ಹೈದರಾಬಾದ್: ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ತಂಡದ ಸ್ಟಾರ್ ಬ್ಯಾಟ್ಸ್ಮನ್ ದಿನೇಶ್ ಕಾರ್ತಿಕ್ ವೀರೋಚಿತ ಪ್ರದರ್ಶನ ನೀಡಿದರು. ತಂಡ ಸಂಕಷ್ಟದಲ್ಲಿದ್ದಾಗ ಬ್ಯಾಟಿಂಗ್ಗೆ ಬಂದ ಕಾರ್ತಿಕ್ ಸನ್ ಬೌಲಿಂಗ್ ಪಡೆಯನ್ನು ಧೂಳೆಬ್ಬಿಸಿದರು. 35 ಎಸೆತಗಳಲ್ಲಿ 5 ಬೌಂಡರಿ ಹಾಗೂ 7 ಸಿಕ್ಸರ್ನೊಂದಿಗೆ 83 ರನ್ ಚಚ್ಚಿ ಕ್ರೀಡಾಂಗಣದಲ್ಲಿ ಅಭಿಮಾನಿಗಳನ್ನು ಹುಚ್ಚೆದ್ದು ಕುಣಿಯುವಂತೆ ಮಾಡಿದರು. ತಂಡ ಸೋತರೂ ಕಾರ್ತಿಕ್ ಬ್ಯಾಟಿಂಗ್ ಮಾತ್ರ ಅಭಿಮಾನಿಗಳ ಮನಸೂರೆಗೊಂಡಿತು.
ಪಂದ್ಯ ಮುಗಿದ ಬಳಿಕ ಆಸಕ್ತಿದಾಯಕ ಹೇಳಿಕೆ ನೀಡಿರುವ ದಿನೇಶ್ ಕಾರ್ತಿಕ್, "ಕಳೆದ ಪಂದ್ಯದಲ್ಲಿ ನಾಯಕರೊಬ್ಬರು (ರೋಹಿತ್ ಶರ್ಮಾ ಉದ್ದೇಶಿಸಿ) ವಿಶ್ವಕಪ್‌ಗಾಗಿ ಆಡುತ್ತಿದ್ದೇನೆ ಎಂದು ನನ್ನನ್ನು ಕಿಚಾಯಿಸಿದರು. ಇದೀಗ ಸನ್ರೈಸರ್ಸ್ ವಿರುದ್ಧದ ಪಂದ್ಯವನ್ನು ವೀಕ್ಷಿಸಿದ್ದಾರೆ ಎಂದು ನಾನು ಭಾವಿಸುತ್ತೇನೆ. ಅವರು ಯಾವಾಗ ಕರೆದರೂ ನಾನು ಕ್ರಿಕೆಟ್ ಆಡಲು ಸಿದ್ಧ ಎಂದು ಹೇಳಿದರು.
ರೋಹಿತ್ ಹೇಳಿದ್ದೇನು?: ಇತ್ತೀಚೆಗೆ ಆರ್ಸಿಬಿ ಮತ್ತು ಮುಂಬೈ ನಡುವಿನ ಪಂದ್ಯದಲ್ಲಿ ದಿನೇಶ್ ಕಾರ್ತಿಕ್ ಭರ್ಜರಿಯಾಗಿ ಬ್ಯಾಟ್ ಮಾಡಿದ್ದರು. ಈ ವೇಳೆ ಸ್ಲಿಪ್ನಲ್ಲಿದ್ದ ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಕಾರ್ತಿಕ್ರ ಕಾಲೆಳೆದಿದ್ದರು. ಶಭಾಶ್ ಡಿಕೆ ವಿಶ್ವಕಪ್ ಆಡಲೇಬೇಕು ನೀನು. ಟಿ20 ವಿಶ್ವಕಪ್ಗೆ ಸಿದ್ಧತೆ ನಡೆಸುತ್ತಿದ್ದೀಯಾ ಎಂದು ಕಿಚಾಯಿಸಿದ್ದರು. ಇದನ್ನು ಕೇಳಿಸಿಕೊಂಡ ಇಶಾನ್ ಕಿಶನ್ ಮತ್ತು ದಿನೇಶ್ ಕಾರ್ತಿಕ್ ನಕ್ಕಿದ್ದರು.
ಸ್ಟಂಪ್ಸ್ ಮೈಕ್‌ನಲ್ಲಿ ರೆಕಾರ್ಡ್ ಆದ ಮಾತುಗಳು ವೈರಲ್ ಆಗಿದ್ದವು. ರೋಹಿತ್ ಅವರ ಈ ಮಾತುಗಳು ಕಾರ್ತಿಕ್ರ ನಂಬಿಕೆ ಮತ್ತು ಆತ್ಮವಿಶ್ವಾಸವನ್ನು ಹೆಚ್ಚಿಸಿದೆ. ವಿಶ್ವಕಪ್ ತಂಡದಲ್ಲಿ ಸ್ಥಾನ ರೋಹಿತ್ ಮಾತನ್ನು ಆರ್ಸಿಬಿ ಬ್ಯಾಟ್ಸ್ಮನ್ ಗಂಭೀರವಾಗಿ ಪರಿಗಣಿಸಿ ಎಲ್ಲ ಪಂದ್ಯಗಳಲ್ಲಿ ಉತ್ತಮವಾಗಿ ಆಡುತ್ತಿದ್ದಾರೆ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆ ಶುರುವಾಗಿದೆ. ಜೊತೆಗೆ ಕೆಲ ಕ್ರಿಕೆಟ್ ಅಭಿಮಾನಿಗಳು ವಿಶ್ವಕಪ್ಗೆ ಕಾರ್ತಿಕ್ ಆಯ್ಕೆಯಾಗುವುದು ಖಚಿತ ಎಂದೂ ಕಾಮೆಂಟ್ ಮಾಡುತ್ತಿದ್ದಾರೆ.
ಮುಂಬೈ ವಿರುದ್ಧದ ಪಂದ್ಯದಲ್ಲಿ ಡಿಕೆ 23 ಎಸೆತಗಳಲ್ಲಿ 53 ರನ್ ಬಾರಿಸಿದ್ದರು. ಇದರಲ್ಲಿ 5 ಬೌಂಡರಿ ಹಾಗೂ 4 ಸಿಕ್ಸರ್ ಗಳಿಸಿದ್ದರು. ಸೋಮವಾರ ನಡೆದ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ 35 ಎಸೆತಗಳಲ್ಲಿ 83 ರನ್ ಚಚ್ಚಿ ಅಭಿಮಾನಿಗಳನ್ನು ದಂಗು ಬಡಿಸಿದ್ದಾರೆ. ಆದರೂ ಆರ್ಸಿಬಿ ತಂಡ ಸನ್ ವಿರುದ್ಧ 25 ರನ್ಗಳ ಸೋಲು ಕಂಡಿತು.
ಇದನ್ನೂ ಓದಿ: ಆರ್ಸಿಬಿ ತಂಡಕ್ಕೆ ಮತ್ತೊಂದು ಆಘಾತ: ಈ ಸ್ಫೋಟಕ ಬ್ಯಾಟರ್ ಐಪಿಎಲ್ನಿಂದಲೇ ಔಟ್ ಸಾಧ್ಯತೆ - Glenn Maxwell
