ಹೈದರಾಬಾದ್: ಭಾರತ ಕ್ರಿಕೆಟ್ ತಂಡದ ಮಾಜಿ ಆಟಗಾರ ದಿನೇಶ್ ಕಾರ್ತಿಕ್ ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿರುವಾಗ ತಮಗಾದ ಪ್ಯಾರಾನಾರ್ಮಲ್ ಆ್ಯಕ್ಟಿವಿಟಿ ಅನುಭವವನ್ನು ಕಾರ್ಯಕ್ರಮವೊಂದರಲ್ಲಿ ಹಂಚಿಕೊಂಡರು.
ನಮ್ಮ ತಂಡ ದಕ್ಷಿಣ ಆಫ್ರಿಕಾದ ಸನ್ಸಿಟಿಯಲ್ಲಿ ವಾಸ್ತವ್ಯ ಹೂಡಿತ್ತು. ಮಧ್ಯರಾತ್ರಿ ನಾನು ತಂಗಿದ್ದ ಕೋಣೆಯಲ್ಲಿ ವಿಚಿತ್ರ ಮತ್ತು ವಿಲಕ್ಷಣವಾಗಿ ಚಲಿಸುತ್ತಿರುವ ಏನನ್ನೋ ಗಮನಿಸಿದೆ ಎಂದು ಅವರು ತಿಳಿಸಿದರು.
ಕ್ರಿಕ್‌ಬಜ್‌ ನಡೆಸಿದ ಕಾರ್ಯಕ್ರಮದಲ್ಲಿ ಮಾತನಾಡಿದ ಕಾರ್ತಿಕ್, "ಸನ್ ಸಿಟಿಯ ನನ್ನ ಕೋಣೆಯಲ್ಲಿ ತಂಗಿದ್ದೆ. ಮಧ್ಯರಾತ್ರಿ ಸುಮಾರಿಗೆ ವಿಚಿತ್ರದ ಅನುಭವವಾಯಿತು. ವಿಲಕ್ಷಣ ಆಕಾರವೊಂದು ನನ್ನ ಕೋಣೆಯಲ್ಲಿ ಚಲಿಸುತ್ತಿರುವುದನ್ನು ಕಣ್ಣಾರೆ ಕಂಡೆ. ಅದ್ರೆ ಅದೇನು ಎಂಬುದು ಇಂದಿಗೂ ನನ್ನ ಮನದಲ್ಲಿ ಹಾಗೆಯೇ ಉಳಿದಿದೆ. ನನ್ನ ಜೀವನದಲ್ಲಿ ಮೊದಲ ಬಾರಿಗೆ ಅಂಥದ್ದೊಂದು ಭಯಾನಕ ಅನುಭವಾಗಿತ್ತು" ಎಂದರು.
ದಿನೇಶ್ ಕಾರ್ತಿಕ್ ತಮ್ಮ 39ನೇ ಹುಟ್ಟುಹಬ್ಬದಂದು ಎಲ್ಲ ಮಾದರಿಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ್ದರು. ಐಪಿಎಲ್‌ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ತಂಡದ ಭಾಗವಾಗಿದ್ದರು. ಈ ಬಾರಿಯ ಟೂರ್ನಿಯಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದ ದಿನೇಶ್ ಕಾರ್ತಿಕ್ ತಂಡವನ್ನು ಪ್ಲೇಆಫ್ಗೆ ತಲುಪಿಸುವಲ್ಲಿ ನೆರವಾಗಿದ್ದರು. ಆದರೆ ಪ್ಲೇಆಫ್ನಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಸೋಲನುಭವಿಸಿ ಆರ್ಸಿಬಿ ಈ ಬಾರಿಯೂ ಕಪ್ ಕಳೆದುಕೊಂಡಿತು. ಇದಾದ ಬಳಿಕ ಐಪಿಎಲ್‌ನಿಂದಲೂ ಕಾರ್ತಿಕ್ ನಿವೃತ್ತಿ ಘೋಷಿಸಿದರು.
2024ರ ಐಪಿಎಲ್‌ನಲ್ಲಿ ಕಾರ್ತಿಕ್ 187.35ರ ಸ್ಫೋಟಕ ಸ್ಟ್ರೈಕ್ ರೇಟ್‌ನೊಂದಿಗೆ 13 ಇನಿಂಗ್ಸ್‌ನಲ್ಲಿ 326 ರನ್ ಪೇರಿಸಿದ್ದರು.
ಇದನ್ನೂ ಓದಿ: ಸ್ವಾತಂತ್ರ್ಯ ದಿನವೇ ಕ್ರಿಕೆಟ್ ಲೋಕಕ್ಕೆ ಅಚ್ಚರಿ ಮೂಡಿಸಿದ್ದ ಬೆಸ್ಟ್‌ ಫ್ರೆಂಡ್ಸ್ ಧೋನಿ-ರೈನಾ! - Dhoni Raina
