ನೀವು ಕ್ರಿಕೆಟ್​ನಿಂದ ನಿವೃತ್ತಿ ತೆಗೆದುಕೊಳ್ಳಿ: ಟೀಂ ಇಂಡಿಯಾದ ಸ್ಟಾರ್​ ಆಟಗಾರರ ವಿರುದ್ಧ ಅಭಿಮಾನಿಗಳು ಕೆಂಡಾಮಂಡಲ!

ಆಸ್ಟ್ರೇಲಿಯಾ ವಿರುದ್ಧ ನಡೆದ ಎರಡನೇ ಟೆಸ್ಟ್​ನಲ್ಲಿ ಭಾರತದ ಸ್ಟಾರ್​ ಆಗಟಾರರು ಕಳಪೆ ಪ್ರದರ್ಶನ ತೋರಿದ್ದಕ್ಕೆ ಅಭಿಮಾನಿಳು ಆಕ್ರೋಶ ಹೊರಹಾಕಿದ್ದಾರೆ.

ಹೈದರಾಬಾದ್: ಭಾರತ ಮತ್ತು ಆಸ್ಟ್ರೇಲಿಯಾ ಮಧ್ಯೆ ಬಾರ್ಡರ್​-ಗವಾಸ್ಕರ್​ ಟ್ರೋಫಿ ಟೆಸ್ಟ್​ ಸರಣಿ ನಡೆಯುತ್ತಿದೆ. ಮೊದಲ ಪಂದ್ಯದಲ್ಲಿ ಗೆಲುವು ಸಾಧಿಸಿದ್ದ ಟೀಂ ಇಂಡಿಯಾ ಎರಡನೇ ಟೆಸ್ಟ್​ನಲ್ಲಿ ಹೀನಾಯವಾಗಿ ಸೋಲನುಭವಿಸಿತು. ಇದರ ಬೆನ್ನಲ್ಲೇ ಅಭಿಮಾನಿಗಳು ಸ್ಟಾರ್​ ಕ್ರಿಕೆಟರ್​ಗಳ ವಿರುದ್ಧ ಆಕ್ರೋಶ ಹೊರಹಾಕಿ 'ಟೆಸ್ಟ್​ಗೆ ನಿವೃತ್ತಿ ಘೋಷಿಸಿ' ಎಂದು ಆಗ್ರಹಿಸಿದ್ದಾರೆ.

ಅಡಿಲೇಡ್​ನಲ್ಲಿ ನಡೆದ ಎರಡನೇ ಟೆಸ್ಟ್​ನಲ್ಲಿ ಕಾಂಗರೂ ಪಡೆ ಪಾರಮ್ಯ ಸಾಧಿಸಿತು. ಮೊದಲ ಇನ್ನಿಂಗ್ಸ್‌ನಲ್ಲಿ 180 ರನ್​ಗಳಿಗೆ ಸರ್ವಪತನ ಕಂಡಿದ್ದ ಭಾರತ 157 ರನ್‌ಗಳ ಹಿನ್ನಡೆಯೊಂದಿಗೆ ಎರಡನೇ ಇನ್ನಿಂಗ್ಸ್‌ ಆರಂಭಿಸಿತು. ಇದರಲ್ಲೂ ಭಾರತೀಯ ಬ್ಯಾಟರ್​ಗಳು ರನ್​ ಗಳಿಸುವಲ್ಲಿ ವಿಫಲರಾದರು. ಇದರಿಂದಾಗಿ ಭಾರತ ಎರಡನೇ ಇನ್ನಿಂಗ್ಸ್​ನಲ್ಲಿ ಕೇವಲ 175ರನ್ ಗಳಿಸಲಷ್ಟೇ ಶಕ್ತವಾಯಿತು. ಆಸ್ಟ್ರೇಲಿಯಾಗೆ 19ರನ್‌ಗಳ ಗುರಿಯನ್ನು ನೀಡಿತು. ಈ ಗುರಿಯನ್ನು ಆತಿಥೇಯ ತಂಡ ಸುಲಭವಾಗಿ ಸಾಧಿಸಿ 10 ವಿಕೆಟ್‌ಗಳಿಂದ ಗೆಲುವು ಸಾಧಿಸಿತು. ಇದರೊಂದಿಗೆ ಬಾರ್ಡರ್-ಗವಾಸ್ಕರ್ ಟ್ರೋಫಿಯಲ್ಲಿ 1-1 ಅಂತರದಿಂದ ಕಾಂಗರೂ ಪಡೆ ಸಮಬಲ ಸಾಧಿಸಿತು.

What are the chances of Rohit stepping down if India ends up losing the 3rd Test at Gabba?

— arfan (@Im__Arfan) December 7, 2024

ಈ ಪಂದ್ಯದಲ್ಲಿ ಹಿರಿಯ ಆಟಗಾರರಾದ ಕೊಹ್ಲಿ ಮತ್ತು ರೋಹಿತ್​ ಶರ್ಮಾ ಅವರ ಮೇಲೆ ಅಭಿಮಾನಿಗಳು ಹೆಚ್ಚಿನ ನಿರೀಕ್ಷೆ ಇಟ್ಟುಕೊಂಡಿದ್ದರು. ಆದರೆ ಈ ಎಲ್ಲಾ ನಿರೀಕ್ಷೆಗಳು ಹುಸಿಯಾದವು. ಇದರ ಬೆನ್ನಲ್ಲೇ ಅಭಿಮಾನಿಗಳು ಆಕ್ರೋಶ ಹೊರಹಾಕಿದ್ದಾರೆ.

ಟೆಸ್ಟ್‌ನಲ್ಲಿ ಕಳಪೆ ಫಾರ್ಮ್‌ನಲ್ಲಿರುವ ನಾಯಕ ರೋಹಿತ್ ಶರ್ಮಾ, ಅಂತಾರಾಷ್ಟ್ರೀಯ ಶತಕ ಬಾರಿಸಿ 10 ತಿಂಗಳು ಕಳೆದಿದೆ. ಕೊನೆಯ 12 ಟೆಸ್ಟ್ ಇನ್ನಿಂಗ್ಸ್‌ಗಳಲ್ಲಿ ರೋಹಿತ್ 11.83 ಸರಾಸರಿಯಲ್ಲಿ ಕೇವಲ 142 ರನ್ ಗಳಿಸಿದ್ದಾರೆ. ಎರಡನೇ ಟೆಸ್ಟ್​ನಲ್ಲಿ ಮಧ್ಯಮ ಕ್ರಮಾಂಕದಲ್ಲಿ ಬ್ಯಾಟ್ ಮಾಡಲು ಬಂದಿದ್ದ ರೋಹಿತ್ ಸಾಮಾನ್ಯ ಆಟಗಾರನಂತೆ ಕಾಣುತ್ತಿದ್ದರು. ಎರಡೂ ಇನ್ನಿಂಗ್ಸ್‌ಗಳಲ್ಲಿ ತಂಡ ಸಂಕಷ್ಟದಲ್ಲಿರುವಾಗ ರೋಹಿತ್ ಬ್ಯಾಟಿಂಗ್‌ಗೆ ಬಂದರು. ಆದರೆ, ಕ್ರೀಸ್​ನಲ್ಲಿ ನಿಂತು ತಂಡಕ್ಕೆ ಆಸರೆಯಾಗುವ ಆಸೆ ಅವರಿಗಿರಲಿಲ್ಲ. ಅಲ್ಲದೇ ಅವರು ಆರನೇ ಕ್ರಮಾಂಕದಲ್ಲಿ ಬ್ಯಾಟ್ ಮಾಡುವುದು ತಪ್ಪು ನಿರ್ಧಾರ ಎಂದು ಮಾಜಿ ಆಟಗಾರರು ಹೇಳಿದ್ದಾರೆ.

Dear Rohit Sharma

You have played test cricket for years now, but now you are beyond finished, it's time to give it to the deserving youngsters like Rajat Patidar, Rituraj Gaikwad etc. Please Retire & Free that 1 spot. My respect will be doubled up after your retirement ❤️ pic.twitter.com/tiUFOu72VC

— Gaurav (@tfgaurav_12) December 7, 2024

ಮೊದಲ ಪಂದ್ಯದಲ್ಲಿ ಸೆಂಚುರಿ ಸಿಡಿಸಿದ್ದ ಕೊಹ್ಲಿ ಕೂಡ ಎರಡನೇ ಪಂದ್ಯದಲ್ಲಿ ತಂಡದ ಕೈಹಿಡಿಯಲಿಲ್ಲ. ಹಿರಿಯ ಆಟಗಾರರಾದ ಈ ಇಬ್ಬರೇ ತಂಡದಲ್ಲಿ ಉತ್ತಮ ಪ್ರದರ್ಶನ ತೋರದಿದ್ದರೇ ಯುವ ಆಟಗಾರರಾರಿಗೆ ಮಾರ್ಗದರ್ಶನ ನೀಡುವವರಾರು ಎಂದು ಅಭಿಮಾನಿಗಳು ಪ್ರಶ್ನಿಸುತ್ತಿದ್ದಾರೆ. ಎರಡನೇ ಪಂದ್ಯದ ಕೊಹ್ಲಿ ಬರೀ 18 ರನ್​ ಬಾರಿಸಿದರೇ, ರೋಹಿತ್​ ಶರ್ಮಾ 9 ರನ್​ ಕಲೆಹಾಕಿದ್ದಾರೆ. ಇದಲ್ಲದೇ ಸತತ ನಾಲ್ಕು ಟೆಸ್ಟ್‌ ಪಂದ್ಯಗಳನ್ನು ಸೋತ ನಾಯಕನಾಗಿ ಅತ್ಯಂತ ಕೆಟ್ಟ ದಾಖಲೆ ಬರೆದಿದ್ದಾರೆ. ಈ ಅನುಕ್ರಮದಲ್ಲಿ, ಅವರು ನಾಲ್ಕು ಟೆಸ್ಟ್‌ಗಳಲ್ಲಿ ಸೋತ ಭಾರತದ ನಾಯಕರಾಗಿ ವಿರಾಟ್, ಧೋನಿ, ದತ್ತಾ ಗಾಯಕ್ವಾಡ್, ಸಚಿನ್ ಮತ್ತು ಪಟೌಡಿಯ ಅವರ ಪಟ್ಟಿಯಲ್ಲಿ ಸೇರ್ಪಡೆಗೊಂಡಿದ್ದಾರೆ.

Rohit Sharma in Last 12 Test Innings

Runs : 142
Average : 12

retire asap if you have any shame left @ImRo45 pic.twitter.com/AmK7l61jO4

— Kevin (@imkevin149) December 7, 2024

ಇದನ್ನೂ ಓದಿ: 2ನೇ ಟೆಸ್ಟ್​ ಸೋತ ಭಾರತಕ್ಕೆ ಬಿಗ್​ ಶಾಕ್​: ಅಗ್ರಸ್ಥಾನದಿಂದ ಕುಸಿದ ರೋಹಿತ್​ ಪಡೆ; WTC ಫೈನಲ್​ ರೇಸ್​ನಿಂದ ಔಟ್?

ಈ ಹಿಂದೆ ವಿರಾಟ್​ ಕೊಹ್ಲಿಯನ್ನು ಯಾವುದೇ ಬೌಲರ್​ಗಳು ಸ್ಲೆಡ್ಜ್ ಮಾಡಲು ನಡುಗುತ್ತಿದ್ದರು. ಇಂತಹ ಕೊಹ್ಲಿ ನಾಲ್ಕು ವರ್ಷಗಳಿಂದ ಟೆಸ್ಟ್​ನಲ್ಲಿ ಫಾರ್ಮ್ ಕೊರತೆಯಿಂದ ಪರದಾಡುತ್ತಿದ್ದಾರೆ. 2020ರ ಆರಂಭದಿಂದಲೂ ಟೆಸ್ಟ್‌ನಲ್ಲಿ ಕೊಹ್ಲಿ ಪ್ರದರ್ಶನ ಕುಸಿಯುತ್ತಿದೆ. 36 ಪಂದ್ಯಗಳಲ್ಲಿ ಅವರು 32.14 ಸರಾಸರಿಯಲ್ಲಿ 1961 ರನ್ ಗಳಿಸಿದ್ದಾರೆ. ಇದರಲ್ಲಿ ಕೇವಲ ಮೂರು ಶತಕಗಳು ಮಾತ್ರ ಸೇರಿವೆ. ಆಸೀಸ್ ಸರಣಿಯ ಮೊದಲ ಟೆಸ್ಟ್​ನ ಎರಡನೇ ಇನ್ನಿಂಗ್ಸ್​ನಲ್ಲಿ ಶತಕ ಸಿಡಿಸಿದ ವಿರಾಟ್ ಮತ್ತೆ ಲಯಕ್ಕೆ ಮರಳಿದಂತೆ ಕಾಣಿಸಿಕೊಂಡಿದ್ದರು.

ಆದರೆ, ಎರಡನೇ ಪರೀಕ್ಷೆಯಲ್ಲಿ ಮತ್ತೆ ಅದೇ ಹಳೇ ಕತೆ ಮುಂದುವರೆದಿದೆ. ಎರಡು ಇನ್ನಿಂಗ್ಸ್​ಗಳಲ್ಲಿ ಕ್ರಮವಾಗಿ 7 ಮತ್ತು 11 ರನ್​ಗಳಿಗೆ ಪೆವಿಲಿಯನ್ ಸೇರಿ ಟೀಕೆಗೆ ಗುರಿಯಾಗಿದ್ದಾರೆ. ಆಫ್‌ಸ್ಟಂಪ್‌ನ ಆಚೆಗೆ ಬೀಳುವ ಚೆಂಡುಗಳಿಂದ ಕೊಹ್ಲಿ ಔಟಾಗಿದ್ದಾರೆ. ಕೊಹ್ಲಿಯಂತಹ ಆಟಗಾರ ಪದೇ ಪದೇ ಒಂದೇ ರೀತಿ ಎರಡು ಬಾರಿ ಔಟಾಗುವುದು ಸ್ವೀಕಾರಾರ್ಹವಲ್ಲ ಎಂಬ ಮಾತುಗಳು ಕೇಳಿಬಂದಿವೆ.

ಇದನ್ನೂ ಓದಿ: ಒಂದೇ ದಿನ ಟೆಸ್ಟ್​, U-19 ಏಷ್ಯಾಕಪ್​ ಫೈನಲ್​, ಏಕದಿನ ಸರಣಿ ಸೇರಿ 3 ಪಂದ್ಯ ಸೋತ ಭಾರತ!