ನವದೆಹಲಿ: ಬಿಗುವಿನ ಬೌಲಿಂಗ್ ದಾಳಿ ನಡೆಸಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವನಿತೆಯರು ಮುಂಬೈ ಇಂಡಿಯನ್ಸ್ ವಿರುದ್ಧ 5ರನ್ಗಳ ಗೆಲುವಿನೊಂದಿಗೆ ಮಹಿಳಾ ಐಪಿಎಲ್ ಟೂರ್ನಿಯಲ್ಲಿ ಫೈನಲ್ ತಲುಪಿದ್ದಾರೆ.
ಅರುಣ್ ಜೇಟ್ಲಿ ಮೈದಾನದಲ್ಲಿ ನಡೆದ ಎಲಿಮಿನೇಟರ್ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಮಂಧಾನ ಪಡೆ ನಿಗದಿತ 20 ಓವರ್‌ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 135 ರನ್ ಗಳಿಸಿತು. ಮೊದಲ ಇನ್ನಿಂಗ್ಸ್ನಲ್ಲಿ ಆರ್‌ಸಿಬಿಗೆ ಉತ್ತಮ ಆರಂಭ ಸಿಗಲಿಲ್ಲ. ಸೋಫಿ ಡಿವೈನ್ (10) ಮತ್ತು ಸ್ಮೃತಿ ಮಂಧಾನ (10), ದಿಶಾ ಕಸಟ್ (0) ಒಬ್ಬರ ಹಿಂದೊಬ್ಬರಂತೆ ವಿಕೆಟ್ ಒಪ್ಪಿಸಿ ಪೆವಿಲಿಯನ್ ಸೇರಿದರು. ಈ ವೇಳೆ ತಂಡಕ್ಕೆ ಆಸರೆಯಾದ ಎಲ್ಲಿಸ್ ಪೆರ್ರಿ 50 ಎಸೆತಗಳಲ್ಲಿ 8 ಬೌಂಡರಿ 1 ಸಿಕ್ಸರ್ ಸಮೇತ 66 ರನ್ ಕಲೆಹಾಕಿದರು. ಉಳಿದಂತೆ ರಿಚಾ ಘೋಷ್ (14), ಮೊಲನೂ (11) ಮತ್ತು ಜಾರ್ಜಿಯಾ (ಅಜೇಯ 18) ಕೂಡ ತಂಡದ ಸ್ಕೋರ್ಗೆ ಕೊಡುಗೆ ನೀಡಿದರು. ಬೌಲಿಂಗ್ನಲ್ಲಿ ಮುಂಬೈ ಪರ ಹ್ಯಾಲಿ, ನ್ಯಾಟ್ ಸೀವರ್ ಮತ್ತು ಇಶಾಕ್ ತಲಾ ಎರಡು ವಿಕೆಟ್ ಪಡೆದರು.
136 ರನ್ಗಳ ಸಾಧಾರಣ ಗುರಿ ಪಡೆದ ಮುಂಬೈ ಎರಡನೇ ಇನ್ನಿಂಗ್ಸ್ನಲ್ಲಿ ಉತ್ತಮ ಆರಂಭ ಪಡೆಯಿತು. ಆರಂಭಿಕ ಬ್ಯಾಟರ್ಗಳ ಯಾಸ್ತಿಕಾ ಭಾಟಿಯಾ ಮತ್ತು ಹ್ಯಾಲಿ ಮ್ಯಾಥ್ಯೂಸ್ ಜತೆಯಾಗಿ 27 ರನ್ಗಳ ಕಲೆ ಹಾಕುವ ಮೂಲಕ ಗೆಲುವಿನ ಸೂಚನೆ ನೀಡಿದರು. ಈ ವೇಳೆ ಶ್ರೇಯಾಂಕಾ ಪಾಟೀಲ್ ಎಸೆತದಲ್ಲಿ 15 ರನ್ ಗಳಿಸಿದ್ದ ಮ್ಯಾಥ್ಯೂಸ್ರ ವಿಕೆಟ್ ಪಡೆಯುವ ಮೂಲಕ ಇಬ್ಬರ ಆಟಕ್ಕೆ ಬ್ರೇಕ್ ಹಾಕಿದರು. ಮೂರನೆ ವಿಕೆಟ್ಗೆ ಕ್ರೀಸ್ಗಿಳಿದ ಬ್ರಂಟ್, ಯಾಸ್ತಿಕ ಜತೆಗೂಡಿ 23ರನ್ಗಳ ಜೊತೆಯಾಟವಾಡಿ ತಂಡದ ಸ್ಕೋರ್ 50ರ ಗಡಿಗೆ ಕೊಂಡೊಯದು ಮತ್ತೊಮ್ಮೆ ತಂಡದ ಗೆಲುವಿನ ಸುಳಿವು ನೀಡಿದರು. ಈ ವೇಳೆ ಪೆರ್ರಿ ಎಸೆತದಲ್ಲಿ 19 ರನ್ ಗಳಿಸಿದ್ದ ಯಾಸ್ತಿಕ ವಿಕೆಟ್ ಒಪ್ಪಿಸಿದರೆ, 11ನೇ ಓವರ್ನಲ್ಲಿ ಬ್ರಂಟ್ ಕೂಡ ವಿಕೆಟ್ ಒಪ್ಪಿಸಿ ಪೆವಿಲಯನ್ ಸೇರಿದರು.
ಈ ವೇಳೆಗೆ ಮುಂಬೈ ಸ್ಕೋರ್ 68/3 ಆಗಿತ್ತು. ಈ ಹಂತದಲ್ಲಿ ಹರ್ಮನ್‌ಪ್ರೀತ್ (33; 30 ಎಸೆತಗಳಲ್ಲಿ 4×4) ಮತ್ತು ಅಮೆಲಿಯಾ ಜೆತೆಗೂಡಿ ಸ್ಕೋರ್ ಹೆಚ್ಚಿಸಿ ತೊಡಗಿದರು. ಸಾಧ್ಯವಾದಾಗಲೆಲ್ಲಾ ಬೌಂಡರಿಗಳನ್ನು ಬಾರಿಸಿದ್ದರಿಂದ ಗೆಲುವಿನ ಅಂತರವು 24 ಎಸೆತಗಳಲ್ಲಿ 32ಕ್ಕೆ ತಲುಪಿತು. ಉತ್ತಮವಾಗಿ ಬ್ಯಾಟಿಂಗ್ ನಡೆಸಿದ್ದ ಹರ್ಮನ್ ಶ್ರೇಯಾಂಕ್ ಪಾಟೀಲ್ಗೆ ವಿಕೆಟ್ ಒಪ್ಪಿಸಿದರೆ, ನಂತ ಬಂದ ಸಜನಾ ಕೂಡ ಕ್ರೀಸ್ನಲ್ಲಿ ಹೆಚ್ಚುಹೊತ್ತು ಉಳಿಯದೆ ನಿರ್ಗಮಿಸಿದರು. ಪರಿಣಾಮ ಪಂದ್ಯ ತಿರುವು ಪಡೆಯಿತು. ಕೊನೆಯ ಓವರ್ನಲ್ಲಿ 12 ರನ್ಗಳ ಅಗತ್ಯವಿದ್ದಾಗ, ಮೊದಲ 3 ಎಸೆತಗಳಲ್ಲಿ ಕೇವಲ 4 ರನ್ ಗಳಿಸಲಾಯಿತು. ನಾಲ್ಕನೇ ಎಸೆತದಲ್ಲಿ ಪೂಜಾ (4) ಔಟಾದರೇ ಮುಂದಿನ ಎರಡು ಎಸೆತಗಳಲ್ಲೂ ಬೌಂಡರಿ ಗಳಿಸಲು ಸಾಧ್ಯವಾಗದೇ ಮುಂಬೈ 5ರನ್ಗಳಿಂದ ಸೋಲಿಗೆ ಶರಣಾಯಿತು.
ಇದನ್ನೂ ಓದಿ: ಫುಡ್ ಡೆಲಿವರಿ ಬಾಯ್ನಿಂದ ಐಎಸ್ಪಿಎಲ್ ವರೆಗೆ; ಸವಾಲುಗಳನ್ನು ಮೆಟ್ಟಿ ನಿಂತ ಕ್ರಿಕೆಟರ್ ಆಕಾಶ್ ಗೌತಮ್
