ನವದೆಹಲಿ: ಭಾರತದ 'ಸ್ಟಾರ್ಟ್ ಅಪ್ ಮಹಾಕುಂಭ' ಸಮಾವೇಶವು ಮಾರ್ಚ್ 18ರಿಂದ 20ರವರೆಗೆ ದೆಹಲಿಯ ಭಾರತ್ ಮಂಟಪಂ ಮತ್ತು ಇಂಡಿಯಾ ಟ್ರೇಡ್ ಪ್ರಮೋಷನ್ ಆರ್ಗನೈಸೇಶನ್ (ಐಟಿಪಿಒ)ನಲ್ಲಿ ನಡೆಯಲಿದೆ. 'ಸ್ಟಾರ್ಟ್ ಅಪ್ ಮಹಾಕುಂಭ'ದಲ್ಲಿ 1,000ಕ್ಕೂ ಹೆಚ್ಚು ಸ್ಟಾರ್ಟ್ ಅಪ್ ಗಳು, 1,000ಕ್ಕೂ ಹೆಚ್ಚು ಹೂಡಿಕೆದಾರರು, 5,000 ಭವಿಷ್ಯದ ಉದ್ಯಮಿಗಳು ಮತ್ತು 40,000 ಉದ್ಯಮ ವಲಯದ ಸಂದರ್ಶಕರು ಭಾಗವಹಿಸಲಿದ್ದಾರೆ.
ಸಮಾವೇಶದ ಅಂಗವಾಗಿ ನಾಸ್ಕಾಮ್ ಪೆವಿಲಿಯನ್ನಲ್ಲಿ 34ಕ್ಕೂ ಹೆಚ್ಚು ಡೀಪ್-ಟೆಕ್ ಸ್ಟಾರ್ಟ್ಅಪ್ಗಳು ತಮ್ಮ ನವೀನ ಆವಿಷ್ಕಾರಗಳನ್ನು ಪ್ರದರ್ಶಿಸಲಿವೆ. ನಾಸ್ಕಾಮ್ ಪೆವಿಲಿಯನ್ ಇದು ಭಾರತವನ್ನು ಪರಿವರ್ತಿಸುತ್ತಿರುವ ಮತ್ತು ವಿಶ್ವದ ವಿವಿಧ ಕ್ಷೇತ್ರಗಳಲ್ಲಿ ಉದ್ಯಮ ಸಾಮರ್ಥ್ಯಗಳನ್ನು ರೂಪಿಸುತ್ತಿರುವ ಆಳವಾದ ತಂತ್ರಜ್ಞಾನ ಆವಿಷ್ಕಾರಗಳ ಬಗ್ಗೆ ಒಳನೋಟದ ಚರ್ಚಾ ವೇದಿಕೆಯಾಗಲಿದೆ.
ಸ್ಟಾರ್ಟ್ಅಪ್ ಪರಿಸರ ವ್ಯವಸ್ಥೆಯಲ್ಲಿ ಮಹಿಳೆಯರ ಪ್ರಮುಖ ಪಾತ್ರವನ್ನು ಎತ್ತಿ ತೋರಿಸಲು ಈ ಕಾರ್ಯಕ್ರಮದಲ್ಲಿ ಹಲವಾರು ಉನ್ನತ ಮಹಿಳಾ ಸ್ಟಾರ್ಟಪ್ ನಾಯಕರು ಕೂಡ ಭಾಗವಹಿಸುತ್ತಿದ್ದಾರೆ.
"ಸ್ಟಾರ್ಟ್ಅಪ್ ಮಹಾಕುಂಭದಲ್ಲಿ ನಾವು ಕೇವಲ ಸ್ಟಾರ್ಟ್ಅಪ್ಗಳನ್ನು ಪ್ರದರ್ಶಿಸುತ್ತಿಲ್ಲ. ಭಾರತೀಯ ಉದ್ಯಮಶೀಲತೆಯ ಜಾಗತಿಕ ನಿರೂಪಣೆಯನ್ನು ಮುಂದಕ್ಕೆ ಕೊಂಡೊಯ್ಯುವ ಮೂಲಕ ಮಹಿಳೆಯರು ದೃಢತ್ವ ಮತ್ತು ಸೃಜನಶೀಲತೆಯಿಂದ ಮುನ್ನಡೆಸುವ ಪರಿಸರ ವ್ಯವಸ್ಥೆಯನ್ನು ನಾವು ರೂಪಿಸುತ್ತಿದ್ದೇವೆ" ಎಂದು ನಾಸ್ಕಾಮ್ ಅಧ್ಯಕ್ಷ ದೇಬ್ ಜಾನಿ ಘೋಷ್ ಹೇಳಿದ್ದಾರೆ.
ಗೂಗಲ್ ಪ್ಲೇ ಸ್ಟೋರ್ನಲ್ಲಿ 'ಸ್ಟಾರ್ಟ್ಅಪ್ ಮಹಾಕುಂಭ'ದ ಅಧಿಕೃತ ಆ್ಯಪ್ ಕೂಡ ಈಗಾಗಲೇ ಲಾಂಚ್ ಆಗಿದೆ. ಸಮಾವೇಶದ ಎಲ್ಲಾ ಪ್ರಮುಖ ಮಾಹಿತಿಗಳನ್ನು ಈ ಆ್ಯಪ್ ಒಳಗೊಂಡಿದ್ದು, ಎಲ್ಲರ ಅರ್ಥಪೂರ್ಣ ಒಳಗೊಳ್ಳುವಿಕೆಗಾಗಿ ಇದು ಅನುಕೂಲ ಮಾಡಿಕೊಡಲಿದೆ.
ಈ ಕಾರ್ಯಕ್ರಮವು ಎಐ ಮತ್ತು ಸಾಫ್ಟ್ ವೇರ್-ಆಸ್-ಎ-ಸರ್ವೀಸ್ (SaaS), ಡಿ 2 ಸಿ/ಗ್ರಾಹಕ ಬ್ರಾಂಡ್ಗಳು, ಅಗ್ರಿಟೆಕ್, ಫಿನ್ ಟೆಕ್, ಡೀಪ್ ಟೆಕ್, ಬಯೋಟೆಕ್ ಮತ್ತು ಫಾರ್ಮಾ, ಇನ್ಕ್ಯುಬೇಟರ್ಗಳು, ಹವಾಮಾನ ತಂತ್ರಜ್ಞಾನ, ಇ-ಸ್ಪೋರ್ಟ್ಸ್ ಮತ್ತು ಬಿ 2 ಬಿ ಉತ್ಪಾದನೆ ಸೇರಿದಂತೆ ಹಲವಾರು ತಂತ್ರಜ್ಞಾನ ಕ್ಷೇತ್ರಗಳಲ್ಲಿನ ಒಳನೋಟದ ಚರ್ಚೆಗಳಿಗೆ ಅವಕಾಶ ನೀಡಲಿದೆ.
ಸ್ಟಾರ್ಟ್ಅಪ್ ಎಂಬುದು ಕಾರ್ಯಾಚರಣೆಯ ಮೊದಲ ಹಂತದಲ್ಲಿರುವ ಕಂಪನಿಯಾಗಿದೆ. ಮಾರುಕಟ್ಟೆಯಲ್ಲಿ ಬೇಡಿಕೆ ಇದೆ ಎಂದು ಅವರು ನಂಬುವ ಉತ್ಪನ್ನ ಅಥವಾ ಸೇವೆಯನ್ನು ಅಭಿವೃದ್ಧಿಪಡಿಸಲು ಬಯಸುವ ಒಬ್ಬರು ಅಥವಾ ಹೆಚ್ಚು ಉದ್ಯಮಿಗಳು ಸೇರಿಕೊಂಡು ಸ್ಟಾರ್ಟ್ ಅಪ್‌ಗಳನ್ನು ಸ್ಥಾಪಿಸುತ್ತಾರೆ.
ಇದನ್ನೂ ಓದಿ: ಗ್ಯಾಲಕ್ಸಿ ಎ55 & ಗ್ಯಾಲಕ್ಸಿ ಎ35 ಸ್ಮಾರ್ಟ್ಪೋನ್ ಬಿಡುಗಡೆ: ಬೆಲೆ 27,999 ರೂ.ಗಳಿಂದ ಆರಂಭ
