ಐಪಿಎಲ್ ಹರಾಜು: 13ರ ಬಾಲಕ ವೈಭವ್ ಸೂರ್ಯವಂಶಿಗೆ ₹1.10 ಕೋಟಿ ಕೊಟ್ಟು ಖರೀದಿಸಿದ ರಾಜಸ್ಥಾನ್ ರಾಯಲ್ಸ್‌!

IPL Mega Auction: ಮುಂಬರುವ ಐಪಿಎಲ್‌ ಟೂರ್ನಿಗಾಗಿ ನಡೆದ ಎರಡನೇ ದಿನದ(ಸೋಮವಾರ) ಆಟಗಾರರ ಹರಾಜಿನಲ್ಲಿ 13 ವರ್ಷದ ಬಾಲಕ ವೈಭವ್‌ ಸೂರ್ಯವಂಶಿ ಅವರನ್ನು ರಾಜಸ್ಥಾನ್ ರಾಯಲ್ಸ್ ಕೋಟಿ ಬೆಲೆಗೆ ಖರೀದಿಸಿದ್ದು ವಿಶೇಷವಾಗಿತ್ತು.

IPL Mega Auction: 13 ವರ್ಷದ ಪ್ರತಿಭಾನ್ವಿತ ಕ್ರಿಕೆಟಿಗ ವೈಭವ್ ಸೂರ್ಯವಂಶಿ ಅವರನ್ನು ರಾಜಸ್ಥಾನ ರಾಯಲ್ಸ್​ ಫ್ರಾಂಚೈಸಿ ₹1.10 ಕೋಟಿಗೆ ಖರೀದಿಸಿ, ಕ್ರಿಕೆಟ್‌ ಲೋಕದಲ್ಲಿ ಅಚ್ಚರಿ ಮೂಡಿಸಿದೆ. ಈ ಮೂಲಕ ವೈಭವ್‌, ಐಪಿಎಲ್‌ನಲ್ಲಿ ಆಡುತ್ತಿರುವ ಅತೀ ಕಿರಿಯ ಕ್ರಿಕೆಟಿಗ ಎಂಬ ದಾಖಲೆ ಬರೆದಿದ್ದಾರೆ.

ಬಿಹಾರದ ಸಮಸ್ತಿಪುರದವರಾದ ವೈಭವ್, ಇತ್ತೀಚಿಗೆ ಅಂಡರ್ 19 ಟೆಸ್ಟ್‌ ಕ್ರಿಕೆಟ್‌ನಲ್ಲಿ ವೇಗದ ಶತಕ ಸಿಡಿಸಿ ಗಮನ ಸೆಳೆದಿದ್ದರು. ಆಸ್ಟ್ರೇಲಿಯಾ ತಂಡದೆದುರು 58 ಎಸೆತಗಳಲ್ಲಿ ಈ ಸಾಧನೆ ಮಾಡಿದ್ದರು.

𝙏𝙖𝙡𝙚𝙣𝙩 𝙢𝙚𝙚𝙩𝙨 𝙤𝙥𝙥𝙤𝙧𝙩𝙪𝙣𝙞𝙩𝙮 𝙞𝙣𝙙𝙚𝙚𝙙 🤗

13-year old Vaibhav Suryavanshi becomes the youngest player ever to be sold at the #TATAIPLAuction 👏 🔝

Congratulations to the young𝙨𝙩𝙖𝙧, now joins Rajasthan Royals 🥳#TATAIPL | @rajasthanroyals | #RR pic.twitter.com/DT4v8AHWJT

— IndianPremierLeague (@IPL) November 25, 2024

ಇನ್ನು, ಸೌದಿ ಅರೇಬಿಯಾದ ಜೆಡ್ಡಾದಲ್ಲಿ ನಡೆದ ಎರಡನೇ ದಿನದ ಐಪಿಎಲ್‌ ಹರಾಜು ಪ್ರಕ್ರಿಯೆಯಲ್ಲಿ ಕೆಲವು ಸ್ಟಾರ್​ ಆಟಗಾರರು ಅನ್‌ಸೋಲ್ಡ್‌ ಆಗಿದ್ದು ಅಚ್ಚರಿ ಮೂಡಿಸಿತು. ಕೇನ್​ ವಿಲಿಯಮ್ಸ್​, ಗ್ಲೆನ್​ ಫಿಲಿಪ್ಸ್,​ ಕೇಶವ್​ ಮಹರಾಜ್,​ ಅಜಿಂಕ್ಯಾ ರಹಾನೆ, ಶಾರ್ದೂಲ್​ ಠಾಕೂರ್​ ಮತ್ತು ಫೃಥ್ವಿ ಶಾ ಅನ್​ಸೋಲ್ಡ್​ ಆದ ಪ್ರಮುಖರು.

ಆಸ್ಟ್ರೇಲಿಯಾದ ಸ್ಟಾರ್​ ಬ್ಯಾಟರ್​ ಮತ್ತು ಮುಂಬೈ ಇಂಡಿಯನ್ಸ್​ ತಂಡದ ಸ್ಟಾರ್​ ಬ್ಯಾಟರ್​ ಆಗಿದ್ದ ಟಿಮ್​ ಡೇವಿಡ್​ ಆರ್​ಸಿಬಿ ಪಾಲಾಗಿದ್ದಾರೆ. ಇವರನ್ನು ₹3 ಕೋಟಿಗೆ ಖರೀದಿಸಲಾಗಿದೆ. ವೆಸ್ಟ್​ ಇಂಡೀಸ್​ನ ರೊಮೆರಿಯೋ ಶೆಫಾರ್ಡ್​ ಅವರನ್ನು ₹1.50 ಕೋಟಿಗೆ ಬಿಕರಿಯಾದರು. ಆರ್​ಸಿಬಿಯ ಮಾಜಿ ಬ್ಯಾಟರ್​ ವಿಲ್​ ಜಾಕ್ಸ್​ ₹5.25 ಕೋಟಿಗೆ ಮುಂಬೈ ಸೇರ್ಪಡೆಗೊಂಡಿದ್ದಾರೆ.

ಸ್ವಿಂಗ್​ ಕಿಂಗ್​​ ಆರ್​ಸಿಬಿಗೆ: ಭಾರತದ ಸ್ಟಾರ್​ ವೇಗದ ಬೌಲರ್ ಭುವನೇಶ್ವರ್ ಕುಮಾರ್ ಆರ್​ಸಿಬಿ ಪಾಲಾಗಿದ್ದಾರೆ. ಕ್ರಿಕೆಟ್​ ಲೋಕದಲ್ಲಿ ಹಲವಾರು ದಾಖಲೆಗಳನ್ನು ಬರೆದಿರುವ ಸ್ವಿಂಗ್​ ಕಿಂಗ್​ ಒಟ್ಟು 176 ಐಪಿಎಲ್​ ಪಂದ್ಯಗಳನ್ನು ಆಡಿದ್ದು 181 ವಿಕೆಟ್​ಗಳನ್ನು ಉರುಳಿಸಿದ್ದಾರೆ. 19 ರನ್​ಗಳಿಗೆ 5 ವಿಕೆಟ್ ಪಡೆದಿರುವುದು​ ಇವರ ಶ್ರೇಷ್ಠ ಬೌಲಿಂಗ್‌ ಪ್ರದರ್ಶನ. ಭುವಿ ಅವರನ್ನು ಆರ್​ಸಿಬಿ ₹10.75 ಕೋಟಿಗೆ ಖರೀದಿಸಿದೆ.

ಹರಾಜಾದ ಆಟಗಾರರು:

• ರೋವೆನ್​ ಪೋವೆಲ್​

ತಂಡ: ಕೆಕೆಆರ್

ಮೊತ್ತ: ₹1.50 ಕೋಟಿ

• ಫಾಫ್​ ಡುಪ್ಲೆಸಿಸ್​

ತಂಡ: ಡೆಲ್ಲಿ ಕ್ಯಾಪಿಟಲ್ಸ್​

ಮೊತ್ತ: ₹2 ಕೋಟಿ

• ವಾಷಿಂಗ್ಟನ್​ ಸುಂದರ್​

ತಂಡ: ಗುಜರಾತ್​ ಟೈಟಾನ್ಸ್​

ಮೊತ್ತ: ₹3.20 ಕೋಟಿ

• ಸ್ಯಾಮ್​​ ಕರ್ರನ್​

ತಂಡ: CSK

ಮೊತ್ತ: ₹2.40 ಕೋಟಿ

• ಮಾರ್ಕೋ ಜಾನ್​ಸೆನ್​

ತಂಡ: ಪಂಜಾಬ್​ ಕಿಂಗ್ಸ್​

ಮೊತ್ತ: ₹7 ಕೋಟಿ

• ಕೃನಾಲ್​ ಪಾಂಡ್ಯ

ತಂಡ: RCB

ಮೊತ್ತ: ₹5.75 ಕೋಟಿ

• ನಿತೀಶ್​ ರಾಣಾ

ತಂಡ: RR

ಮೊತ್ತ: ₹4.20 ಕೋಟಿ

• ಜಾಸ್​ ಇಂಗ್ಲಿಸ್​

ತಂಡ: PCB

ಮೊತ್ತ:₹2 ಕೋಟಿ

• ತುಷಾರ್​ ದೇಶ್​ಪಾಂಡೆ

ತಂಡ: RR

ಮೊತ್ತ: ₹6.50 ಕೋಟಿ

• ಕೋಯೆಟ್ಝೆ

ತಂಡ: GT

ಮೊತ್ತ: ₹2.40 ಕೋಟಿ

• ಭುವನೇಶ್ವರ್​ ಕುಮಾರ್

ತಂಡ: RCB

ಮೊತ್ತ: ₹10.75 ಕೋಟಿ

• ಮುಕೇಶ್​ ಕುಮಾರ್​

ತಂಡ: DC (RTM)

ಮೊತ್ತ: ₹8 ಕೋಟಿ

• ದೀಪಕ್​ ಚಹಾರ್​

ತಂಡ: CSK

ಮೊತ್ತ: ₹9.25 ಕೋಟಿ

• ಆಕಾಶ್​ ದೀಪ್​

ತಂಡ: LSG

ಮೊತ್ತ: ₹8 ಕೋಟಿ

ಲ್ಯೂಕ್​ ಫೆರ್ಗ್ಯೂಸನ್​

ತಂಡ: PBKS

ಮೊತ್ತ: ₹2 ಕೋಟಿ

• ​​ ಘಝಾನ್​ಫಾರ್​

ತಂಡ: ಮುಂಬೈ ಇಂಡಿಯನ್ಸ್​

ಮೊತ್ತ: ₹4.80 ಕೋಟಿ

• ಅನ್ಶುಲ್​ ಕಂಭೋಜ್​

ತಂಡ: CSK

ಮೊತ್ತ: ₹3.40 ಕೋಟಿ

ಇದನ್ನೂ ಓದಿ: IPL Auction: 184 ಐಪಿಎಲ್ ಪಂದ್ಯ 4 ಶತಕ 62 ಅರ್ಧಶತಕ ಸಿಡಿಸಿದ್ದ ಸ್ಪೋಟಕ ಬ್ಯಾಟರ್​​ Unsold!