ಪ್ಯಾರಿಸ್ (ಫ್ರಾನ್ಸ್): ಪ್ಯಾರಿಸ್ ಒಲಿಂಪಿಕ್ನ ಟೇಬಲ್ ಟೆನ್ನಿಸ್ ಪ್ರೀ-ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಭಾರತದ ಅಗ್ರ ಪ್ಯಾಡ್ಲರ್‌ಗಳಾದ ಮನಿಕಾ ಬಾತ್ರಾ ಮತ್ತು ಶ್ರೀಜಾ ಅಕುಲಾ ಸೋಲನುಭವಿಸಿದ್ದಾರೆ.
ಬುಧವಾರ ನಡೆದ ಮಹಿಳೆಯ ಟೇಬಲ್ ಟೆನ್ನಿಸ್ ಸಿಂಗಲ್ಸ್ ಈವೆಂಟ್‌ನ ಪ್ರೀ-ಕ್ವಾರ್ಟರ್ ಪಂದ್ಯದಲ್ಲಿ ಶ್ರೀಜಾ ಅಕುಲಾ ಅವರು ವಿಶ್ವ ನಂಬರ್ 1 ಪ್ಯಾಡ್ಲರ್ ಚೀನಾದ ಸನ್ ಯಿಂಗ್ಶಾ ವಿರುದ್ಧ 4-0 ಅಂತರದಿಂದ ಸೋಲನ್ನು ಕಂಡರು. ಈ ಪಂದ್ಯದಲ್ಲಿ ಸನ್ ಯಿಂಗ್ಶಾ 12-10, 12-10, 11-8, 11-3 ಅಂತರದಿಂದ ಗೆಲುವು ಸಾಧಿಸಿದರು. ಚೀನಾದ ಆಟಗಾರ್ತಿ ವಿರುದ್ಧ ಶ್ರೀಜಾ ಕಠಿಣ ಪೈಪೋಟಿ ನೀಡಿ ಅಂತಿಮವಾಗಿ ಸೋಲನುಭವಿಸಿದರು. ಇದರೊಂದಿಗೆ ಅವರ ಒಲಿಂಪಿಕ್ ಪದಕ ಅಭಿಯಾನವು ಕೊನೆಗೊಂಡಿದೆ.
🇮🇳Result Update: #TableTennis🏓 Women's Singles Round of 16
— SAI Media (@Media_SAI) July 31, 2024
Heartbreak for @SreejaAkula31 as her Women's Singles campaign at #ParisOlympics2024 comes to an end.
Akula lost to China's Yingshua Sun by 0-4 after a tough battle.
The 26-year-old did well to reach this far and… pic.twitter.com/Xk296u5KAy
16ನೇ ಶ್ರೇಯಾಂಕದ ಅಕುಲಾ ಚೀನಾದ ಪ್ಯಾಡ್ಲರ್‌ಗೆ ಕಠಿಣ ಸವಾಲೊಡ್ಡಿದರು ಎರಡನೇ ಸುತ್ತಿನಲ್ಲಿ ಶ್ರೀಜಾ 5 ಪಾಯಿಂಟ್‌ಗಳ ಮುನ್ನಡೆ ಸಾಧಿಸಿ ಕಠಿಣ ಪೈಪೋಟಿ ನೀಡಿದರು. ಆದರೆ ಸ್ವಲ್ಪ ಸಮಯದ ಬಳಿಕ ಸನ್ ಯಿಂಗ್ಶಾ ತಮ್ಮ ಪ್ರಾಬಲ್ಯವನ್ನು ಕಾಯ್ದುಕೊಂಡು ಗೆದ್ದರು. ಈ ಪಂದ್ಯ ಗೆಲ್ಲಲು ಸನ್ ಯಿಂಗ್ಶಾ 38 ನಿಮಿಷಗಳನ್ನು ತೆಗೆದುಕೊಂಡರು.
ಇದಕ್ಕೂ ಮುನ್ನ 26ರ ಹರೆಯದ ಅಕುಲಾ ಸಿಂಗಾಪುರದ ಝೆಂಗ್ ಜಿಯಾನ್ ಅವರನ್ನು 32ನೇ ಸುತ್ತಿನಲ್ಲಿ 4-2 ಅಂತರದಿಂದ ಸೋಲಿಸಿದ್ದರು. ಈ ಗೆಲುವಿನೊಂದಿಗೆ, ಮಣಿಕಾ ಬಾತ್ರಾ ನಂತರ ಒಲಿಂಪಿಕ್ನಲ್ಲಿ ಪ್ರೀ-ಕ್ವಾರ್ಟರ್‌ಫೈನಲ್‌ಗೆ ಪ್ರವೇಶಿಸಿದ ಎರಡನೇ ಭಾರತೀಯ ಟೇಬಲ್ ಟೆನಿಸ್ ಆಟಗಾರ್ತಿ ಎನಿಸಿಕೊಂಡಿದ್ದರು.
ಮಣಿಕಾ ಬಾತ್ರಾಗೂ ನಿರಾಸೆ: ಇದಕ್ಕೂ ಮುನ್ನ ವಿಶ್ವದ 28ನೇ ಶ್ರೇಯಾಂಕಿತ ಭಾರತ ಪ್ಯಾಡ್ಲರ್ ಮಣಿಕಾ ಬಾತ್ರಾ ಜಪಾನ್ ಆಟಗಾರ್ತಿ ವಿರುದ್ಧ 1-4 (6-11 9-11 14-12 8-11 6-11) ಅಂತರದಲ್ಲಿ ಸೋಲನುಭವಿಸಿದರು. ಸೋಲಿನ ನಡುವೆಯೂ ಮಣಿಕಾ ಅತ್ಯುತ್ತಮ ಆಟ ಪ್ರದರ್ಶಿಸಿ ಹಲವು ದಾಖಲೆಗಳನ್ನು ಬರೆದಿದ್ದಾರೆ. ಟೇಬಲ್ ಟೆನ್ನಿಸ್ ಸಿಂಗಲ್ಸ್ ಅರ್ಹತಾ ಸ್ಪರ್ಧೆಯಲ್ಲಿ ಫ್ರಾನ್ಸ್ನ ಆಟಗಾರ್ತಿ ಪ್ರೀತಿಕಾ ಪಾವೇಡೆ ವಿರುದ್ಧ 4-0 ಅಂತರದಿಂದ ಗೆದ್ದು ಪ್ರೀ-ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದರು.
ಇದೀಗ ಭಾರತೀಯ ಪ್ಯಾಡ್ಲರ್ಗಳು ಒಲಿಂಪಿಕ್ ಕ್ರೀಡಾಕೂಟದಲ್ಲಿ ತಂಡದ ಈವೆಂಟ್‌ಗಳಲ್ಲಿ ಭಾಗವಹಿಸಲು ಸಜ್ಜಾಗಿದ್ದಾರೆ. ಆಗಸ್ಟ್ 5 ರಿಂದ ಮಿಶ್ರ ಸ್ಪರ್ಧೆಗಳು ಪ್ರಾರಂಭವಾಗಲಿವೆ.
ಇದನ್ನೂ ಓದಿ: ಪ್ಯಾರಿಸ್ ಒಲಿಂಪಿಕ್ಸ್: ಕಮಾಲ್ ಮಾಡದ ನಡಾಲ್ - ಅಲ್ಕರಾಜ್ ಜೋಡಿ, ಚಿನ್ನದ ಭರವಸೆ ಹುಸಿ - Paris Olympics
