ಪ್ಯಾರಿಸ್ (ಫ್ರಾನ್ಸ್): ಭಾರತದ ಸ್ಟಾರ್ ಶಟ್ಲರ್ ಲಕ್ಷ್ಯ ಸೇನ್ ಇಂಡೋನೇಷ್ಯಾ ವಿರುದ್ಧ ಭರ್ಜರಿ ಗೆಲುವು ಸಾಧಿಸಿದ್ದಾರೆ. ಇದರೊಂದಿಗೆ ಪ್ರೀ ಕ್ವಾರ್ಟರ್ ಫೈನಲ್ಗೂ ಅರ್ಹತೆ ಪಡೆದಿದ್ದಾರೆ.
ಬುಧವಾರ ನಡೆದ ಪ್ಯಾರಿಸ್ ಒಲಿಂಪಿಕ್ಸ್ನ ಪುರುಷರ ಸಿಂಗಲ್ಸ್ ಬ್ಯಾಡ್ಮಿಂಟನ್ ಪಂದ್ಯದಲ್ಲಿ ವಿಶ್ವದ 4ನೇ ಶ್ರೇಯಾಂಕದ ಜೊನಾಟನ್ ಕ್ರಿಸ್ಟಿ ವಿರುದ್ಧ ನೇರ ಸೆಟ್ಗಳಿಂದ ಗೆಲುವು ಸಾಧಿಸಿದರು. 51 ನಿಮಿಷಗಳ ಕಾಲ ನಡೆದ ಈ ಪಂದ್ಯದಲ್ಲಿ ಲಕ್ಷ್ಯ ಮತ್ತು ಕ್ರಿಸ್ಟಿ ಮಧ್ಯೆ ತೀವ್ರ ಪೈಪೋಟಿ ಏರ್ಪಟ್ಟಿತ್ತು. ಆದರೂ, ಭಾರತದ ಶಟ್ಲರ್ ಎದುರಾಳಿ ಮೇಲೆ ಮುನ್ನಡೆ ಸಾಧಿಸುತ್ತಲೇ ಸಾಗಿದರು. ಮೊದಲ ಸುತ್ತಿನಲ್ಲಿ ಬಲಿಷ್ಠ ಶಟ್ಲರ್ ಅನ್ನು 21-18 ಅಂತರದಿಂದ ಬಗ್ಗು ಬಡಿದು ಗೆಲುವು ಸಾಧಿಸಿದರು. ಈ ಸೆಟ್ ಗೆಲ್ಲಲು ಲಕ್ಷ್ಯ ಸೇನ್ 28 ನಿಮಿಷಗಳನ್ನು ತೆಗೆದುಕೊಂಡರು. ಎರಡನೇ ಸುತ್ತಿನಲ್ಲೂ ಅದೇ ಆಟವನ್ನು ಮುಂದುವರೆಸಿದ ಲಕ್ಷ್ಯ, 21-12 ಅಂತದರಿಂದ 23 ನಿಮಿಷಗಳಲ್ಲಿ ಕ್ರಿಸ್ಟಿಯನ್ನು ಸೋಲಿಸಿ ಗೆಲುವು ತಮ್ಮದಾಗಿಸಿಕೊಂಡರು.
𝐋𝐚𝐤𝐬𝐡𝐲𝐚 𝐁𝐚𝐫𝐤𝐚𝐫𝐚𝐚𝐫 𝐡𝐚𝐢!🥳
— SAI Media (@Media_SAI) July 31, 2024
Sen triumphs at the #Paris2024Olympics as the star shuttler defeats his Indonesian opponent Jonatan Christie 21-18, 21-12 in the #Badminton Men's Singles group match.
With this win, he qualifies for the Round of 16.
Let's… pic.twitter.com/UaeB9DXfZ5
ಚೊಚ್ಚಲ ಒಲಿಪಿಂಕ್ಸ್ ಆಡುತ್ತಿರುವ ಲಕ್ಷ್ಯ ಸೇನ್ ಅವರ ಮೊದಲ ಪಂದ್ಯ ಡ್ರಾನಲ್ಲಿ ಕೊನೆಗೊಂಡಿತ್ತು. ಪ್ರತಿಸ್ಪರ್ಧಿ ಕೆವಿನ್ ಕಾರ್ಡೆನ್ ಎಡ ಮೊಣಕೈ ಗಾಯದಿಂದ ಆಟದಿಂದ ಹೊರಬಿದ್ದ ಕಾರಣ ಪಂದ್ಯವನ್ನು ಡ್ರಾನಲ್ಲಿ ಮುಕ್ತಾಯ ಗೊಳಿಸಲಾಯಿತು.
ಇದಾದ ಬಳಿಕ ಪುರುಷರ ಎಲ್ ಗುಂಪಿನ ಪಂದ್ಯದಲ್ಲಿ ಬೆಲ್ಜಿಯಂನ ಜೂಲಿಯನ್ ಕ್ಯಾರೇಜ್ ಅವರನ್ನು 2-0 ಅಂತರದಿಂದ ಮಣಿಸಿದ್ದರು. ಇದರಲ್ಲಿ ಭಾರತದ ವಿಶ್ವದ 18ನೇ ಶ್ರೇಯಾಂಕದ ಆಟಗಾರ ಲಕ್ಷ್ಯ ಸೇನ್ ಅವರು 43 ನಿಮಿಷಗಳಲ್ಲಿ 21-19, 21-14 ಅಂತರದ ನೇರ ಸೆಟ್ಗಳಿಂದ ವಿಶ್ವದ 52 ನೇ ಶ್ರೇಯಾಂಕಿತ ಕ್ಯಾರೇಜ್ ಅವರನ್ನು ಸೋಲಿಸಿದ್ದರು. ಸದ್ಯ ಲಕ್ಷ್ಯ ಸೇನ್ ವಿಶ್ವ ರ್‍ಯಾಂಕಿಂಗ್ನಲ್ಲಿ 22ನೇ ಸ್ಥಾನದಲ್ಲಿದ್ದಾರೆ.
ಇದಕ್ಕೂ ಮೊದಲು ನಡೆದ ಮಹಿಳೆಯರ ವೈಯಕ್ತಿಕ ಪೂಲ್ ಎಂ ಬ್ಯಾಡ್ಮಿಂಟನ್ ಪಂದ್ಯದಲ್ಲಿ ಪಿ.ವಿ ಸಿಂಧು ಎರಡನೇ ಗೆಲುವು ಸಾಧಿಸಿದ್ದಾರೆ. ಇಸ್ಟೋನಿಯಾ ವಿರುದ್ಧದ ಪಂದ್ಯದಲ್ಲಿ ಕ್ರಿಸ್ಟಿನ್ ಕುಬಾ ಅವರನ್ನು ನೇರ ಸೆಟ್ಗಳಿಂದ ಮಣಿಸಿದ ಸಿಂಧು 16ನೇ ಸುತ್ತಿಗೆ ಅರ್ಹತೆ ಪಡೆದಿದ್ದಾರೆ. ಪಂದ್ಯದಲ್ಲಿ ಮೊದಲ ಸೆಟ್ ಅನ್ನು 21-5 ಅಂತರದಿಂದ ಗೆದ್ದುಕೊಂಡ ಸಿಂಧು, ನಂತರ ಎರಡನೇ ಸುತ್ತಿನ್ನು 21-10 ಅಂತರದಿಂದ ಗೆದ್ದುಕೊಂಡರು. ಇದರೊಂದಿಗೆ ಪ್ಯಾರಿಸ್ ಒಲಿಂಪಿಕ್ನಲ್ಲಿ ಸತತ ಎರಡನೇ ಗೆಲುವು ಸಾಧಿಸಿದರು.
ಇದನ್ನೂ ಓದಿ: ಬ್ಯಾಡ್ಮಿಂಟನ್: ಪಿ.ವಿ ಸಿಂಧುಗೆ ಮತ್ತೊಂದು ಗೆಲುವು; ಪ್ರೀ ಕ್ವಾಲಿಫೈಯರ್ಗೆ ಎಂಟ್ರಿ - Paris olympics 2024
