ಟೆಸ್ಟ್​ನಲ್ಲಿ ಅಪರೂಪದ ದಾಖಲೆ ಬರೆದ ರಬಾಡ: ಈ ಸಾಧನೆ ಮಾಡಿದ ವಿಶ್ವದ ಮೊದಲ ಬೌಲರ್​!

ದಕ್ಷಿಣ ಆಫ್ರಿಕಾದ ವೇಗದ ಬೌಲರ್​ ಕಗಿಸೊ ರಬಾಡ ಟೆಸ್ಟ್​ ಕ್ರಿಕೆಟ್​ನಲ್ಲಿ ಅಪರೂಪದ ದಾಖಲೆ ಬರೆದಿದ್ದಾರೆ.

Kagiso Rabada 300 Wicket: ಬಾಂಗ್ಲಾದೇಶದ ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್​ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾದ ವೇಗದ ಬೌಲರ್​ ಕಗಿಸೊ ರಬಾಡ ಅಪರೂಪದ ಸಾಧನೆ ಮಾಡಿದರು. ಟೆಸ್ಟ್‌ ಸ್ವರೂಪದಲ್ಲಿ ಅತಿ ಕಡಿಮೆ ಎಸೆತಗಳಲ್ಲಿ 300 ವಿಕೆಟ್‌ ಪಡೆದ ವಿಶ್ವದ ಮೊದಲ ಬೌಲರ್ ಎಂಬ ದಾಖಲೆ ನಿರ್ಮಿಸಿದ್ದಾರೆ.

ಟೆಸ್ಟ್ ವೃತ್ತಿಜೀವನದಲ್ಲಿ ರಬಾಡ ಕೇವಲ 11,817 ಎಸೆತಗಳಲ್ಲಿ 300 ವಿಕೆಟ್ ಪಡೆದಿದ್ದಾರೆ. ಬಾಂಗ್ಲಾ ಬ್ಯಾಟರ್​ ಮುಶ್ಫಿಕರ್ ರಹೀಮ್ ಅವರ ವಿಕೆಟ್‌ ಪಡೆದು ಈ ಸಾಧನೆ ಮಾಡಿದರು. ಈ ಅನುಕ್ರಮದಲ್ಲಿ ಪಾಕಿಸ್ತಾನದ ವೇಗಿ ವಕಾರ್ ಯೂನಿಸ್ (12,602 ಎಸೆತ) ಅವರನ್ನು ಹಿಂದಿಕ್ಕಿದರು.

2015ರಲ್ಲಿ ಟೆಸ್ಟ್​ಗೆ ಪಾದಾರ್ಪಣೆ ಮಾಡಿದ್ದ ರಬಾಡ ಇದುವರೆಗೂ 65 ಪಂದ್ಯಗಳನ್ನು ಆಡಿದ್ದಾರೆ. ಇದರಲ್ಲಿ ಒಟ್ಟು 302 ವಿಕೆಟ್‌ಗ​ಳನ್ನು ಪಡೆದಿದ್ದು, ಬ್ಯಾಟಿಂಗ್​ನಲ್ಲಿ 932 ರನ್​ ಗಳಿಸಿದ್ದಾರೆ.

Kagiso Rabada gets his 300th test wicket! ⚡

Congratulations to Kagiso Rabada on reaching a monumental milestone, delivered at 13.5 overs in today’s Test against Bangladesh! 👏🏏🇿🇦

Your dedication to the craft and game-changing pace continues to inspire the nation.

Here’s to… pic.twitter.com/5b6IlTOfQ1

— Proteas Men (@ProteasMenCSA) October 21, 2024

ಸ್ಟ್ರೈಕ್ ರೇಟ್‌ನಲ್ಲೂ ಫಸ್ಟ್​: ರಬಾಡ ಎಲ್ಲ ಬೌಲರ್​ಗಳಿಗಿಂತ ಬ್ಯಾಟಿಂಗ್‌ನಲ್ಲಿ ಉತ್ತಮ ಸ್ಟ್ರೈಕ್ ರೇಟ್ ಹೊಂದಿದ್ದಾರೆ ಎಂಬುದು ಗಮನಾರ್ಹ. ಸದ್ಯ ಇವರ ಸ್ಟ್ರೈಕ್ ರೇಟ್ 39.3 ಆಗಿದೆ. ಈ ಅಂಕಿಅಂಶದಂತೆ ರಬಾಡ ಟೆಸ್ಟ್‌ನಲ್ಲಿ ಪ್ರತಿ 39 ಎಸೆತಗಳಿಗೆ ಒಂದು ವಿಕೆಟ್ ಪಡೆದಂತಾಗಿದೆ.

ಅಲೆನ್ ಡೊನಾಲ್ಡ್ ನಂತರ ವೇಗವಾಗಿ 300 ಟೆಸ್ಟ್ ವಿಕೆಟ್‌ಗಳನ್ನು ಪಡೆದ ಮೂರನೇ ದಕ್ಷಿಣ ಆಫ್ರಿಕಾದ ವೇಗಿ ಎಂಬ ಹಿರಿಮೆಯೂ ರಬಾಡ ಅವರದಾಗಿದೆ. ಈ ಪಟ್ಟಿಯಲ್​ ಡೇಲ್​ ಸ್ಟೇನ್​ ಅಗ್ರಸ್ಥಾನಿ. ಇವರು 61ನೇ ಟೆಸ್ಟ್‌ ಪಂದ್ಯದಲ್ಲಿ 300 ವಿಕೆಟ್​ ಪೂರ್ಣಗೊಳಿಸಿದ್ದರು. ನಂತರ 63 ಟೆಸ್ಟ್‌ನಲ್ಲಿ ಡೊನಾಲ್ಡ್ ಈ ಸಾಧನೆ ಮಾಡಿದ್ದರು. ಅಲ್ಲದೇ ಟೆಸ್ಟ್‌ನಲ್ಲಿ ಅತಿ ಹೆಚ್ಚು ವಿಕೆಟ್‌ಗಳನ್ನು ಪಡೆದ ದಕ್ಷಿಣ ಆಫ್ರಿಕಾದ ಆರನೇ ಬೌಲರ್ ಎಂಬ ಹೆಗ್ಗಳಿಕೆಗೂ ಪಾತ್ರರಾಗಿದ್ದಾರೆ. ಡೇಲ್ ಸ್ಟೇನ್ (439) ವಿಕೆಟ್‌ಗಳೊಂದಿಗೆ ಮೊದಲ ಸ್ಥಾನದಲ್ಲಿದ್ದಾರೆ.

ಕಡಿಮೆ ಎಸೆತಗಳಲ್ಲಿ 300 ವಿಕೆಟ್‌ ಪಡೆದ ಬೌಲರ್‌ಗಳು:

ಕಗಿಸೊ ರಬಾಡ (ದಕ್ಷಿಣ ಆಫ್ರಿಕಾ)- 11817 ಎಸೆತ

ವಕಾರ್ ಯೂನಿಸ್ (ಪಾಕಿಸ್ತಾನ)- 12602 ಎಸೆತ

ಡೇಲ್ ಸ್ಟೇನ್​ (ದಕ್ಷಿಣ ಆಫ್ರಿಕಾ)- 12605 ಎಸೆತ

ಅಲೆನ್ ಡೊನಾಲ್ಡ್ (ದಕ್ಷಿಣ ಆಫ್ರಿಕಾ)- 13672 ಎಸೆತ

ಅತಿ ಹೆಚ್ಚು ವಿಕೆಟ್ ಪಡೆದ ದಕ್ಷಿಣ ಆಫ್ರಿಕಾ ಆಟಗಾರರು:

ಡೇಲ್ ಸ್ಟೇನ್​ (93 ಪಂದ್ಯ)- 439 ವಿಕೆಟ್

ಶಾನ್ ಪೊಲಾಕ್ (108 ಪಂದ್ಯ)- 421 ವಿಕೆಟ್

ಮಖಯಾ ಎನ್ತಿನಿ (101 ಪಂದ್ಯ)- 390 ವಿಕೆಟ್‌

ಅಲನ್ ಡೊನಾಲ್ಡ್ (72 ಪಂದ್ಯ)- 330 ವಿಕೆಟ್

ಮೊರ್ನೆ ಮೊರ್ಕೆಲ್ (86 ಪಂದ್ಯ)- 309 ವಿಕೆಟ್

ಕಗಿಸೊ ರಬಾಡ (65 ಪಂದ್ಯ)- 302* ವಿಕೆಟ್

ಇದನ್ನೂ ಓದಿ: ಭಾರತ-ನ್ಯೂಜಿಲೆಂಡ್​ 2ನೇ ಟೆಸ್ಟ್​: ಭಾರತ ತಂಡದಿಂದ ಪಂತ್​ ಹೊರಗುಳಿಯುವ ಸಾಧ್ಯತೆ