ಬಾಂಗ್ಲಾ, ಇಂಗ್ಲೆಂಡ್ ವಿರುದ್ಧದ ಪಂದ್ಯಗಳಲ್ಲಿ ಬದಲಾವಣೆ: ಹೋಸ ವೇಳಾಪಟ್ಟಿ ಹೀಗಿದೆ - BCCI Release Revised Schedule

ಭಾರತವು 2024-25ನೇ ಅಂತಾರಾಷ್ಟ್ರೀಯ ದೇಶೀಯ ಸೀಸನ್​ನಲ್ಲಿ ಬಾಂಗ್ಲಾದೇಶ, ನ್ಯೂಜಿಲೆಂಡ್ ಮತ್ತು ಇಂಗ್ಲೆಂಡ್‌ಗೆ ಆತಿಥ್ಯ ವಹಿಸಲಿದೆ. ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯು ದೇಶೀಯ ಋತುವಿನ ಪರಿಷ್ಕೃತ ವೇಳಾಪಟ್ಟಿ ಬಿಡುಗಡೆ ಮಾಡಿದೆ.

ನವದೆಹಲಿ: ಮುಂಬರುವ 2024-25ರ ದೇಶೀಯ ಸೀಸನ್‌ಗಾಗಿ ಟೀಂ ಇಂಡಿಯಾದ ವೇಳಾಪಟ್ಟಿಯಲ್ಲಿ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಮಂಗಳವಾರ ಬದಲಾವಣೆ ಮಾಡಿದೆ. ಭಾರತ ಕ್ರಿಕೆಟ್ ತಂಡ ಸೆಪ್ಟೆಂಬರ್ 19ರಿಂದ ಬಾಂಗ್ಲಾದೇಶ ವಿರುದ್ಧ ಟೆಸ್ಟ್, ಏಕದಿನ ಮತ್ತು ಟಿ20 ಪಂದ್ಯಗಳನ್ನು ಆಡಲಿದೆ. ಇದಾದ ಬಳಿಕ ಇಂಗ್ಲೆಂಡ್ ವಿರುದ್ಧವೂ ಸರಣಿ ಆಡಲಿದೆ. ಬಿಸಿಸಿಐ ತನ್ನ ತವರು ಮೈದಾನದಲ್ಲಿ ನಡೆಯಲಿರುವ ಪಂದ್ಯಗಳ ವೇಳಾಪಟ್ಟಿಯಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಿ ಹೊಸ ಪಟ್ಟಿ ಬಿಡುಗಡೆಗೊಳಿಸಿದೆ.

🚨 NEWS 🚨

BCCI issues revised schedule for international home season (2024-25).

All the details 🔽 #TeamIndia https://t.co/q67n4o7pfF

— BCCI (@BCCI) August 13, 2024

ಭಾರತ-ಬಾಂಗ್ಲಾ ಸರಣಿ: ಬಾಂಗ್ಲಾದೇಶ ನಡುವಿನ ಮೊದಲ ಟಿ20 ಪಂದ್ಯವು ಆರಂಭದಲ್ಲಿ 6 ಅಕ್ಟೋಬರ್ 2024ರಂದು ಧರ್ಮಶಾಲಾದಲ್ಲಿ ನಡೆಯಬೇಕಿತ್ತು. ಹಿಮಾಚಲ ಪ್ರದೇಶ ಕ್ರಿಕೆಟ್ ಅಸೋಸಿಯೇಷನ್‌ನ ಡ್ರೆಸ್ಸಿಂಗ್ ರೂಮ್ ಕಾಮಗಾರಿ ಕಾರಣ ಈಗ ಗ್ವಾಲಿಯರ್‌ನಲ್ಲಿ ನಡೆಯಲಿದೆ. ಈ ಪಂದ್ಯ ನಗರದ ಹೊಸ ಕ್ರೀಡಾಂಗಣವಾದ ಶ್ರೀಮಂತ್ ಮಾಧವರಾವ್ ಸಿಂಧಿಯಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯಲಿದೆ. ಇದು 2010ರ ನಂತರ ಈ ಕ್ರೀಡಾಂಗಣದ ಮೊದಲ ಅಂತಾರಾಷ್ಟ್ರೀಯ ಪಂದ್ಯವಾಗಿದೆ. 2010ರಲ್ಲಿ ಭಾರತ-ದಕ್ಷಿಣ ಆಫ್ರಿಕಾ ನಡುವಿನ ಐತಿಹಾಸಿಕ ಏಕದಿನ ಪಂದ್ಯದಲ್ಲಿ ಸಚಿನ್ ತೆಂಡೂಲ್ಕರ್ ಈ ಮೈದಾನದಲ್ಲಿ ಮೊದಲ ದ್ವಿಶತಕ ಸಿಡಿಸಿದ್ದರು.

ಇಂಗ್ಲೆಂಡ್ ವಿರುದ್ಧದ ಟಿ20ಯಲ್ಲಿ ಬದಲಾವಣೆ: ಇಂಗ್ಲೆಂಡ್ ವಿರುದ್ಧದ ಮೊದಲ ಮತ್ತು ಎರಡನೇ ಟಿ 20ಗಳ ಸ್ಥಳಗಳನ್ನು ವಿನಿಮಯ ಮಾಡಿಕೊಳ್ಳುವುದಾಗಿ ಮಂಡಳಿಯು ಪ್ರಕಟಿಸಿದೆ. ಮೊದಲಿಗೆ ಮೊದಲ ಟಿ20ಐಗೆ ಆತಿಥ್ಯ ವಹಿಸಬೇಕಿದ್ದ ಚೆನ್ನೈ ಇದೀಗ ಎರಡನೇ ಟಿ20ಐಗೆ ಆತಿಥ್ಯ ವಹಿಸಲಿದ್ದು, ಈ ಹಿಂದೆ ಘೋಷಿಸಿದಂತೆ ಎರಡನೇ ಟಿ20ಐ ಬದಲಿಗೆ ಕೋಲ್ಕತ್ತಾದ ಈಡನ್ ಗಾರ್ಡನ್ಸ್ ಮೊದಲ ಪಂದ್ಯವನ್ನು ಆಯೋಜಿಸಲಿದೆ. ಜನವರಿ 22ರಂದು ಮೊದಲ ಟಿ20 ಮತ್ತು ಜನವರಿ 25ರಂದು ಎರಡನೇ ಟಿ20 ದಿನಾಂಕಗಳು ಒಂದೇ ಆಗಿರುತ್ತವೆ ಎಂದು ಬಿಸಿಸಿಐ ತಿಳಿಸಿದೆ.

ಭಾರತ ಮತ್ತು ಬಾಂಗ್ಲಾದೇಶ ಸರಣಿಯ ನೂತನ ವೇಳಾಪಟ್ಟಿ..

ಸಂಖ್ಯೆ	ದಿನಾಂಕ	ಪಂದ್ಯ	ಫಾರ್ಮೆಟ್​	ಸಮಯ	ಸ್ಥಳ
1	ಸೆಪ್ಟೆಂಬರ್ 19 ರಿಂದ 23 ರವರೆಗೆ	ಭಾರತ vs ಬಾಂಗ್ಲಾದೇಶ	ಟೆಸ್ಟ್	9.30 ಬೆಳಗ್ಗೆ	ಚಿದಂಬರಂ ಸ್ಟೇಡಿಯಂ, ಚೆನ್ನೈ
2	ಸೆ. 27 ರಿಂದ ಅಕ್ಟೋಬರ್ 01 ರವರೆಗೆ	ಭಾರತ vs ಬಾಂಗ್ಲಾದೇಶ	ಟೆಸ್ಟ್	9.30 ಬೆಳಗ್ಗೆ	ಗ್ರೀನ್ ಪಾರ್ಕ್, ಕಾನ್ಪುರ
3	ಅಕ್ಟೋಬರ್ 06	ಭಾರತ vs ಬಾಂಗ್ಲಾದೇಶ	ಟಿ20	ಸಂಜೆ 7.30ಕ್ಕೆ	ಶ್ರೀಮಂತ್ ಮಾಧವರಾವ್ ಸಿಂಧಿಯಾ ಕ್ರಿಕೆಟ್ ಸ್ಟೇಡಿಯಂ, ಗ್ವಾಲಿಯರ್‌
4	ಅಕ್ಟೋಬರ್ 09	ಭಾರತ vs ಬಾಂಗ್ಲಾದೇಶ	ಟಿ20	ಸಂಜೆ 7.30ಕ್ಕೆ	ಅರುಣ್ ಜೇಟ್ಲಿ ಸ್ಟೇಡಿಯಂ, ದೆಹಲಿ
5	ಅಕ್ಟೋಬರ್ 12	ಭಾರತ vs ಬಾಂಗ್ಲಾದೇಶ	ಟಿ20	ಸಂಜೆ 7.30ಕ್ಕೆ	ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ ಕ್ರೀಡಾಂಗಣ, ಹೈದರಾಬಾದ್

ಭಾರತ ಮತ್ತು ಇಂಗ್ಲೆಂಡ್​ ಸರಣಿ ನೂತನ ವೇಳಾಪಟ್ಟಿ..

ದಿನಾಂಕ	ಪಂದ್ಯ	ಸಮಯ	ಫಾರ್ಮೆಟ್​	ಸ್ಥಳ
22 ಜನವರಿ	ಭಾರತ vs ಇಂಗ್ಲೆಂಡ್	ಸಂಜೆ 7ಕ್ಕೆ	ಟಿ20	ಕೋಲ್ಕತ್ತಾ
25 ಜನವರಿ	ಭಾರತ vs ಇಂಗ್ಲೆಂಡ್	ಸಂಜೆ 7ಕ್ಕೆ	ಟಿ20	ಚೆನ್ನೈ
28 ಜನವರಿ	ಭಾರತ vs ಇಂಗ್ಲೆಂಡ್	ಸಂಜೆ 7ಕ್ಕೆ	ಟಿ20	ರಾಜ್​ಕೋಟ್
31 ಜನವರಿ	ಭಾರತ vs ಇಂಗ್ಲೆಂಡ್	ಸಂಜೆ 7ಕ್ಕೆ	ಟಿ20	ಪುಣೆ
02 ಫೆಬ್ರವರಿ	ಭಾರತ vs ಇಂಗ್ಲೆಂಡ್	ಸಂಜೆ 7ಕ್ಕೆ	ಟಿ20	ಮುಂಬೈ
06 ಫೆಬ್ರವರಿ	ಭಾರತ vs ಇಂಗ್ಲೆಂಡ್	ಮಧ್ಯಾಹ್ನ 1:30ಕ್ಕೆ	ಏಕದಿನ	ನಾಗ್ಪುರ
09 ಫೆಬ್ರವರಿ	ಭಾರತ vs ಇಂಗ್ಲೆಂಡ್	ಮಧ್ಯಾಹ್ನ 1:30ಕ್ಕೆ	ಏಕದಿನ	ಕಟಕ್
12 ಫೆಬ್ರವರಿ	ಭಾರತ vs ಇಂಗ್ಲೆಂಡ್	ಮಧ್ಯಾಹ್ನ 1:30ಕ್ಕೆ	ಏಕದಿನ	ಅಹಮದಾಬಾದ್

ಇದನ್ನೂ ಓದಿ: ಬ್ರಿಟನ್ ಗಾಯಕಿ ಜೊತೆಗೆ ಹಾರ್ದಿಕ್ ಪಾಂಡ್ಯ ಡೇಟಿಂಗ್? ಇನ್‌ಸ್ಟಾ ಪೋಸ್ಟ್‌ಗಳು ಭಾರೀ ವೈರಲ್ - Hardik Pandya British Singer dating