ಆನೇಕಲ್ (ಬೆಂಗಳೂರು): ಮೊಬೈಲ್ ಆನ್ಲೈನ್ ಗೇಮಿಂಗ್ನಿಂದ ಹಣ ಕಳೆದುಕೊಂಡಿದ್ದಕ್ಕೆ ತನ್ನ ಸಹೋದರನನ್ನೇ ಅಣ್ಣನೋರ್ವ ಹತ್ಯೆ ಮಾಡಿರುವ ಘಟನೆ ಬೆಂಗಳೂರು ನಗರದ ಆನೇಕಲ್ ವ್ಯಾಪ್ತಿಯಲ್ಲಿ ಬುಧವಾರ ನಡೆದಿದೆ. ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದ ಆರೋಪಿಯನ್ನು ಪೊಲೀಸರು ನಿನ್ನೆ (ಶನಿವಾರ) ಬಂಧಿಸಿದ್ದಾರೆ.
ಸರ್ಜಾಪುರ ಭಾಗದ ನೆರಿಗಾ ಮಂಜುನಾಥ್ ಎಂಬುವವರ ಬಡಾವಣೆಯ ಶೆಡ್ನಲ್ಲಿ ವಾಸವಿದ್ದ 12 ವರ್ಷದ ತಮ್ಮನನ್ನು ಆತನ ಅಣ್ಣ 18 ವರ್ಷದ ಶಿವಕುಮಾರ್ ಕೊಲೆ ಮಾಡಿದ್ದು, ಸರ್ಜಾಪುರ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ.
ಆಂಧ್ರ ಪ್ರದೇಶದ ಕರ್ನೂಲು ಜಿಲ್ಲೆ ಮಂತ್ರಾಲಯ ತಾಲೂಕು ಸೂಳಿಕೇರಿ ಗ್ರಾಮ ಮೂಲದ ಬಸವರಾಜು ಪುತ್ರರಾದ ಇವರು ಗಾರೆ ಕೆಲಸಕ್ಕೆ ಮೂರು ತಿಂಗಳ ಹಿಂದೆ ಬಂದು ನೆರಿಗಾ ಗ್ರಾಮದ ಬಡಾವಣೆಯಲ್ಲಿ ವಾಸವಿದ್ದರು. ಮೊಬೈಲ್ ಆನ್ಲೈನ್ ಗೇಮಿಂಗ್ನಿಂದ ಹಣ ಕಳೆದುಕೊಂಡಿರುವ ವಿಚಾರಕ್ಕೆ ಬುಧವಾರ ಅಣ್ಣ-ತಮ್ಮ ಜಗಳವಾಡಿದ್ದರು. ಈ ವೇಳೆ ನೀಲಗಿರಿ ತೋಪಿನಲ್ಲಿಯೇ ಮಾತಿಗೆ ಮಾತು ಬೆಳೆದಿದ್ದು, ಈ ಜಗಳ ಕೊಲೆಯಲ್ಲಿ ಅಂತ್ಯವಾಗಿದೆ. ಮನೆಯಲ್ಲಿ ಅಣ್ಣ ಸುಳ್ಳು ಹೇಳಿದ್ದ. ಆದ್ರೆ, ಅಣ್ಣ ಸುತ್ತಿ‌ಗೆ ಮೂಲಕ ತಮ್ಮನ ತಲೆಗೆ ಹೊಡೆದು ಕೊಲೆ ಮಾಡಿದ್ದಾನೆ ಎಂದು ತಿಳಿದು ಬಂದಿದೆ.
ಇದನ್ನೂ ಓದಿ: ಅಂಜಲಿ ಕೊಲೆ ಪ್ರಕರಣ: ಹುಬ್ಬಳ್ಳಿ-ಧಾರವಾಡ ಕಾನೂನು ಸುವ್ಯವಸ್ಥೆ ಡಿಸಿಪಿ ಅಮಾನತು - DCP SUSPENDS
