73 ವರ್ಷಗಳ ನಂತರ ಟೆಸ್ಟ್​ ಕ್ರಿಕೆಟ್​ನಲ್ಲಿ ದೊಡ್ಡ ದಾಖಲೆ ಬರೆದ ಪಾಕ್​​​ ಬೌಲರ್!

Noman ali: ವೆಸ್ಟ್​ ಇಂಡೀಸ್​​ ವಿರುದ್ಧ ನಡೆಯುತ್ತಿರುವ ಎರಡನೇ ಟೆಸ್ಟ್​ ಪಂದ್ಯದಲ್ಲಿ ಪಾಕಿಸ್ತಾನದ ಬೌಲರ್​ ದಾಖಲೆ ಬರೆದಿದ್ದಾರೆ.

Noman ali: ವೆಸ್ಟ್​ ಇಂಡೀಸ್​ ವಿರುದ್ಧ ನಡೆಯುತ್ತಿರುವ ಎರಡನೇ ಟೆಸ್ಟ್​ ಪಂದ್ಯದಲ್ಲಿ 38 ವರ್ಷದ ಪಾಕಿಸ್ತಾನದ ಬೌಲರ್​ 6 ವಿಕೆಟ್​ ಪಡೆಯುವ ಮೂಲಕ ದಾಖಲೆ ಬರೆದಿದ್ದಾರೆ.

ಪಾಕಿಸ್ತಾನ ಮತ್ತು ವೆಸ್ಟ್​ ಇಂಡೀಸ್​ ನಡುವೆ ಎರಡು ಪಂದ್ಯಗಳ ಟೆಸ್ಟ್​ ಸರಣಿ ನಡೆಯುತ್ತಿದೆ. ಮುಲ್ತಾನ್​ ಮೈದಾನದಲ್ಲಿ ನಡೆದಿದ್ದ ಮೊದಲ ಪಂದ್ಯದಲ್ಲಿ ಗೆಲುವು ಸಾಧಿಸಿರುವ ಪಾಕ್​ ಶನಿವಾರ (ಇಂದು) ಕೆರೆಬಿಯನ್ನರ ಜೊತೆ ಎರಡನೇ ಪಂದ್ಯವನ್ನು ಆಡುತ್ತಿದೆ.

🚨 FIRST PAKISTAN SPINNER TO TAKE A TEST HAT-TRICK 🚨

Take a bow, Noman Ali! 🫡#PAKvWI | #RedBallRumble pic.twitter.com/c5RHVdcM0z

— Pakistan Cricket (@TheRealPCB) January 25, 2025

ಪಂದ್ಯದ ಮೊದಲ ದಿನವಾದ ಇಂದು ಟಾಸ್​​ ಗೆದ್ದು ಬ್ಯಾಟಿಂಗ್​ ಆಯ್ದುಕೊಂಡಿದ್ದ ವೆಸ್ಟ್​ ಇಂಡೀಸ್​ ನಿರೀಕ್ಷಿತ ಪ್ರದರ್ಶನ ನೀಡುವಲ್ಲಿ ವಿಫಲವಾಯಿತು. ಕೇವಲ 164 ರನ್​ಗಳಿಗೆ ತನ್ನೆಲ್ಲ ವಿಕೆಟ್​ ಕಳೆದುಕೊಂಡು ಇನ್ನಿಂಗ್ಸ್​ ಮುಗಿಸಿತು. ತಂಡದ ಪರ ಗುಡಕೇಶ್​ ಮೋಟಿ (55), ಹೋಡ್ಜ್​​ (21), ರೋಚ್ (25), ವಾರ್ರಿಕ್ಯಾನ್​ (36) ಹೊರತು ಪಡಿಸಿ ಯಾವೊಬ್ಬ ಬ್ಯಾಟರ್​ಗೂ ಕನಿಷ್ಠ ಎರಡಂಕಿ ಸ್ಕೋರ್​ ಗಳಿಸಲು ಸಾಧ್ಯವಾಗಲಿಲ್ಲ. ಪಾಕ್​ ಬೌಲರ್​ ನೊಮನ್ ಹ್ಯಾಟ್ರಿಕ್​ನೊಂದಿಗೆ 6 ವಿಕೆಟ್​ ಪಡೆಯುವ ಮೂಲಕ ವೆಸ್ಟ್ ಇಂಡೀಸ್ ಬ್ಯಾಟಿಂಗ್ ಲೈನ್ ಅಪ್ ನಾಶಪಡಿಸಿದರು. ಜೊತೆಗೆ ಟೆಸ್ಟ್​ ಕ್ರಿಕೆಟ್​ನಲ್ಲಿ ದಾಖಲೆಯನ್ನು ಬರೆದರು.

38 ವರ್ಷದ ನೋಮನ್ ಒಟ್ಟು 15.1 ಓವರ್ ಬೌಲ್ ಮಾಡಿ 41 ರನ್​ ನೀಡಿದರು. ಅದರಲ್ಲೂ 12ನೇ ಓವರ್​ನಲ್ಲಿ ಬೌಲ್ ಮಾಡಿದ ಅವರು ಮೊದಲ ಎಸೆತದಲ್ಲಿ ಜಸ್ಟಿನ್ ಗ್ರೀವ್ಸ್ (1), ಎರಡನೇ ಎಸೆತದಲ್ಲಿ ಟೆವಿನ್ ಇಮ್ಲಾಚ್ (0) ಮತ್ತು ಮೂರನೇ ಎಸೆತದಲ್ಲಿ ಕೆವಿನ್ ಸಿಂಕ್ಲೇರ್ (0) ಅವರನ್ನು ಔಟ್ ಮಾಡಿ ಹ್ಯಾಟ್ರಿಕ್ ಸಾಧನೆ ಮಾಡಿದರು. ಸುದೀರ್ಘ ಸ್ವರೂಪದಲ್ಲಿ ಹ್ಯಾಟ್ರಿಕ್ ವಿಕೆಟ್​ ಪಡೆದ ಪಾಕಿಸ್ತಾನದ ಮೊದಲ ಸ್ಪಿನ್ನರ್ ಮತ್ತು ಒಟ್ಟಾರೆ 6ನೇ ಬೌಲರ್​ ಎನಿಸಿಕೊಂಡರು.

𝐎𝐧𝐞 𝐢𝐧𝐜𝐫𝐞𝐝𝐢𝐛𝐥𝐞 𝐟𝐞𝐚𝐭! 😍

Hat-trick hero Noman Ali makes history in Multan 🙌#PAKvWI | #RedBallRumble pic.twitter.com/2xRLeYpVXl

— Pakistan Cricket (@TheRealPCB) January 25, 2025

ಇದಕ್ಕೂ ಮುನ್ನ ವಾಸಿಂ ಅಕ್ರಮ್ ಟೆಸ್ಟ್ ಕ್ರಿಕೆಟ್‌ನಲ್ಲಿ ಹ್ಯಾಟ್ರಿಕ್ ವಿಕೆಟ್​ ಪಡೆದ ಪಾಕಿಸ್ತಾನದ ಮೊದಲ ಬೌಲರ್ ಎನಿಸಿಕೊಂಡಿದ್ದಾರೆ. ಇವರು 1999ರಲ್ಲಿ ಶ್ರೀಲಂಕಾ ವಿರುದ್ಧ ಲಾಹೋರ್​ನಲ್ಲಿ ನಡೆದಿದ್ದ ಟೆಸ್ಟ್ ಪಂದ್ಯದಲ್ಲಿ ಈ ಸಾಧನೆ ಮಾಡಿದ್ದರು. ನಂತರ ಅಬ್ದುಲ್​ ರಜಾಕ್​, ಮೊಹಮ್ಮದ್​ ಸಮಿ ಹ್ಯಾಟ್ರಿಕ್​ ವಿಕೆಟ್​ ಪಡೆದಿದ್ದರು. ಇದೀಗಾ ನೋಮನ್ ಅಲಿ ಈ ವಿಶೇಷ ಪಟ್ಟಿಗೆ ಸೇರ್ಪಡೆಗೊಂಡಿದ್ದಾರೆ.

ಪಾಕಿಸ್ತಾನ 1952ರಲ್ಲಿ ಟೆಸ್ಟ್​ ಕ್ರಿಕೆಟ್​ ಆಡುವುದನ್ನು ಪ್ರಾರಂಭಿಸಿದ್ದು, 73 ವರ್ಷ ಕಳೆದರೂ ಪಾಕ್​ನ ಯಾವೊಬ್ಬ ಸ್ಪಿನ್ನರ್​ಗೂ ಹ್ಯಾಟ್ರಿಕ್​ ಸಾಧನೆ ಮಾಡಲು ಈ ವರೆಗೂ ಸಾಧ್ಯವಾಗಿರಲಿಲ್ಲ.

ಅಲಿ ಬೌಲಿಂಗ್​ ದಾಳಿಗೆ ಸಿಲುಕಿದ ವೆಸ್ಟ್ ಇಂಡೀಸ್ ಕೇವಲ 37ರನ್ ಗಳಿಗೆ 7 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಆದರೆ, ಕೊನೆಯಲ್ಲಿ ಕೆಮರ್ ರೋಚ್ (25) ಗುಡಾಕೇಶ್ ಮೋತಿ (55) ಮತ್ತು ಜೋಮೆಲ್ ವಾರಿಕಾನ್ ( 35) ಅವರ ಅಮೋಘ ಪ್ರದರ್ಶನದಿಂದ ವೆಸ್ಟ್ ಇಂಡೀಸ್ 41 ಓವರ್‌ಗಳಲ್ಲಿ 163 ರನ್ ಕಲೆಹಾಕುವಲ್ಲಿ ಯಶಸ್ವಿ ಆಯ್ತು.

ಟೆಸ್ಟ್​ ಕ್ರಿಕೆಟ್​ನಲ್ಲಿ ಹ್ಯಾಟ್ರಿಕ್​ ವಿಕೆಟ್​ ಪಡೆದ ಪಾಕಿಸ್ತಾನ ಬೌಲರ್​ಗಳು

1. ವಾಸಿಂ ಅಕ್ರಮ್ - vs ಶ್ರೀಲಂಕಾ (1999, ಲಾಹೋರ್) ​

2. ವಾಸಿಂ ಅಕ್ರಮ್ - vs ಶ್ರೀಲಂಕಾ (1999, ಢಾಕಾ)

3. ಅಬ್ದುಲ್ ರಜಾಕ್ – vs ಶ್ರೀಲಂಕಾ – (2000, ಗಾಲೆ)

4. ಮೊಹಮ್ಮದ್ ಸಮಿ – vs ಶ್ರೀಲಂಕಾ – (2002, ಲಾಹೋರ್)

5. ನಸೀಮ್ ಶಾ - vs ಬಾಂಗ್ಲಾದೇಶ - (2020, ರಾವಲ್ಪಿಂಡಿ)

6. ನೋಮನ್ ಅಲಿ – vs ವೆಸ್ಟ್ ಇಂಡೀಸ್ – (2025, ಮುಲ್ತಾನ್)

ಇದನ್ನೂ ಓದಿ: ಎರಡನೇ ಟಿ-20ಗೂ ಮೊದಲೇ ಭಾರತಕ್ಕೆ ದೊಡ್ಡ ಆಘಾತ​!: ಗಾಯಕ್ಕೆ ತುತ್ತಾದ ಸ್ಪೋಟಕ ಬ್ಯಾಟರ್​