ಚೆನ್ನೈ (ತಮಿಳುನಾಡು) : ಇಲ್ಲಿನ ಚಿದಂಬರಂ ಕ್ರೀಡಾಂಗಣದಲ್ಲಿ ಭರ್ಜರಿ ಬ್ಯಾಟಿಂಗ್ ಮಾಡಿದ ಚೆನ್ನೈ ಸೂಪರ್ ಕಿಂಗ್ಸ್ ಬ್ಯಾಟರ್ಗಳು ಗುಜರಾತ್ ಟೈಟಾನ್ಸ್ ತಂಡಕ್ಕೆ 207 ರನ್ಗಳ ಬೃಹತ್ ಟಾರ್ಗೆಟ್ ನೀಡಿದ್ದಾರೆ. ಮಾಧ್ಯಮ ಕ್ರಮಾಂಕದಲ್ಲಿ ಅಬ್ಬರದ ಆಟವಾಡಿದ ಶಿವಂ ದುಬೆ ಅರ್ಧಶತಕದ ಬಲದಿಂದ ಸಿಎಸ್ಕೆ 206 ರನ್ಗಳನ್ನು ಪೇರಿಸಲು ಸಾಧ್ಯವಾಯಿತು.
ಗುಜರಾತ್ ವಿರುದ್ದ ಟಾಸ್ ಸೋತು ಸಿಎಸ್ಕೆ ನಾಯಕ ಋತುರಾಜ್ ಗಾಯಕ್ವಾಡ್ ಮತ್ತು ರಚಿನ್ ರವೀಂದ್ರ ಬ್ಯಾಟಿಂಗ್ ಆರಂಭಿಸಿದರು. ಮೊದಲ ಪಂದ್ಯದಲ್ಲಿ ಆರ್ಸಿಬಿ ಎದುರು ತೋರಿದ ಪರಕ್ರಮ ಬ್ಯಾಟಿಂಗ್ ಶೈಲಿಯನ್ನು ಮುಂದುವರೆಸಿದ ಈ ಜೋಡಿ 62 ಜೊತೆಯಾಟವಾಡಿತು. ಈ ಮೂಲಕ ಪವರ್ ಫ್ಲೇನಲ್ಲಿ ಸಿಎಸ್ಕೆ ಮುನ್ನಡೆ ಸಾಧಿಸಿತು. ರಚಿನ್ ರವೀಂದ್ರ ಕೇವಲ 20 ಚೆಂಡುಗಳಲ್ಲಿ ಆರು ಬೌಂಡರಿ ಮತ್ತು 3 ಸಿಕ್ಸರ್ ಸಿಡಿಸಿ ಮಿಂಚಿದರು. ನಾಯಕನ ಆಟವಾಡಿದ ಋತುರಾಜ್ ಗಾಯಕ್ವಾಡ್ ಕೂಡ 36 ಚೆಂಡುಗಳಲ್ಲಿ 46 ರನ್ಗಳನ್ನು ಗಳಿಸಿದರು. ತಂಡದ ಮೊತ್ತ 62 ರನ್ ಇರುವಾಗ ರಚಿನ್ ವಿಕೆಟ್ ಕೆಳದುಕೊಂಡರೆ, 104 ರನ್ಗೆ ಎರಡನೇ ವಿಕೆಟ್ ಆಗಿ ಗಾಯಕ್ವಾಡ್ ಔಟ್ ಆದರು.
ನಂತರ ಬಂದ ಅನುಭವಿ ಬ್ಯಾಟರ್ ಅಜಿಂಕ್ಯ ರಹಾನೆ ಹೇಳಿಕೊಳ್ಳವಂತ ಪ್ರದರ್ಶನವನ್ನು ನೀಡಿಲಿಲ್ಲ. 12 ರನ್ ಗಳಿಸಿ ಔಟ್ ಆಗುವ ಮೂಲಕ ಪೆವಿಲಿಯನ್ ಕಡೆ ಹೆಜ್ಜೆ ಹಾಕಿದರು. ಈ ಹಂತದಲ್ಲೂ ಸಿಎಸ್ಕೆ ಬ್ಯಾಟರ್ಗಳನ್ನು ತವರಿನಲ್ಲಿ ತಮ್ಮ ಪ್ರಾಬಲ್ಯವನ್ನು ಕಳೆದುಕೊಳ್ಳಲ್ಲಿಲ್ಲ. ಸಿಡಿದೆದ್ದ ಯುವ ಆಲ್ ರೌಂಡರ್ ಶಿವಂ ದುಬೆ ಗುಜರಾತ್ ಬೌಲರ್ಸ್ಗಳನ್ನು ಮನ ಬಂದಂತೆ ದಂಡಿಸಿದರು. ಡೇರಿಲ್ ಮಿಚೆಲ್ ಜೊತೆಯಾದ ದುಬೆ ಮೈದಾನ ಮೂಲೆ ಮೂಲೆಗೂ ಚೆಂಡನ್ನು ಅಟ್ಟಿದರು. ಕೇವಲ 23 ಚೆಂಡುಗಳನ್ನು ಎದುರಿದ ಶಿವಂ ದುಬೆ 53 ರನ್ಗಳನ್ನು ಗಳಿಸಿ ಕ್ಯಾಚ್ ಕೊಟ್ಟು ಕ್ರೀಸ್ನಿಂದ ನಿರ್ಗಮಿಸಿದರು.
ಕೊನೆಯ ಡೆತ್ ಐದರು ಓವರ್ಗಳಲ್ಲಿ ಸಿಎಸ್ಕೆ ಮೂರು ವಿಕೆಟ್ ಕಳೆದುಕೊಂಡರೂ ರನ್ ವೇಗವನ್ನು ಕಡಿಮೆ ಮಾಡಲಿಲ್ಲ. ಸಮೀರ್ ರಿಜ್ವಿ (14) ಎರಡು ಸಿಕ್ಸರ್ ಹೊಡೆದು ಔಟ್ ಆದರು. ಬಳಿಕ ರವೀಂದ್ರ ಜಡೇಜಾ (7) ಸಹಾ ಒಂದು ಬೌಂಡರಿ ಗಳಿಸಿ ರನ್ ಔಟ್ಗೆ ಬಲಿಯಾದರು. ಡೇರಿಲ್ ಮಿಚೆಲ್ ಮಾತ್ರ ತಾಳ್ಮೆಯುಕ್ತ ಆಟವಾಡುವ ಮೂಲಕ ಉಳಿದ ಬ್ಯಾಟರ್ಗಳಿಗೆ ದೊಡ್ಡ ಹೊಡೆತ ಹೊಡೆಯುವುದಕ್ಕೆ ಸಾಥ್ ನೀಡಿದರು. ಹೀಗಾಗಿ ಮಿಚೆಲ್ 24 ರನ್ ಬಾರಿಸುವ ಮೂಲಕ ಅಜೇಯರಾಗಿ ಉಳಿದರು.
ನಿಗದಿತ 20 ಓವರ್ಗಳಲ್ಲಿ ಗುಜರಾತ್ ವಿರುದ್ಧ ಸಿಎಸ್ಕೆ 6 ವಿಕೆಟ್ ನಷ್ಟಕ್ಕೆ 206 ರನ್ಗಳನ್ನು ಗಳಿಸಲು ಸಾಧ್ಯವಾಯಿತು. ಗುಜರಾತ್ ಪರ ರಶೀದ್ ಖಾನ್ 2 ವಿಕೆಟ್ ಉರಳಿಸಿದರೆ, ರವಿ ಶ್ರೀನಿವಾಸನ್ ಸಾಯಿ ಕಿಶೋರ್, ಮೋಹಿತ್ ಶರ್ಮಾ ಮತ್ತು ಸ್ಪೆನ್ಸರ್ ಜಾನ್ಸನ್ ರಲಾ ಒಂದು ವಿಕೆಟ್ ಪಡೆದರು.
ತಂಡಗಳು, ಚೆನ್ನೈ ಸೂಪರ್ ಕಿಂಗ್ಸ್: ಋತುರಾಜ್ ಗಾಯಕ್ವಾಡ್ (ನಾಯಕ), ರಚಿನ್ ರವೀಂದ್ರ, ಅಜಿಂಕ್ಯ ರಹಾನೆ, ಡೇರಿಲ್ ಮಿಚೆಲ್, ಶಿವಂ ದುಬೆ, ರವೀಂದ್ರ ಜಡೇಜಾ, ಸಮೀರ್ ರಿಜ್ವಿ, ಎಂಎಸ್ ಧೋನಿ, ದೀಪಕ್ ಚಹರ್, ತುಷಾರ್ ದೇಶಪಾಂಡೆ, ಮುಸ್ತಾಫಿಜುರ್ ರೆಹಮಾನ್.
ಗುಜರಾತ್ ಟೈಟಾನ್ಸ್: ವೃದ್ಧಿಮಾನ್ ಸಹಾ, ಶುಭಮನ್ ಗಿಲ್(ನಾಯಕ), ಅಜ್ಮತುಲ್ಲಾ ಒಮರ್ಜಾಯ್, ಡೇವಿಡ್ ಮಿಲ್ಲರ್, ವಿಜಯ್ ಶಂಕರ್, ರಾಹುಲ್ ತೆವಾಟಿಯಾ, ರಶೀದ್ ಖಾನ್, ರವಿಶ್ರೀನಿವಾಸನ್ ಸಾಯಿ ಕಿಶೋರ್, ಉಮೇಶ್ ಯಾದವ್, ಮೋಹಿತ್ ಶರ್ಮಾ, ಸ್ಪೆನ್ಸರ್ ಜಾನ್ಸನ್.
ಇದನ್ನೂ ಓದಿ : ಫಿನಿಶರ್ ಪಾತ್ರಕ್ಕೆ ಸಿದ್ಧವಾಗಿರಲು ಆರ್ಸಿಬಿ ಮ್ಯಾನೇಜ್‌ಮೆಂಟ್ ನನಗೆ ಹೇಳಿತ್ತು: ಮಹಿಪಾಲ್ ಲೊಮ್ರೋರ್ - Mahipal Lomror
