ನಿತೀಶ್​ ರೆಡ್ಡಿ ಫ್ಲವರ್​ ಅಲ್ಲ ಫೈರ್​.!: ಆಸ್ಟ್ರೇಲಿಯನ್ನರ ಮುಂದೆ ಪುಷ್ಪ ಸ್ಟೈಲ್​ನಲ್ಲಿ ಸಂಭ್ರಮ; ವಿಡಿಯೋ

ಆಸ್ಟ್ರೇಲಿಯಾ ವಿರುದ್ಧ ನಡೆಯುತ್ತಿರುವ ನಾಲ್ಕನೇ ಟೆಸ್ಟ್​ ಪಂದ್ಯದಲ್ಲಿ ನಿತೀಶ್​ ಕುಮಾರ್​ ರೆಡ್ಡಿ ಅರ್ಧಶತಕ ಸಿಡಿಸಿ ಸಂಭ್ರಮಿಸಿದ್ದಾರೆ.

Nitish Kumar Reddy: ಆಸ್ಟ್ರೇಲಿಯಾ ವಿರುದ್ಧ ಮೆಲ್ಬೋರ್ನ್​ನಲ್ಲಿ ನಡೆಯುತ್ತಿರುವ 4ನೇ ಟೆಸ್ಟ್​ ಪಂದ್ಯದಲ್ಲಿ ಭಾರತದ ಯುವ ಬ್ಯಾಟರ್​ ನಿತೀಶ್​ ಕುಮಾರ್​ ರೆಡ್ಡಿ ಭರ್ಜರಿ ಬ್ಯಾಟಿಂಗ್​ ಪ್ರದರ್ಶನ ತೋರಿದ್ದಾರೆ.

ಬಲಿಷ್ಟ ಆಸ್ಟ್ರೇಲಿಯನ್​ ಬೌಲಿಂಗ್​ ಪಡೆ ಎದುರು ಲೀಲಾಜಾಲವಾಗಿ ಬ್ಯಾಟ್​ ಬೀಸಿರುವ ನಿತೀಶ್​ ಅರ್ಧಶತಕ ಸಿಡಿಸಿ ಅಬ್ಬರಿಸಿದ್ದಾರೆ. ಪಂದ್ಯದ 83ನೇ ಓವರ್‌ನಲ್ಲಿ ತಮ್ಮ ಟೆಸ್ಟ್ ವೃತ್ತಿಜೀವನದ ಚೊಚ್ಚಲ ಅರ್ಧಶತಕ ಪೂರೈಸಿದರು. ಮಿಚೆಲ್ ಸ್ಟಾರ್ಕ್ ಓವರ್‌ನ ಮೂರನೇ ಎಸೆತದಲ್ಲಿ ಬೌಂಡರಿ ಬಾರಿಸುವ ಮೂಲಕ ಅರ್ಧಶತಕ ಪೂರ್ಣಗೊಳಿಸಿದರು. 50ರನ್ ಪೂರ್ಣಗೊಳಿಸುತ್ತಿದ್ದಂತೆ ನಿತೀಶ್​ ಪುಷ್ಪ ಶೈಲಿಯಲ್ಲಿ ಸಂಭ್ರಮಿಸಿದ್ದಾರೆ. ಬಿಸಿಸಿಐ ಕೂಡ ನಿತೀಶ್​ ಅವರ ಪೋಸ್ಟ್​ ಹಂಚಿಕೊಂಡಿದ್ದು, ನಿತೀಶ್​ ಫ್ಲವರ್​ ಅಲ್ಲ ಫೈರ್​ ಎಂದು ಬರೆದುಕೊಂಡಿದೆ.

फ्लावर नहीं फायर है! 🔥

Nitish Kumar Reddy brings up his maiden 50 in Test cricket and unleashes the iconic celebration. 👏

Follow live: https://t.co/njfhCncRdL#TeamIndia pic.twitter.com/4aNqnXnotr

— BCCI (@BCCI) December 28, 2024

ಸ್ಟೈಲಿಶ್​ ಸ್ಟಾರ್​ ಅಲ್ಲು ಅರ್ಜುನ್ ಅಭಿನಯದ ಪುಷ್ಪ ಚಿತ್ರ ಅಭಿಮಾನಿಗಳು ಮಾತ್ರವಲ್ಲದೆ ಕ್ರಿಕೆಟರ್​ಗಳಿಗೂ ಆಕರ್ಷಿಸಿದೆ. ಈ ಹಿನ್ನೆಲೆ ಆಟಗಾರರು ಕ್ರಿಕೆಟ್ ಮೈದಾನದಲ್ಲಿ ಪುಷ್ಪ ಶೈಲಿಯಲ್ಲಿ ಸಂಭ್ರಮಿಸುವುದನ್ನು ಆಗಾಗ ಕಾಣಬಹುದಾಗಿದೆ. ಇತ್ತೀಚೆಗೆ ಪುಷ್ಪ ಸಿನಿಮಾದ ಎರಡನೇ ಭಾಗ ಕೂಡ ಬಿಡುಗಡೆಯಾಗಿದ್ದು ಮುಂದಿನ ವರ್ಷ ಪುಷ್ಪ ಪಾರ್ಟ್​ 3 ಬರುವ ಸಾಧ್ಯತೆ ಇದೆ.

ಪಂದ್ಯದ ಹೈಲೈಟ್​: ಮೂರನೇ ದಿನವಾದ ಇಂದು 221 ರನ್​ಗಳಿಗೆ 7 ವಿಕೆಟ್​ ಕಳೆದುಕೊಂಡು ಭಾರತ ಸಂಕಷ್ಟಕ್ಕೆ ಸಿಲುಕಿತ್ತು. ಈ ವೇಳೆ ಬ್ಯಾಟಿಂಗ್​ಗೆ ಬಂದ ನಿತೀಶ್​​ ರೆಡ್ಡಿ ಮತ್ತು ವಾಷಿಂಗ್ಟ್​ನ ಜೊತೆಗೂಡಿ ಆಸ್ಟ್ರೇಲಿಯನ್ನರ ವಿರುದ್ಧ ಕೆಚ್ಚೆದೆಯ ಪ್ರದರ್ಶನ ತೋರಿದರು. ತಂಡವನ್ನು ಫಾಲೋ ಆನ್​ ಭೀತಿಯಿಂದ ಪಾರುಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ.

" 𝙈𝙖𝙞𝙣 𝙟𝙝𝙪𝙠𝙚𝙜𝙖 𝙣𝙖𝙝𝙞!" 🔥

the shot, the celebration - everything was perfect as #NitishKumarReddy completed his maiden Test fifty! 👏#AUSvINDOnStar 👉 4th Test, Day 3 | LIVE NOW! | #ToughestRivalry #BorderGavaskarTrophy pic.twitter.com/hupun4pq2N

— Star Sports (@StarSportsIndia) December 28, 2024

ನಾಲ್ಕನೇ ಟೆಸ್ಟ್‌ನ ಮೂರನೇ ದಿನವಾದ ಇಂದು ಟೀಂ ಇಂಡಿಯಾ 97 ಓವರ್​ಗೆ 7 ವಿಕೆಟ್‌ ನಷ್ಟಕ್ಕೆ 326 ರನ್ ಕಲೆಹಾಕಿದ್ದಾರೆ. ನಿತೀಶ್ ಕುಮಾರ್ ರೆಡ್ಡಿ (ಅಜೇಯ 85) ಮತ್ತು ವಾಷಿಂಗ್ಟನ್ ಸುಂದರ್ (ಅಜೇಯ 40) ಬ್ಯಾಟಿಂಗ್ ಮುಂದುವರೆಸಿದ್ದಾರೆ. ಸಧ್ಯ ಈ ಇಬ್ಬರು 94 ರನ್‌ಗಳ ಜೊತೆಯಾಟವಾಡಿದ್ದು, ಇದರಿಂದಾಗಿ 97 ಒವರ್ ಮುಕ್ತಾಯದ ವೇಳೆಗೆ ಭಾರತ 148 ರನ್​ಗಳ ಹಿನ್ನಡೆಯಲ್ಲಿದೆ.

ವಾಷಿಂಗ್ಟನ್​ ಆಕರ್ಷಕ ಬ್ಯಾಟಿಂಗ್​: ನಿತೀಶ್​ ಕುಮಾರ್​ ರೆಡ್ಡಿ ಜತೆಗೂಡಿ ಬ್ಯಾಟಿಂಗ್​ ಮುಂದುವರೆಸಿರುವ ವಾಷಿಂಗ್ಟನ್​ ಸುಂದರ್​ ಕೂಡ ಉತ್ತಮ ಪ್ರದರ್ಶನ ತೋರಿದ್ದಾರೆ. ಸಧ್ಯ 115 ಎಸೆತಗಳಲ್ಲಿ 40 ರನ್​ ಕಲೆಹಾಕಿ ಅರ್ಧಶತಕದ ಹೊಸ್ತಿಲಲ್ಲಿದ್ದಾರೆ.

ಇದನ್ನೂ ಓದಿ: ಮೊಹಮ್ಮದ್ ಸಿರಾಜ್ ಸತತ ವೈಫಲ್ಯ: 'ಕೂಡಲೇ ಅವರನ್ನು ತಂಡದಿಂದ ಕೈಬಿಡಿ'- ಚಾಟಿ ಬೀಸಿದ ಗವಾಸ್ಕರ್