ಬರೋಬ್ಬರಿ 34 ವರ್ಷಗಳ ನಂತರ ಜಿಗಣಿ ಪುರಸಭೆಯಲ್ಲಿ ಹಾರಿತು ಕಾಂಗ್ರೆಸ್ ಬಾವುಟ - Congress wins in jigani election

ಜಿಗಣಿ ಪುರಸಭೆಯ ಚುನಾವಣೆಯಲ್ಲಿ ಪುರಸಭೆಯ 16 ನೇ ವಾರ್ಡ್​ನ ಶ್ರೀಮತಿ ಅರುಣಾ ಪ್ರಹ್ಲಾದ್ ರೆಡ್ಡಿ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದರೆ, ಉಪಾಧ್ಯಕ್ಷರಾಗಿ 3ನೇ ವಾರ್ಡ್​ನ ಶ್ರೀಮತಿ ಸವಿತಾ ಮುರಳಿ ಆಯ್ಕೆಯಾಗಿದ್ದಾರೆ. ಈ ಮೂಲಕ 34 ವರ್ಷದ ನಂತರ ಬಿಜೆಪಿ ಭದ್ರಕೋಟೆಯನ್ನ ಭೇದಿಸಿ ಕಾಂಗ್ರೆಸ್​ ಗೆದ್ದಿದೆ.

ಬೆಂಗಳೂರು : 34 ವರ್ಷಗಳ ನಂತರ ಜಿಗಣಿ ಪುರಸಭೆಯ ಬಿಜೆಪಿ ಭದ್ರ ಕೋಟೆಯನ್ನ ಭೇದಿಸಿ ಕಾಂಗ್ರೆಸ್ ಬಾವುಟ ಹಾರಿಸಿದೆ. ತಹಶೀಲ್ದಾರ್ ಶಶಿಧರ್ ಮಾಡ್ಯಾಳ್ ಚುನಾವಣಾಧಿಕಾರಿ ನೇತೃತೃದಲ್ಲಿ ಇಂದು ನಿಗದಿಯಾಗಿದ್ದ ಜಿಗಣಿ ಪುರಸಭಾ ಅಧ್ಯಕ್ಷ, ಉಪಾಧ್ಯಕ್ಷ ಚುನಾವಣೆ ರಂಗೇರಿತ್ತು.

ನಿರ್ಧರಿತ ಅಧ್ಯಕ್ಷ-ಉಪಾಧ್ಯಕ್ಷ ಸ್ಥಾನಕ್ಕೆ ಸಾಮಾನ್ಯ ಮಹಿಳೆ ಮೀಸಲಾತಿ ಅನ್ವಯ ತಲಾ ಒಬ್ಬೊಬ್ಬರೇ ನಾಮಪತ್ರ ಸಲ್ಲಿಸಿದ ಹಿನ್ನೆಲೆ ಬಹುತೇಕ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

ಜಿಗಣಿ ಪುರಸಭೆಯಲ್ಲಿ ಸ್ಪರ್ಧಿಸಿ ಗೆದ್ದವರು (ETV Bharat)

ಅದರಂತೆ ಪುರಸಭೆಯ 16ನೇ ವಾರ್ಡ್​ನ ಶ್ರೀಮತಿ ಅರುಣಾ ಪ್ರಹ್ಲಾದ್ ರೆಡ್ಡಿ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ಉಪಾಧ್ಯಕ್ಷರಾಗಿ 3ನೇ ವಾರ್ಡ್​ನ ಶ್ರೀಮತಿ ಸವಿತಾ ಮುರಳಿ ಆಯ್ಕೆ ಆಗಿದ್ದಾರೆ.

ಪಕ್ಷದ ಬಲಾಬಲದಲ್ಲಿ ಕಾಂಗ್ರೆಸ್ 16 ಸಂಖ್ಯಾಬಲ ಹೊಂದಿದೆ. ಬಿಜೆಪಿ 07 ರ ಸಂಖ್ಯಾಬಲ ಹೊಂದಿದೆ.
ಮತ್ತೆ ಶಾಸಕ ಹಾಗೂ ಸಂಸದರು ಬಿಜೆಪಿ ಪಕ್ಷದವರಾಗಿದ್ದು, ಬಲಾಬಲದಲ್ಲಿ 09 ಸ್ಥಾನದ ಮತ ಬಿಜೆಪಿಯದ್ದಾಗಿತ್ತು.
ಉಳಿದ 16 ಕಾಂಗ್ರೆಸ್ ಸಂಖ್ಯಾಬಲ ಹೊಂದಿದ್ದು, ಇದೀಗ ಅಧ್ಯಕ್ಷ, ಉಪಾಧ್ಯಕ್ಷ ಎರಡೂ ಸ್ಥಾನಗಳು ಕಾಂಗ್ರೆಸ್ ಪಾಲಾಗಿವೆ.

ಇದನ್ನೂ ಓದಿ : ಮಂಡ್ಯ ನಗರಸಭೆಯಲ್ಲಿ ಎನ್​ಡಿಎಗೆ ಅಧಿಕಾರ; ಕೈ ಆಪರೇಷನ್​ಗೆ ಹೆಚ್​ಡಿಕೆ ರಿವರ್ಸ್ ಆಪರೇಷನ್ - MANDYA MUNICIPAL CORPORATION