ಜೈಸ್ವಾಲ್, ರಾಹುಲ್​, ಜಡೇಜಾ ಅರ್ಧಶತಕ; 2ನೇ ದಿನದಾಟದ ಅಂತ್ಯಕ್ಕೆ ಭಾರತ 421/7

ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಯಶಸ್ವಿ ಜೈಸ್ವಾಲ್, ಕೆ.ಎಲ್​.ರಾಹುಲ್​ ಮತ್ತು ರವೀಂದ್ರ ಜಡೇಜಾ ಅವರ ಅರ್ಧಶತಕಗಳ ನೆರವಿನಿಂದ ಭಾರತ ತಂಡವು ಎರಡನೇ ದಿನದಾಟ ಅಂತ್ಯಕ್ಕೆ 7 ವಿಕೆಟ್​ ನಷ್ಟಕ್ಕೆ 421 ರನ್​ ಕಲೆ ಹಾಕಿದೆ.

ಹೈದರಾಬಾದ್​ (ತೆಲಂಗಾಣ): ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಭಾರತ ಮೇಲುಗೈ ಸಾಧಿಸಿದೆ. ಪಂದ್ಯದ ಮೊದಲ ದಿನ ಬೌಲರ್​ಗಳು ಪ್ರಾಬಲ್ಯ ಮೆರೆದಿದ್ದರೆ, ಎರಡನೇ ದಿನವಾದ ಇಂದು ಬ್ಯಾಟರ್​ಗಳು ಉತ್ತಮ ಪ್ರದರ್ಶನ ನೀಡಿದರು. ಇದರಿಂದ ಇಂದಿನ ದಿನದಾಟ ಅಂತ್ಯಕ್ಕೆ ಟೀಂ ಇಂಡಿಯಾ 7 ವಿಕೆಟ್​ ನಷ್ಟಕ್ಕೆ 421 ರನ್​ ಗಳಿಸಿ, 175 ರನ್​ಗಳ ಮುನ್ನಡೆ ಸಾಧಿಸಿದೆ.

• Stumps on Day 2 in Hyderabad! 🏟️#TeamIndia move to 421/7, lead by 175 runs 🙌
  
  See you tomorrow for Day 3 action 👋
  
  Scorecard ▶️ https://t.co/HGTxXf8b1E#INDvENG | @IDFCFIRSTBank pic.twitter.com/sul21QNVgh

  — BCCI (@BCCI) January 26, 2024 " class="align-text-top noRightClick twitterSection" data="

  Stumps on Day 2 in Hyderabad! 🏟️#TeamIndia move to 421/7, lead by 175 runs 🙌
  
  See you tomorrow for Day 3 action 👋
  
  Scorecard ▶️ https://t.co/HGTxXf8b1E#INDvENG | @IDFCFIRSTBank pic.twitter.com/sul21QNVgh

  — BCCI (@BCCI) January 26, 2024

  ">

  Stumps on Day 2 in Hyderabad! 🏟️#TeamIndia move to 421/7, lead by 175 runs 🙌
  
  See you tomorrow for Day 3 action 👋
  
  Scorecard ▶️ https://t.co/HGTxXf8b1E#INDvENG | @IDFCFIRSTBank pic.twitter.com/sul21QNVgh

  — BCCI (@BCCI) January 26, 2024

ಗುರುವಾರ ಟಾಸ್​ ಗೆದ್ದಿದ್ದ ಇಂಗ್ಲೆಂಡ್ ತಂಡ 246 ರನ್​ಗಳಿಗೆ ತನ್ನ ಮೊದಲ ಇನ್ನಿಂಗ್ಸ್​ ಮುಗಿಸಿತ್ತು. ಬಳಿಕ ತನ್ನ ಇನ್ನಿಂಗ್ಸ್​ ಶುರು ಮಾಡಿದ್ದ ರೋಹಿತ್​ ಪಡೆ ದಿನದ ಅಂತ್ಯಕ್ಕೆ 1 ವಿಕೆಟ್​ ಕಳೆದುಕೊಂಡು 119 ರನ್​ ಕಲೆ ಹಾಕಿತ್ತು. ನಾಯಕ ರೋಹಿತ್ (24) ದೊಡ್ಡ ಹೊಡೆತಕ್ಕೆ ಕೈ ಹಾಕಿ ವಿಕೆಟ್​ ಒಪ್ಪಿಸಿದ್ದರು. ಮತ್ತೊಂದೆಡೆ, ಯಶಸ್ವಿ ಜೈಸ್ವಾಲ್ 70 ಎಸೆತಗಳಲ್ಲಿ 76 ರನ್​ ಗಳಿಸಿ ಹಾಗೂ ಶುಭಮನ್​ ಗಿಲ್​ 14 ರನ್​ ಗಳಿಸಿ ಕ್ರೀಸ್​ ಕಾಯ್ದುಕೊಂಡಿದ್ದರು.

ಇಂದು ದಿನದಾಟ ಆರಂಭವಾದ ಸ್ವಲ್ಪ ಹೊತ್ತಿನಲ್ಲಿ ಜೈಸ್ವಾಲ್ (80) ನಿರ್ಗಮಿಸಿದರು. ಇದಾದ ಬಳಿಕ ಗಿಲ್​ (23) ಸಹ ಪೆವಿಲಿಯನ್​ ಸೇರಿದರು. ಇದರ ನಡುವೆ ಕೆ.ಎಲ್​.ರಾಹುಲ್​ ಮತ್ತು ಶ್ರೇಯಸ್ ಅಯ್ಯರ್ 64 ರನ್​ಗಳ ಜೊತೆಯಾಟ ನೀಡಿದರು. ಅಯ್ಯರ್ (35) ಔಟಾದ ಬಳಿಕ ಬಂದ ರವೀಂದ್ರ ಜಡೇಜಾ ಆಕರ್ಷಕ ಬ್ಯಾಟಿಂಗ್​ ಪ್ರದರ್ಶಿಸಿದರು. ಅಲ್ಲದೇ, ರಾಹುಲ್​ ಅವರಿಗೆ ಜಡೇಜಾ ಉತ್ತಮ ಸಾಥ್​ ನೀಡಿದರು. ಈ ಜೋಡಿ 5ನೇ ವಿಕೆಟ್​ಗೆ 74 ಬಾಲ್​ಗಳಲ್ಲೇ 65 ರನ್​ಗಳನ್ನು ಬಾರಿಸಿತು.

ಶತಕದತ್ತ ಮುನ್ನುಗ್ಗುತ್ತಿದ್ದ ರಾಹುಲ್​ 86 ರನ್​ ಗಳಿಸಿ ವಿಕೆಟ್​ ಒಪ್ಪಿಸಿದರು. ಆಗ ಜಡೇಜಾ ಜೊತೆಗೂಡಿದ ಶ್ರೀಕರ್ ಭರತ್ ಸಹ ಉತ್ತಮವಾಗಿ ರನ್​ ಕಲೆ ಹಾಕಿದರು. ಜಡೇಜಾ ಮತ್ತು ಭರತ್ 6ನೇ ವಿಕೆಟ್​ಗೆ 68 ರನ್​ ಪೇರಿಸಿದರು. ಭರತ್ 41 ರನ್​ಗೆ ವಿಕೆಟ್​ ನಿರ್ಮಿಸಿದರು. ಬಳಿಕ ರವಿಚಂದ್ರನ್​ ಅಶ್ವಿನ್​ (1) ರನೌಟ್​ಗೆ ಬಲಿಯಾದರು.

8ನೇ ವಿಕೆಟ್​ಗೆ ಜಡೇಜಾ ಅವರಿಗೆ ಅಕ್ಷರ್​ ಪಟೇಲ್​ ಜೊತೆಯಾಗಿದ್ದು, ಈ ಜೋಡಿ ಕೂಡ ಉತ್ತಮವಾಗಿ ರನ್​ ಪೇರಿಸುತ್ತಿದೆ. ಜಡೇಜಾ 81 ರನ್​ ಹಾಗೂ ಅಕ್ಷರ್​ 35 ರನ್​ ಗಳಿಸಿ ನಾಳೆಗೆ ಕ್ರೀಸ್​ ಕಾಯ್ದುಕೊಂಡಿದ್ದಾರೆ. ಇಂಗ್ಲೆಂಡ್​ ಪರ ಟಾಮ್ ಹಾರ್ಟ್ಲಿ, ಜೋ ರೂಟ್ ತಲಾ 2 ವಿಕೆಟ್​ ಮತ್ತು ಜ್ಯಾಕ್ ಲೀಚ್​ರೆಹಾನ್ ಅಹ್ಮದ್ ತಲಾ 1 ವಿಕೆಟ್​ ಪಡೆದಿದ್ದಾರೆ.

ಗಿಲ್ ಬಗ್ಗೆ ಗವಾಸ್ಕರ್ ಟೀಕೆ: ಈ ಪಂದ್ಯದಲ್ಲಿ ಯುವ ಬ್ಯಾಟರ್ ಶುಭ್‌ಮನ್ ಗಿಲ್ ವಿಕೆಟ್​ ಒಪ್ಪಿಸಿದ ರೀತಿ ಬಗ್ಗೆ ಹಿರಿಯ ಕ್ರಿಕೆಟಿಗ ಸುನಿಲ್ ಗವಾಸ್ಕರ್ ಟೀಕಿಸಿದ್ದಾರೆ. ಕಳಪೆ ಹೊಡೆತಕ್ಕೆ ಯತ್ನಿಸಿದ್ದನ್ನು ಪ್ರಶ್ನಿಸಿರುವ ಗವಾಸ್ಕರ್, ಗಿಲ್ ಯಾವ ರೀತಿಯ ಹೊಡೆತವನ್ನು ಆಡಲು ಬಯಸುತ್ತಿದ್ದರು?, ಅದು ಕೆಟ್ಟ ಆನ್-ಡ್ರೈವ್ ಆಗಿತ್ತು. ಎಲ್ಲ ಕಠಿಣ ಶ್ರಮದ ನಂತರವೂ ಅಂತಹ ಶಾಟ್​ಅನ್ನು ಗಿಲ್​ ಆಡಿದರು ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ: Ind vs Eng test: ಮೊದಲ ದಿನದಾಂತ್ಯಕ್ಕೆ ಇಂಗ್ಲೆಂಡ್​ 246 ರನ್​ಗಳಿಗೆ ಆಲೌಟ್​.. ಭಾರತ 119-1