ಜನವರಿ 21ರಿಂದ ಮಂಗಳೂರು-ಸಿಂಗಾಪುರ್ ನಡುವೆ ನೇರ ವಿಮಾನ ಸೇವೆ

ಜನವರಿ 21ರಿಂದ ಆರಂಭವಾಗಲಿರುವ ಮಂಗಳೂರು ಹಾಗೂ ಸಿಂಗಾಪುರ್​ ನಡುವಿನ ನೇರ ವಿಮಾನ ಸೇವೆ ವಾರದಲ್ಲಿ ಎರಡು ದಿನ ಲಭ್ಯವಿರಲಿದೆ.

ಮಂಗಳೂರು: ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ಜನವರಿ 21ರಿಂದ ಮಂಗಳೂರು ಮತ್ತು ಸಿಂಗಾಪುರ್ ನಡುವೆ ನೇರ ವಿಮಾನ ಸೇವೆ ಪ್ರಾರಂಭಿಸಲಿದೆ. ವಾರದಲ್ಲಿ ಎರಡು ಬಾರಿ ಈ ಸೇವೆ ಲಭ್ಯವಿದ್ದು, ಪ್ರಯಾಣಿಕರು ಸುಲಭವಾಗಿ ಸಿಂಗಾಪುರ್‌ಗೆ ಪ್ರಯಾಣಿಸಬಹುದು.

ವಿಮಾನ ಸೇವೆ ವಿವರ:

• ವಿಮಾನ ಸಂಖ್ಯೆ: IX 862 (ಮಂಗಳೂರು-ಸಿಂಗಾಪುರ್), IX 861 (ಸಿಂಗಾಪುರ್-ಮಂಗಳೂರು)
• ನೇರ ವಿಮಾನ: ವಾರದಲ್ಲಿ 2 ಬಾರಿ
• ಪ್ರಾರಂಭ ದಿನಾಂಕ: 21 ಜನವರಿ 2025
• ಪ್ರಯಾಣ ಸಮಯ: IX 862: ಮಂಗಳೂರು-ಸಿಂಗಾಪುರ್: ಬೆಳಗ್ಗೆ 5.55 (ಭಾರತೀಯ ಕಾಲಮಾನ) - ಮಧ್ಯಾಹ್ನ 1.25 (ಸಿಂಗಾಪುರ್ ಕಾಲಮಾನ)
  IX 861: ಸಿಂಗಾಪುರ್-ಮಂಗಳೂರು: ಮಧ್ಯಾಹ್ನ 2.25 (ಸಿಂಗಾಪುರ ಕಾಲಮಾನ) - ಸಂಜೆ 4.55 (ಭಾರತೀಯ ಕಾಲಮಾನ)

ಟಿಕೆಟ್ ದರಗಳು:

• Xpress Lite:

1. IXE-SIN: INR 8,555
2. SIN-IXE: SGD 145

• Xpress Value:

1. IXE-SIN: INR 8,888
2. SIN-IXE: SGD 149

ಇದರಿಂದ ಪ್ರಯೋಜನಗಳೇನು?: ಈ ಹೊಸ ವಿಮಾನ ಸೇವೆಯು ಮಂಗಳೂರು ಮತ್ತು ಸಿಂಗಾಪುರ್ ನಡುವಿನ ವ್ಯಾಪಾರ ಹಾಗೂ ಪ್ರವಾಸೋದ್ಯಮಕ್ಕೆ ಸಹಕಾರಿಯಾಗಲಿದೆ. ಇದರೊಂದಿಗೆ, ವಿದ್ಯಾರ್ಥಿಗಳು, ಉದ್ಯಮಿಗಳು ಮತ್ತು ಪ್ರವಾಸಿಗರು ತಮ್ಮ ಪ್ರಯಾಣವನ್ನು ಸರಳಗೊಳಿಸಬಹುದು. ಮಂಗಳೂರು ವಿಮಾನ ನಿಲ್ದಾಣವು ಈಗಾಗಲೇ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಪ್ರಸಿದ್ಧಿ ಗಳಿಸಿರುವುದರಿಂದ, ಈ ಹೊಸ ಸೇವೆ ಮತ್ತಷ್ಟು ಪ್ರಯಾಣಿಕರನ್ನು ಆಕರ್ಷಿಸುವ ವಿಶ್ವಾಸವಿದೆ. ಪ್ರಯಾಣಿಕರು ಈ ಹೊಸ ಸೇವೆಯನ್ನು ಬಳಸಿಕೊಂಡು ಸುಲಭವಾಗಿ ಸಿಂಗಾಪುರ್​ಗೆ ಪ್ರಯಾಣಿಸಬಹುದು.

ಇದನ್ನೂ ಓದಿ: ಚಳಿಗಾಲದ ಅಧಿವೇಶನ: ಬೆಂಗಳೂರು - ಬೆಳಗಾವಿ ನಡುವೆ ವಿಶೇಷ ವಿಮಾನ ಸೇವೆ