ಮುಂಬೈ(ಮಹಾರಾಷ್ಟ್ರ): ಸ್ಟಾರ್ ಬ್ಯಾಟರ್ ಸೂರ್ಯಕುಮಾರ್ ಅಮೋಘ ಶತಕದ ನೆರವಿನಿಂದ ಮುಂಬೈ ಇಂಡಿಯನ್ಸ್ ತಂಡವು ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ 7 ವಿಕೆಟ್ಗಳ ಭರ್ಜರಿ ಗೆಲುವು ಸಾಧಿಸಿತು. ಈ ಮೂಲಕ ಅಂಕಪಟ್ಟಿಯಲ್ಲಿ ಕೊನೆ ಸ್ಥಾನದಲ್ಲಿದ್ದ ಹಾರ್ದಿಕ್ ಪಾಂಡ್ಯ ಪಡೆ ಒಂದು (9ನೇ) ಸ್ಥಾನ ಮೇಲೇರಿದೆ. ಮತ್ತೊಂದೆಡೆ, 4ನೇ ಸ್ಥಾನದಲ್ಲಿರುವ ಪ್ಯಾಟ್ ಕಮ್ಮಿನ್ಸ್ ಬಳಗ ಈ ಪಂದ್ಯ ಗೆದ್ದಿದ್ದರೆ ಪ್ಲೇ ಆಫ್ ಹಾದಿ ಸುಗಮವಾಗುತ್ತಿತ್ತು.
ವಾಂಖೆಡೆ ಮೈದಾನದಲ್ಲಿ ಸೋಮವಾರ ರಾತ್ರಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಮುಂಬೈ ಬೌಲಿಂಗ್ ಆಯ್ದುಕೊಂಡಿತ್ತು. ಮೊದಲು ಬ್ಯಾಟಿಂಗ್ ಮಾಡಿದ ಹೈದರಾಬಾದ್ ತಂಡಕ್ಕೆ ಬೃಹತ್ ಮೊತ್ತ ಕಲೆ ಹಾಕಲು ಸಾಧ್ಯವಾಗದಿದ್ದರೂ, ನಿಗದಿತ 20 ಓವರ್ಗಳಲ್ಲಿ 173 ರನ್ಗಳ ಸ್ಪರ್ಧಾತ್ಮಕ ಮೊತ್ತ ಪೇರಿಸಿತ್ತು. ಈ ಗುರಿಯನ್ನು ಮುಂಬೈ 17.2 ಓವರ್ಗಳಲ್ಲಿ ಕೇವಲ 3 ವಿಕೆಟ್ ನಷ್ಟಕ್ಕೆ ಪೂರೈಸಿದೆ.
ಸನ್ರೈಸರ್ಸ್ ಇನಿಂಗ್ಸ್: ಈ ಐಪಿಎಲ್ನಲ್ಲಿ ರನ್ ಹೊಳೆ ಹರಿಸುವ ಮೂಲಕ ಸನ್ರೈಸರ್ಸ್ ಗಮನ ಸೆಳೆದಿದೆ. ಆದರೆ, ಮುಂಬೈನಲ್ಲಿ ಬ್ಯಾಟರ್‌ಗಳಿಂದ ಅಂತಹ ಅಬ್ಬರದ ಪ್ರದರ್ಶನ ಬರಲಿಲ್ಲ. ಆರಂಭಿಕರಾದ ಟ್ರಾವಿಸ್ ಹೆಡ್ ಮತ್ತು ಅಭಿಷೇಕ್ ಶರ್ಮಾ ಮೊದಲ ವಿಕೆಟ್ಗೆ 56 ರನ್ ಕಲೆ ಹಾಕಿದ್ದು ಹೊರತುಪಡಿಸಿ, ದೊಡ್ಡ ಜೊತೆಯಾಟ ಮೂಡಿಬರಲಿಲ್ಲ.
ಆದರೆ, ಹೆಡ್ (41) ಮತ್ತು ಕೊನೆಯಲ್ಲಿ ನಾಯಕ ಕಮ್ಮಿನ್ಸ್ (35) ಆಟದಿಂದ ಸ್ಪರ್ಧಾತ್ಮಕ ಮೊತ್ತ ಕಲೆ ಹಾಕಲು ಸಾಧ್ಯವಾಯಿತು. ಅಭಿಷೇಕ್ (11), ಮಯಾಂಕ್ ಅಗರ್ವಾಲ್ (5), ನಿತೀಶ್ ರೆಡ್ಡಿ (20), ಮ್ಯಾಕ್ರೋ ಜನ್ಸೆನ್ (17), ಶಹಬಾಜ್ ಅಹ್ಮದ್ 10 ರನ್ಗಳಿಗೆ ಸೀಮಿತವಾದರು. ಅಂತಿಮವಾಗಿ 8 ವಿಕೆಟ್ ಕಳೆದುಕೊಂಡು 173 ರನ್ಗಳನ್ನು ಹೈದರಾಬಾದ್ ಕಲೆ ಹಾಕಿತ್ತು. ಮುಂಬೈ ಪರ ನಾಯಕ ಹಾರ್ದಿಕ್ ಪಾಂಡ್ಯ, ಪಿಯೂಶ್ ಚಾವ್ಲಾ ತಲಾ 3 ವಿಕೆಟ್ ಮತ್ತು ಅಂಶುಲ್ ಕಾಂಬೋಜ್, ಜಸ್ಪೀತ್ ಬೂಮ್ರಾ ತಲಾ 1 ವಿಕೆಟ್ ಪಡೆದರು.
ಮುಂಬೈ ಇನಿಂಗ್ಸ್: 174 ರನ್ಗಳ ಗುರಿ ಬೆನ್ನಟ್ಟಿದ್ದ ಮುಂಬೈ ಆರಂಭಿಕ ಆಘಾತ ಅನುಭವಿಸಿತ್ತು. ಹಿರಿಯ ಆಟಗಾರ ರೋಹಿತ್ ಶರ್ಮಾ ಅವರೊಂದಿಗೆ ಇನಿಂಗ್ಸ್ ಆರಂಭಿಸಿದ ಇಶಾನ್ ಕಿಶನ್ ಕೇವಲ 9 ವಿಕೆಟ್ ಗಳಿಸಿ ಪೆವಿಲಿಯನ್ ಸೇರಿದರು. ಇದರ ಬೆನ್ನಲ್ಲೇ ರೋಹಿತ್ ಸಹ ಕೇವಲ 4 ರನ್ಗೆ ವಿಕೆಟ್ ಒಪ್ಪಿಸಿದರು. ಅಲ್ಲದೇ, ನಮನ್ ಧಿರ್ ಕೂಡ ಶೂನ್ಯಕ್ಕೆ ವಿಕೆಟ್ ಕಳೆದುಕೊಂಡರು. ಇದರಿಂದ ತಂಡದ ಮೊತ್ತ 31 ರನ್ಗಳು ಆಗುವಷ್ಟರಲ್ಲೇ ಪಾಂಡ್ಯ ಬಳಗ ಪ್ರಮುಖ 3 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು.
ಸೂರ್ಯ ಶತಕದ ಸೊಗಸು: ಆದರೆ, ನಾಲ್ಕನೇ ವಿಕೆಟ್ಗೆ ಸೂರ್ಯಕುಮಾರ್ ಯಾದವ್ ಮತ್ತು ತಿಲಕ್ ವರ್ಮಾ ಅದ್ಭುತವಾದ ಇನಿಂಗ್ಸ್ ಕಟ್ಟಿದರು. ಅದರಲ್ಲೂ, ಟಿ20 ನಂಬರ್ ಬ್ಯಾಟರ್ ಸೂರ್ಯ 12 ಬೌಂಡರಿ, 6 ಸಿಕ್ಸರ್ ಮೂಲಕ 102 ರನ್ಗಳ ಸೊಗಸಾದ ಶತಕದಾಟ ಪ್ರದರ್ಶಿಸಿದರು.
30 ಎಸೆತೆಗಳಲ್ಲಿ ಅರ್ಧಶಕತ ಬಾರಿಸಿದ ಅವರು, ನಂತರದ ಫಿಫ್ಟಿಗೆ ಕೇವಲ 21 ಬಾಲ್ಗಳನ್ನು ತೆಗೆದುಕೊಂಡರು. ಕೊನೆಯ 4 ಓವರ್ಗಳಲ್ಲಿ ಸಿಕ್ಸರ್ ಮತ್ತು ಬೌಂಡರಿಗಳ ಮೂಲಕವೇ ರನ್ ಹೊಳೆ ಹರಿಸಿ ಅಜೇಯರಾಗುಳಿದರು. ಮತ್ತೊಂದೆಡೆ, ತಿಲಕ್ ವರ್ಮಾ 32 ಬಾಲ್ಗಳಲ್ಲಿ 6 ಬೌಂಡರಿಗಳ ಸಹಿತ 37 ರನ್ ಕಲೆ ಹಾಕಿ ಗೆಲುವಿಗೆ ಕಾಣಿಕೆ ನೀಡಿದರು. ಹೈದರಾಬಾದ್ ಪರ ಭುವನೇಶ್ವರ್ ಕುಮಾರ್, ಜನ್ಸೆನ್, ಕಮ್ಮಿನ್ಸ್ ತಲಾ 1 ವಿಕೆಟ್ ಪಡೆದರು.
ಇದನ್ನೂ ಓದಿ: ಪಾಂಡ್ಯ, ಪಿಯೂಷ್ ಬಿಗಿದಾಳಿ: ಮುಂಬೈಗೆ 174 ರನ್ಗಳ ಸಾಧಾರಣ ಗುರಿ ನೀಡಿದ ಹೈದರಾಬಾದ್
