41 ಎಸೆತ 92 ರನ್: ಆಸ್ಟ್ರೇಲಿಯಾ ಬೌಲರ್‌ಗಳನ್ನು ಚೆಂಡಾಡಿದ ರೋಹಿತ್‌ ಶರ್ಮಾ; ಆಸೀಸ್‌ಗೆ 206 ರನ್‌ ಟಾರ್ಗೆಟ್‌! - Rohit Sharma Fastest 50

ಟಿ20 ವಿಶ್ವಕಪ್​ನಲ್ಲಿ ದೊಡ್ಡ ಇನಿಂಗ್ಸ್​ ಕಟ್ಟದೆ ಟೀಕೆಗೆ ಗುರಿಯಾಗಿದ್ದ ನಾಯಕ ರೋಹಿತ್​ ಶರ್ಮಾ ಇಂದು ಆಸ್ಟ್ರೇಲಿಯಾ ಎದುರು ತಮ್ಮ ನಿಜವಾದ ಖದರ್​ ತೋರಿಸಿದರು. ಇದೀಗ ಟೀಂ ಇಂಡಿಯಾ ಇನಿಂಗ್ಸ್‌ ಮುಕ್ತಾಯವಾಗಿದ್ದು, ಆಸೀಸ್‌ ಗೆಲುವಿಗೆ 206 ರನ್‌ ಬೇಕಿದೆ.

ಸೇಂಟ್​ ಲೂಸಿಯಾ: ವೆಸ್ಟ್​​ ಇಂಡೀಸ್​ನ ಸೇಂಟ್​ ಲೂಸಿಯಾ ಕ್ರೀಡಾಂಗಣದಲ್ಲಿ ಮಳೆ ಅಡ್ಡಿ ಭೀತಿಯಲ್ಲಿದ್ದ ಆಸ್ಟ್ರೇಲಿಯಾ ಮತ್ತು ಭಾರತ ನಡುವಿನ ಇಂದಿನ ಪಂದ್ಯದಲ್ಲಿ ಸಿಕ್ಸರ್​, ಬೌಂಡರಿಗಳ ಸುರಿಮಳೆ. ಇದಕ್ಕೆ ಕಾರಣ ಮೈದಾನದಲ್ಲಿದ್ದ ಹಿಟ್​ಮ್ಯಾನ್​​ ರೋಹಿತ್​ ಶರ್ಮಾ. ಭಾರತ ನಿಗದಿತ 20 ಓವರ್‌ಗಳಲ್ಲಿ 5 ವಿಕೆಟ್‌ ಕಳೆದುಕೊಂಡು 205 ರನ್‌ ಪೇರಿಸಿದ್ದು, ಆಸೀಸ್‌ ಗೆಲ್ಲಲು 206 ರನ್‌ ಬೇಕಿದೆ.

ಟಿ20 ವಿಶ್ವಕಪ್​ನಲ್ಲಿ ಸೆಮಿಫೈನಲ್​ ಟಿಕೆಟ್​ ಖಾತ್ರಿಗಾಗಿ ನಡೆಯುತ್ತಿರುವ ಪಂದ್ಯದಲ್ಲಿ ಹಿಟ್​ಮ್ಯಾನ್​ ರೋಷಾವೇಷದಿಂದ ಬ್ಯಾಟ್​ ಬೀಸಿದರು. ಮೊದಲ ಓವರ್​ನಿಂದಲೇ ದಂಡನೆ ಶುರುವಿಟ್ಟುಕೊಂಡ ರೋಹಿತ್​ ಕೇವಲ 19 ಎಸೆತಗಳಲ್ಲಿ ಅರ್ಧಶತಕ ಬಾರಿಸಿದರು. ಇದು ಭಾರತದ ಪರ ಟಿ20ಯಲ್ಲಿ ಬಂದ ಐದನೇ ಅತಿವೇಗದ ಫಿಫ್ಟಿಯಾಗಿದೆ. ಜೊತೆಗೆ ರೋಹಿತ್​ರ ವೈಯಕ್ತಿಕ ವೇಗದ ದಾಖಲೆಯೂ ಇದಾಗಿದೆ.

A Spectacular Knock 👏

Captain Rohit Sharma departs after a sensational and stroke-filled 92(41) #TeamIndia reach 155/3 after 14 overs

Follow The Match ▶️ https://t.co/L78hMho6Te#T20WorldCup | #AUSvIND | @ImRo45

📸 ICC pic.twitter.com/JmeggrehCY

— BCCI (@BCCI) June 24, 2024

ಈ ಟಿ20 ವಿಶ್ವಕಪ್​ ಎರಡನೇ ಬಾರಿಗೆ ವಿರಾಟ್​ ಕೊಹ್ಲಿ ಸೊನ್ನೆಗೆ ಔಟಾದರು. ಆದರೂ, ಯಾವುದೇ ಭೀತಿಯಿಲ್ಲದೇ ಬ್ಯಾಟ್ ಬೀಸಿದ ಹಿಟ್​ಮ್ಯಾನ್​ ನೋಡನೋಡುತ್ತಿದ್ದಂತೆ ಐದನೇ ಓವರ್​ನಲ್ಲಿಯೇ ಅರ್ಧಶತಕ ಬಾರಿಸಿದರು. ಆಸೀಸ್​ನ ಪ್ರತಿ ಬೌಲರ್​ಗೂ ದಂಡನೆಯ ಶಿಕ್ಷೆ ವಿಧಿಸಿದ ಭಾರತದ ನಾಯಕ ಸರಾಸರಿ ಓವರ್​ಗೆ 15 ರನ್​ ಚಚ್ಚಿದರು. ಮಿಚೆಲ್​ ಸ್ಟಾರ್ಕ್​ ಎಸೆದ ಮೂರನೇ ಓವರ್​ನಲ್ಲಿ 6, 6, 4, 6, 0, Wd, 6 ಸಮೇತ 29 ರನ್​ ಸಿಡಿಸಿದರು.

ಶತಕದ ಅಂಚಿನಲ್ಲಿ ಔಟ್​: ಸರಾಗವಾಗಿ ಶತಕದ ಅಂಚಿನಲ್ಲಿ ರೋಹಿತ್​, ಮಿಚೆಲ್​ ಸ್ಟಾರ್ಕ್​ ಎಸೆತದಲ್ಲಿ ಯಾರ್ಕರ್​ ಬೌಲ್​ಗೆ ಕ್ಲೀನ್​​ಬೌಲ್ಡ್​ ಆಗಿ ಹೊರನಡೆದರು. ಇದರಿಂದ ವಿಶ್ವಕಪ್​ನಲ್ಲಿ ಮೊದಲ ಶತಕದಿಂದ ವಂಚಿತರಾದರು. ವಿಶ್ವಕಪ್​ನಲ್ಲಿ ಯುವರಾಜ್​ ಸಿಂಗ್​ (12), ಕೆಎಲ್​ ರಾಹುಲ್​ (18) ಎಸೆತಗಳಲ್ಲಿ ಅರ್ಧಶತಕ ಬಾರಿಸಿದ್ದರೆ, ರೋಹಿತ್​ ಒಂದು ಎಸೆತ ಹೆಚ್ಚುವರಿಯಾಗಿ ಪಡೆದರು. ಜೊತೆಗೆ ಭಾರತದ ಪರ ಇದು ಐದನೇ ಅತಿ ವೇಗದ ಫಿಫ್ಟಿಯೂ ಆಯಿತು.

ಆಸ್ಟ್ರೇಲಿಯಾ ವಿರುದ್ಧ ಅಬ್ಬರದ ಬ್ಯಾಟಿಂಗ್​ ದಾಖಲೆ ಹೊಂದಿರುವ ಶರ್ಮಾ, ಈ ತಂಡವೊಂದರ ಮೇಲೆ ಈವರೆಗೂ 130 ಸಿಕ್ಸರ್​ ಬಾರಿಸಿದ್ದಾರೆ. ವೆಸ್ಟ್ ಇಂಡೀಸ್​ ವಿರುದ್ಧ 88 ಸಿಕ್ಸರ್​ ಸಿಡಿಸಿದ್ದಾರೆ. ಈ ವಿಶ್ವಕಪ್​​ನಲ್ಲಿ ದಾಖಲಾದ ಅತಿವೇಗದ ಅರ್ಧಶತಕವೂ ಇದಾಗಿದೆ.

Fastest #T20WorldCup 2024 fifty 🔥

Rohit Sharma’s half century is an @MyIndusIndBank Milestone Moment 🙌#AUSvIND pic.twitter.com/KIag5ws0XI

— ICC (@ICC) June 24, 2024

ಹಲವು ದಾಖಲೆಗಳು: ಟಿ20 ವಿಶ್ವಕಪ್​ನಲ್ಲಿ ರೋಹಿತ್ ಶರ್ಮಾಗಿದು​ (92) ವೈಯಕ್ತಿಕ ಗರಿಷ್ಠವಾಗಿದೆ. ಮಾಜಿ ಆಟಗಾರ ಸುರೇಶ್​ ರೈನಾ 101 ರನ್​ ಗಳಿಸಿದ್ದು ಈವರೆಗಿನ ದಾಖಲೆಯಾಗಿದೆ. ನಾಯಕನಾಗಿ ವಿಶ್ವಕಪ್​ನಲ್ಲಿ 92 ರನ್​ ಗಳಿಸಿದ್ದು ಎರಡನೇ ಅತ್ಯಧಿಕವಾಗಿದೆ. ವೆಸ್ಟ್​ ಇಂಡೀಸ್​ನ ಕ್ರಿಸ್​ಗೇಲ್​ 98 ರನ್​ ಗಳಿಸಿ ಮೊದಲಿದ್ದಾರೆ.

ಇದನ್ನೂ ಓದಿ: ಜಿಂಬಾಬ್ವೆ ಸರಣಿಗೆ ಭಾರತ ತಂಡ ಪ್ರಕಟ: ಶುಭ್​ಮನ್​ ಗಿಲ್​ಗೆ ನಾಯಕತ್ವ, ಮತ್ತೆ ಯಾರಿಗೆಲ್ಲಾ ಚೊಚ್ಚಲ ಅವಕಾಶ? - INDIA SQUAD