿಗಲಿದೆ. ಅಮೆರಿಕದ ಕ್ಯಾಲಿಫೋರ್ನಿಯಾದ ಕುಪೆರ್ಟಿನೊದಲ್ಲಿ ನಡೆದ ಸಮ್ಮೇಳನದಲ್ಲಿ ಸಂಸ್ಥೆ ಅನೇಕ ಫೀಚರ್‌ಗಳನ್ನು ಪರಿಚಯಿಸಿದೆ.
ಏನಿದು ಆ್ಯಪಲ್ ಇಂಟಿಲಿಜೆನ್ಸ್?: ಆ್ಯಪಲ್ ಇಂಟಿಲಿಜೆನ್ಸ್ ಎಂಬುದು ಐಫೋನ್, ಐಪಾಡ್ ಮತ್ತು ಮ್ಯಾಕ್ ವಿನ್ಯಾಸಕ್ಕೆ ಬಳಕೆ ಮಾಡಬಹುದಾದ ವೈಯಕ್ತಿಕ ಬುದ್ಧಿಮತ್ತೆ. ತನ್ನ ಕಟ್ಟುನಿಟ್ಟಿನ ಗೌಪ್ಯತಾ ಮಾನದಂಡಗಳಲ್ಲಿ ಯಾವುದೇ ರಾಜಿಯಾಗದೇ ವೈಯಕ್ತಿಕ ಸುಧಾರಣಾ ಅಂಶಗಳನ್ನು ಆ್ಯಪಲ್ ಇಂಟೆಲಿಜೆನ್ಸ್ ನಡೆಸಲಿದೆ.
ಈ ಸೌಲಭ್ಯ ಪಡೆಯುವುದು ಹೇಗೆ?: ಪ್ರಸ್ತುತ ಆ್ಯಪಲ್ ಇಂಟಲಿಜೆನ್ಸ್ ಫೀಚರ್ಗೆ ಚಾಲನೆ ನೀಡಲಾಗಿದೆ. ಈ ಫೀಚರ್ ಕಳೆದ ವರ್ಷದಿಂದಲೇ iOS18, iPadOS18 and Mac Sequoiaನಲ್ಲಿ ಲಭ್ಯವಿದೆ. iOS18 ಆಪರೇಟಿಂಗ್ ಸಿಸ್ಟಂ ಮೂಲಕ ಬಳಕೆದಾರರು ಐ ಫೋನ್ನಲ್ಲಿ ಪಡೆಯಬಹುದಾಗಿದೆ.
ಈ ಆಪರೇಟಿಂಗ್ ಸಿಸ್ಟಂ ಮೂಲಕ ಹೋಮ್ ಸ್ಕ್ರೀನ್, ಲಾಕ್ ಸ್ಕ್ರೀನ್ ಮತ್ತು ಕಂಟ್ರೋಲ್ ಸೆಂಟರ್ ಮರು ವಿನ್ಯಾಸ ಮಾಡುವ ಸೌಲಭ್ಯದೊಂದಿಗೆ ಬಳಕೆದಾರರು ಪಡೆಯಬಹುದು. ಆ್ಯಂಡ್ರಾಯ್ಡ್ ಬಳಕೆದಾರರು ಈ ಫೀಚರ್ ಅನ್ನು ಹಲವು ವರ್ಷದಿಂದ ಬಳಸುತ್ತಿದ್ದು, ಆ್ಯಪಲ್ ಬಳಕೆದಾರರಿಗಿದು ಮೊದಲ ಹೊಸ ಬದಲಾವಣೆಯಾಗಿದೆ. ಇದೀಗ ಆ್ಯಪಲ್ ಬಳಕೆದಾರರು ಹೋಮ್ಸ್ಕ್ರೀನ್ನ ಐಕಾನ್ಗಳ ಸ್ಥಳ ಮತ್ತು ಅವುಗಳ ಬಣ್ಣ ಬದಲಾಯಿಸಬಹುದು.
ಗ್ರಾಹಕಸ್ನೇಹಿ ಫೀಚರ್: ಹೊಸ ಫೀಚರ್ ಪರಿಚಯದ ಬಳಿಕ ಇದೀಗ ಐಫೋನ್ ಬಳಕೆದಾರರು ಕಾಲ್ ರೆಕಾರ್ಡಿಂಗ್ ಕೂಡ ಮಾಡಬಹುದು. ಇದರ ಜೊತೆಗೆ ಸಂದೇಶ ಕಳುಹಿಸಲು ಸಮಯ ನಿಗದಿ ಮಾಡಬಹುದು. ಜೊತೆಗೆ, ಫೋನ್ ಚಾರ್ಚಿಂಗ್ ಸಮಯ, ಸ್ಯಾಟಲೈಟ್ ಮೂಲಕ ಸಂದೇಶ ರವಾನೆ, ಫೇಸ್ ಐಡಿ ಲಾಕ್ ಆಪ್, ಎಮೋಜಿ ಸೃಷ್ಟಿ ಮತ್ತು ಆ್ಯಪ್ ಬಣ್ಣ ಬದಲಾವಣೆಯಲ್ಲೂ ಕೂಡ ಮಾಡಬಹುದು.
ಅನಗತ್ಯ ಬ್ಯಾಗ್ರೌಂಡ್ ತೆಗೆಯಬಹುದು: ಆ್ಯಪಲ್ ಬಳಕೆದಾರರು ಇದೀಗ ತಮ್ಮ ಹೊಸ ಕ್ಲೀನ್ ಅಪ್ ಸಾಧನದ ಮೂಲಕ ಇಮೇಜ್ನಲ್ಲಿನ ಅನಗತ್ಯ ಅಂಶವನ್ನು ತೆಗೆಯಬಹುದು. ಇದು ಆ್ಯಪಲ್ ವಾಚ್‌ನಲ್ಲೂ ಲಭ್ಯವಿದೆ.
ಇದನ್ನೂ ಓದಿ: ನನ್ನ ಕಂಪನಿಗಳಿಂದ ಆ್ಯಪಲ್ನ ಎಲ್ಲ ಸಾಧನಗಳನ್ನು ನಿಷೇಧಿಸಲಾಗುವುದು": ಎಲೋನ್ ಮಸ್ಕ್ ಎಚ್ಚರಿಕೆ
