Ind vs Pak: 19 ವರ್ಷದೊಳಗಿನವರ ಎಸಿಸಿ ಮಹಿಳಾ ಏಷ್ಯಾಕಪ್ 2024 ಇಂದಿನಿಂದ ಪ್ರಾರಂಭವಾಗಲಿದ್ದು, ಆತಿಥೇಯ ಮಲೇಷ್ಯಾ ತಂಡವು ಶ್ರೀಲಂಕಾದೊಂದಿಗೆ ಪಂದ್ಯಾವಳಿಯ ಆರಂಭಿಕ ಪಂದ್ಯವನ್ನು ಆಡಲಿದೆ.
ಎರಡನೇ ಪಂದ್ಯದಲ್ಲಿ ಭಾರತ ಮತ್ತು ಪಾಕಿಸ್ತಾನ ತಂಡಗಳು ಮುಖಾಮುಖಿಯಾಗಲಿವೆ. ಅಂಡರ್-19 ಮಹಿಳಾ ವಿಶ್ವಕಪ್ನಲ್ಲಿ ಭಾಗಿಯಾಗಿದ್ದ ಭಾರತ ಮಹಿಳಾ ತಂಡದ ಮೂವರು ಆಟಗಾರ್ತಿಯರು ಈ ಟೂರ್ನಿಗೆ ಆಯ್ಕೆಯಾಗಿದ್ದಾರೆ. ಭಾರತ ಮತ್ತು ಪಾಕಿಸ್ತಾನ ತಂಡಗಳು ಕೌಲಾಲಂಪುರದಲ್ಲಿ ಮುಖಾಮುಖಿಯಾಗಲಿವೆ.
ಪ್ರಥಮ ಬಾರಿಗೆ ನಡೆಯುತ್ತಿರುವ ಈ ಏಷ್ಯಾಕಪ್ ನಲ್ಲಿ ಒಟ್ಟು ಆರು ತಂಡಗಳು ಭಾಗವಹಿಸುತ್ತಿವೆ. ಭಾರತ, ಪಾಕಿಸ್ತಾನ, ನೇಪಾಳ, ಶ್ರೀಲಂಕಾ, ಬಾಂಗ್ಲಾದೇಶ ಮತ್ತು ಮಲೇಷ್ಯಾ ತಂಡಗಳು ಆಡುತ್ತಿದ್ದು ಎರಡು ಗುಂಪುಗಳಾಗಿ ವಿಂಗಡಿಸಲಾಗಿದೆ.
ಭಾರತ-ಪಾಕಿಸ್ತಾನ ಪಂದ್ಯ: ಅಂಡರ್-19 ಭಾರತ ಮತ್ತು ಪಾಕಿಸ್ತಾನ ತಂಡಗಳ ನಡುವಿನ ಪಂದ್ಯವು ಭಾರತೀಯ ಕಾಲಮಾನ ಪ್ರಕಾರ ಬೆಳಿಗ್ಗೆ 11.30ಕ್ಕೆ ಪ್ರಾರಂಭವಾಗಲಿದೆ.
ನೇರ ಪ್ರಸಾರ ಎಲ್ಲಿ: ಭಾರತದಲ್ಲಿ, ಈ ಪಂದ್ಯ ಟಿವಿ ಮತ್ತು ಡಿಜಿಟಲ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ನೇರಪ್ರಸಾರವಾಗಲಿದೆ. ಈ ಪಂದ್ಯದ ಲೈವ್ ಸ್ಟ್ರೀಮಿಂಗ್ ಸೋನಿ ಲಿವ್ ಅಪ್ಲಿಕೇಶನ್ ಮತ್ತು ವೆಬ್‌ಸೈಟ್‌ನಲ್ಲಿ ಲಭ್ಯವಿರುತ್ತದೆ. ಸೋನಿ ಸ್ಪೋರ್ಟ್ಸ್ ನೆಟ್‌ವರ್ಕ್ಸ್ ಟಿವಿ ಚಾನೆಲ್‌ನಲ್ಲಿ ನೇರ ಪ್ರಸಾರ ಮಾಡಲಾಗುತ್ತದೆ. ಅಂಡರ್ 19 ಮಹಿಳಾ ಏಷ್ಯಾಕಪ್ಅನ್ನು ಇದೇ ಮೊದಲ ಬಾರಿಗೆ ಆಯೋಜಿಸಲಾಗಿದೆ.
ಭಾರತ ತಂಡವನ್ನು ನಿಕ್ಕಿ ಪ್ರಸಾದ್ ಮುನ್ನಡೆಸಲಿದ್ದರೆ, ಸಾನಿಕಾ ಛಲ್ಕೆ ಉಪನಾಯಕಿ ಆಗಿದ್ದಾರೆ. ಪಾಕಿಸ್ತಾನ ತಂಡವನ್ನು ಜೋಫಿಶಾ ಅಯಾಜ್ ಮುನ್ನಡೆಸಲಿದ್ದು, ವಿಕೆಟ್ ಕೀಪರ್ ಬ್ಯಾಟ್ಸ್‌ಮನ್ ಕೋಮಲ್ ಖಾನ್ ಅವರಿಗೆ ಉಪನಾಯಕಿ ಆಗಿದ್ದಾರೆ.
ಸಂಭಾವ್ಯ ತಂಡಗಳು-ಭಾರತ: ನಿಕ್ಕಿ ಪ್ರಸಾದ್ (ನಾಯಕಿ), ಸಾನಿಕಾ ಚಲ್ಕೆ (ಉಪನಾಯಕಿ), ಜಿ ತ್ರಿಶಾ, ಕಮಲಿನಿ ಜಿ (ವಿಕೆಟ್ ಕೀಪರ್), ಈಶ್ವರಿ ಅವಸಾರೆ, ಮಿಥಿಲಾ ವಿನೋದ್, ಜೋಶಿತಾ ವಿಜೆ, ಆಯುಷಿ ಶುಕ್ಲಾ, ಆನಂದಿತಾ ಕಿಶೋರ್, ಎಂಡಿ ಶಬ್ನಮ್, ನಂದನಾ ಎಸ್.
ಪಾಕಿಸ್ತಾನ: ಜೊಫಿಶನ್ ಅಯಾಜ್ (ನಾಯಕಿ), ಕೋಮಲ್ ಖಾನ್ (ಉಪನಾಯಕಿ, ವಿಕೆಟ್ ಕೀಪರ್), ಹನಿಯಾ ಅಹ್ಮರ್, ರೋಜಿನಾ ಅಕ್ರಮ್, ಆರಿಶಾ ಅನ್ಸಾರಿ, ಮಹಮ್ ಅನೀಸ್, ಶಹರ್ ಬಾನೊ, ಫಾತಿಮಾ ಖಾನ್, ಅಲಿಸಾ ಮುಖ್ತಿಯಾರ್, ಕುರಾತುಲೈನ್, ಮಹ್ನೂರ್ ಝೆಬ್.
ಇದನ್ನೂ ಓದಿ: IPL 2025: ಈ ಮೂವರಲ್ಲಿ ಒಬ್ಬರು RCB ತಂಡದ ನಾಯಕರಾಗುವುದು ಫಿಕ್ಸ್?
