ದಂಬುಲ್ಲಾ (ಶ್ರೀಲಂಕಾ): ಇಲ್ಲಿನ ರಂಗಿ ದಂಬುಲ್ಲಾ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಮಹಿಳಾ ಏಷ್ಯಾಕಪ್ 'ಎ' ಗುಂಪಿನ 5ನೇ ಪಂದ್ಯದಲ್ಲಿ ಯುಎಇ ವಿರುದ್ಧ ಟೀಂ ಇಂಡಿಯಾ 78 ರನ್‌ಗಳಿಂದ ಭರ್ಜರಿ ಗೆಲವು ಸಾಧಿಸಿದೆ. ಈ ಗೆಲುವಿನೊಂದಿಗೆ ಸೆಮಿಫೈನಲ್ಗೂ ಪ್ರವೇಶ ಪಡೆದಿದೆ.
𝐎𝐧𝐞 𝐬𝐭𝐞𝐩 𝐚𝐰𝐚𝐲 𝐟𝐫𝐨𝐦 𝐚 𝐬𝐞𝐦𝐢-𝐟𝐢𝐧𝐚𝐥 𝐛𝐞𝐫𝐭𝐡! 🇮🇳
— Star Sports (@StarSportsIndia) July 21, 2024
An incredible win for the #WomenInBlue against a resilient UAE team! 😍
Don't miss 👉 #PAKvNEP | TODAY 7 PM | #WomensAsiaCupOnStar (Only available in India) pic.twitter.com/gfA8NCXypT
ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ್ದ ಹಾಲಿ ಚಾಂಪಿಯನ್ ಭಾರತದ ವನಿತೆಯರು, ಯುಎಇ ಬೌಲರ್‌ಗಳ ಸವಾರಿ ಮಾಡಿ T20 ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ಮೊದಲ ಬಾರಿಗೆ 201 ರನ್ ಸಿಡಿಸುವ ಮೂಲಕ ದಾಖಲೆ ಬರೆದರು. ಬ್ಯಾಟಿಂಗ್ ಮಾತ್ರವಲ್ಲದೇ ಬೌಲಿಂಗ್ನಲ್ಲೂ ಉತ್ತಮ ಪ್ರದರ್ಶನ ತೋರಿ ಯುಎಇ ತಂಡವನ್ನು ಕೇವಲ 123ರನ್ಗಳಿಗೆ ಕಟ್ಟಿ ಹಾಕುವಲ್ಲಿ ಯಶಸ್ವಿಯಾಯಿತು. ಈ ಮೂಲಕ ಟೂರ್ನಿಯಲ್ಲಿ ಸತತ ಎರಡನೇ ಜಯ ಗಳಿಸಿದರು.
A dominant display as Team India makes it 2 in 2! 💥🇮🇳
— Star Sports (@StarSportsIndia) July 21, 2024
With a record-breaking batting performance and a collective bowling effort, the #WomenInBlue comfortably beat UAE by 78 runs! 💙🤌🏻
Next up 👉 #PAKvNEP | TODAY, 7 PM | #WomensAsiaCupOnStar pic.twitter.com/nLOEKzq5kJ
ಭಾರತದ ಪರ ನಾಯಕಿ ಹರ್ಮನ್ ಪ್ರೀತ್ ಕೌರ್ ಭರ್ಜರಿ ಬ್ಯಾಟ್ ಬೀಸಿ ಅರ್ಧಶತಕ ಪೂರೈಸಿದರು. 47 ಎಸೆತಗಳಲ್ಲಿ 7 ಬೌಂಡರಿ ಮತ್ತು 1 ಸಿಕ್ಸರ್ ನೊಂದಿಗೆ 66ರನ್ಗಳನ್ನು ಕಲೆಹಾಕಿ ತಂಡದ ಹೈಸ್ಕೋರರ್ ಎನಿಸಿಕೊಂಡರು. ಮತ್ತೊಂದೆಡೆ ರಿಚಾ ಘೋಷ್ ಕೂಡ ಬಿರುಸಿನ ಬ್ಯಾಟಿಂಗ್ ನೆರವಿನಿಂದ ಅರ್ಧಶತಕ ಸಿಡಿಸಿದರು. 29 ಎಸೆತಗಳನ್ನು ಎದುರಿಸಿದ ಘೋಷ್ 12 ಬೌಂಡರಿ 1 ಸಿಕ್ಸರ್ ಸಮೇತ 64 ರನ್ ಚಚ್ಚಿದರು. ಉಳಿದಂತೆ ಶೆಫಾಲಿ ವರ್ಮಾ (37), ಸ್ಮೃತಿ ಮಂಧಾನ (13), ರೋಡ್ರಿಗಾಸ್ ತಂಡಕ್ಕೆ ರನ್ ಕೊಡುಗೆ ನೀಡಿದರು. (66) ಅವರ ಆಕರ್ಷಕ ಅರ್ಧ ಶತಕದ ಬ್ಯಾಟಿಂಗ್ ನೆರವಿನಿಂದ ನಿಗದಿತ 20 ಓವರ್ಗೆ 5 ವಿಕೆಟ್ ಕಳೆದುಕೊಂಡು 201 ರನ್ಗಳ ಬೃಹತ್ ಮೊತ್ತವನ್ನು ಕಲೆ ಹಾಕಿತ್ತು.
𝐂𝐀𝐒𝐓𝐋𝐄𝐃 🔥#PoojaVastrakar strikes and #TeamIndia are on top! Will they continue to dominate and qualify for the semis? 👀#INDvUAE | LIVE NOW | #WomensAsiaCupOnStar (Only available in India) pic.twitter.com/cBEKNyVubu
— Star Sports (@StarSportsIndia) July 21, 2024
ಭಾರತ ನೀಡಿದ್ದ ಬೃಹತ್ ಗುರಿಯನ್ನು ಬೆನ್ನತ್ತಿದ ಯುಎಇ ತಂಡದ ಪರ ಇಶಾ ರೋಹಿತ್ ಒಝಾ (38), ಕವಿಶಾ (40) ಹೊರತುಪಡಿಸಿ ಉಳಿದ ಬ್ಯಾಟರ್ಗಳು ಎರಡಂಕಿ ದಾಟಲು ಸಾಧ್ಯವಾಗಲಿಲ್ಲ. ಭಾರತದ ಪರ ದೀಪ್ತಿ ಶರ್ಮಾ 2 ವಿಕೆಟ್ ಪಡೆದು ಮಿಂಚಿದರೆ, ರೇಣುಕಾ, ತನುಜಾ, ಪೂಜಾ, ರಾಧಾ ಯಾದವ್ ತಲಾ ಒಂದು ವಿಕೆಟ್ ಉರುಳಿಸಿದರು.
ಸೆಮಿಫೈನಲ್‌ಗೆ ಟೀಂ ಇಂಡಿಯಾ: ಹಾಲಿ ಚಾಂಪಿಯನ್ ಭಾರತವು 2024ರ ಮಹಿಳಾ ಏಷ್ಯಾ ಕಪ್‌ನಲ್ಲಿ ಯುಎಇಯನ್ನು ಸೋಲಿಸುವ ಮೂಲಕ ಸೆಮಿಫೈನಲ್ ಪ್ರವೇಶಿಸಿದೆ. ಆದಾಗ್ಯೂ, ಭಾರತ ತನ್ನ ಮುಂದಿನ ಗುಂಪಿನ ಪಂದ್ಯವನ್ನು ನೇಪಾಳ ವಿರುದ್ಧ ಜುಲೈ 23 ರಂದು ಆಡಬೇಕಾಗಿದೆ. ಮಹಿಳಾ ಏಷ್ಯಾಕಪ್‌ನಲ್ಲಿ ಭಾರತ ಬಲಿಷ್ಠ ತಂಡವಾಗಿ ಗುರುತಿಸಿಕೊಂಡಿದೆ. ಇದುವರೆಗೆ 9 ಬಾರಿ ಈ ಏಷ್ಯಾಕಪ್ ಟೂರ್ನಿ ನಡೆದಿದ್ದು, ಈ ಪೈಕಿ ಭಾರತ 8 ಬಾರಿ ಪ್ರಶಸ್ತಿಯನ್ನು ಗೆದ್ದುಕೊಂಡಿದೆ. ಬಾಂಗ್ಲಾದೇಶ 2018ರಲ್ಲಿ ಒಮ್ಮೆ ಮಾತ್ರ ಟ್ರೋಫಿ ಗೆದ್ದಿದೆ.
