ಬೋಳು ತಲೆಯವರಾಗಲಿ, ಕೂದಲನ್ನು ಹೊಂದಿದವರಾಗಲಿ ಚೆನ್ನಾಗಿ ಕಾಣಲು ಮತ್ತು ವಿಭಿನ್ನ ಹೇರ್ ಸ್ಟೈಲ್ ಪಡೆಯಲು ಪುರುಷರು ಮತ್ತು ಮಹಿಳೆಯರು ವಿಗ್ ಮೊರೆ ಹೋಗುತ್ತಾರೆ. ಅದರಲ್ಲೂ ವಿಗ್ ಅನೇಕ ಆಫ್ರಿಕನ್ ಮಹಿಳೆಯರಿಗೆ ಸೌಂದರ್ಯದ ಸಂಕೇತವಾಗಿದೆ. ನೈಸರ್ಗಿಕ ಕೂದಲಿಗೆ ವಿಶೇಷ ಕಾಳಜಿ ಮತ್ತು ಹೆಚ್ಚು ಗಮನ ನೀಡಬೇಕಾಗುತ್ತದೆ. ಅದು ಬೇರೆ ಕೂದಲು ಬೆಳೆಯುವುದಕ್ಕೆ ಬಹಳ ಸಮಯವೂ ತೆಗೆದುಕೊಳ್ಳಬಹುದು. ವಿಗ್ಗಳು ಸೇರಿದಂತೆ ಇತರೆ ಕೃತಕ ಕೂದಲು ವಿಸ್ತರಣೆಗಳು ಮಹಿಳೆಯರಿಗೆ ತಮ್ಮ ನೈಸರ್ಗಿಕ ಕೂದಲಿಗೆ ಪರ್ಯಾಯವನ್ನು ಒದಗಿಸುತ್ತವೆ. ಆದ್ರೆ ಈ ವಿಗ್ಗಳನ್ನು ಬಳಸುವುದರಿಂದ ಅಪಾಯ ಕಟ್ಟಿಟ್ಟ ಬುತ್ತಿಯಂತೆ. ಈ ಬಗ್ಗೆ ಅಧ್ಯಯನ ಹೇಳುವುದು ಹೀಗೆ..
ನೈಜೀರಿಯಾದಲ್ಲಿ ವಿಗ್ಗಳು ಯುವ ಮತ್ತು ವಯಸ್ಸಾದ ಮಹಿಳೆಯರಲ್ಲಿ ಬಹಳ ಜನಪ್ರಿಯವಾಗಿವೆ. ಸಿಂಥೆಟಿಕ್ ಕೂದಲು ಲಕ್ಷಾಂತರ ಡಾಲರ್ ಮೌಲ್ಯದ ದೊಡ್ಡ ವ್ಯಾಪಾರವಾಗಿದೆ ಮತ್ತು ಸ್ಥಳೀಯ ಮತ್ತು ವಿದೇಶಿ ಕೈಗಾರಿಕೆಗಳಿಂದ ನಡೆಸಲ್ಪಡುತ್ತದೆ. ಹೇರ್ ಡ್ರೆಸ್ಸಿಂಗ್ ಸಲೂನ್‌ಗಳು ಅಭಿವೃದ್ಧಿ ಹೊಂದುತ್ತಿವೆ, ಮಹಿಳೆಯರಿಗೆ ಸ್ಟೈಲಿಶ್ ಮತ್ತು ಸೌಂದರ್ಯ ಸೇವೆಗಳನ್ನು ಒದಗಿಸುತ್ತವೆ.
ಆದರೆ ಸಿಂಥೆಟಿಕ್ ಕೂದಲು ವಿಷಕಾರಿ ರಾಸಾಯನಿಕಗಳನ್ನು ಹೊಂದಿದೆ ಎಂದು ತಜ್ಞರು ಕಂಡುಕೊಂಡಿದ್ದಾರೆ. ಮಾನವ ನಿರ್ಮಿತ ವಿಗ್ಗಳು ವಿವಿಧ ರಾಸಾಯನಿಕ ಪ್ರಕ್ರಿಯೆಗಳಿಗೆ ಒಳಗಾಗುತ್ತವೆ ಮತ್ತು ಅವುಗಳನ್ನು ಮಾನವರ ಕೂದಲಿನಂತೆ ಕಾಣುವಂತೆ ಮಾಡುತ್ತದೆ. ಕೆಲವು ಉತ್ಪನ್ನಗಳನ್ನು ತಯಾರಿಸಲು ಬಳಸುವ ಕಚ್ಚಾ ವಸ್ತುಗಳು ವಿಷಕಾರಿಯಾಗಿವೆ. ಮತ್ತು ಕೂದಲಿನ ಉತ್ಪನ್ನಗಳನ್ನು ಮುಖ್ಯವಾಗಿ ಪ್ಲಾಸ್ಟಿಕ್‌ನಿಂದ ತಯಾರಿಸಲಾಗುತ್ತದೆ. ಇದು ಪರಿಸರಕ್ಕೆ ಹಾನಿಕಾರಕವಾಗಿದೆ ಎಂದು ತಜ್ಞರು ಎಚ್ಚರಿಸಿದ್ದಾರೆ.
ನೈಜೀರಿಯಾದಲ್ಲಿನ ಮಹಿಳೆಯರು ಸಾಮಾನ್ಯವಾಗಿ ಧರಿಸುವ 10 ವಿಗ್ಗಳ ಬ್ರ್ಯಾಂಡ್‌ಗಳನ್ನು ನಾವು ಪರಿಶೀಲಿಸಿದ್ದೇವೆ. ಈ ವಿಗ್ಗಳು ನೈಜೀರಿಯಾ, ಚೀನಾ, ಘಾನಾ ಮತ್ತು US ನಲ್ಲಿ ತಯಾರಿಸಲಾಗಿದೆ. ಅವೆಲ್ಲವೂ ಮಾನವನ ಆರೋಗ್ಯಕ್ಕೆ ಅಪಾಯಕಾರಿಯಾದ ಹಲವಾರು ಕೀಟನಾಶಕಗಳ ಜೊತೆಗೆ ಬೆಳ್ಳಿ, ಕ್ಯಾಡ್ಮಿಯಮ್, ಕ್ರೋಮಿಯಂ, ನಿಕಲ್, ವನಾಡಿಯಮ್ ಮತ್ತು ಸೀಸದಂತಹ ವಿವಿಧ ಹಂತದ ಮಾಲಿನ್ಯಕಾರಕಗಳನ್ನು ಒಳಗೊಂಡಿರುವುದನ್ನು ನಾವು ಕಂಡುಕೊಂಡಿದ್ದೇವೆ ಎಂದು ತಜ್ಞರು ಹೇಳುತ್ತಾರೆ.
ಸಂಶೋಧನೆ: ನಾವು ಆಗ್ನೇಯ ಅಬಿಯಾ ರಾಜ್ಯದ ಅಬಾದಲ್ಲಿರುವ ಅರಿಯಾರಿಯಾ ಇಂಟರ್‌ನ್ಯಾಶನಲ್ ಮಾರ್ಕೆಟ್‌ನಿಂದ ವಿವಿಧ ಬಣ್ಣಗಳ (ಕ್ಯಾಥರೀನ್, ಐ ಕ್ಯಾಂಡಿ, ಗೋಲ್ಡ್, ಕ್ಯಾಲಿಪ್ಸೊ, ಎಲ್‌ವಿಹೆಚ್, ಡ್ಯಾಜ್ಲರ್, ಮಿನಿ ಬಾಬ್, ನೆಕ್ಟರ್, ಡಯಾನಾ ಮತ್ತು ಎಕ್ಸ್-ಪ್ರೆಶನ್) 10 ಜನಪ್ರಿಯ ಸಿಂಥೆಟಿಕ್ ವಿಗ್ ಬ್ರ್ಯಾಂಡ್‌ಗಳನ್ನು ಖರೀದಿಸಿದ್ದೆವು. ಬಳಿಕ ಪ್ರಯೋಗಾಲಯದಲ್ಲಿ ಈ ಮಾದರಿಗಳನ್ನು ಪರೀಕ್ಷಿಸಲಾಯಿತು.
ಸಿಂಥೆಟಿಕ ಕೂದಲಿನಲ್ಲಿ ಭಾರವಾದ ಲೋಹಗಳ (ಕ್ಯಾಡ್ಮಿಯಮ್, ಸತು, ಸೀಸ, ಕ್ರೋಮಿಯಂ, ಮ್ಯಾಂಗನೀಸ್, ಕಬ್ಬಿಣ, ಪಾದರಸ, ತಾಮ್ರ ಮತ್ತು ನಿಕಲ್) ಇರುವಿಕೆಯನ್ನು ನಿರ್ಧರಿಸಲು ನಾವು ಶುದ್ಧ ನೀರು ಮತ್ತು ತ್ಯಾಜ್ಯನೀರನ್ನು ಪರೀಕ್ಷಿಸಲು ಅಮೆರಿಕನ್ ಪ್ರಮಾಣಿತ ವಿಧಾನಗಳನ್ನು ಬಳಸಿದ್ದೇವೆ ಎಂದು ಸಂಶೋದಕರು ಹೇಳುತ್ತಾರೆ.
ನಾವು ಭಾರೀ ಲೋಹಗಳನ್ನು ದೊಡ್ಡ ಪ್ರಮಾಣದಲ್ಲಿ ಕಂಡುಕೊಂಡಿದ್ದೇವೆ. ಅವುಗಳಲ್ಲಿ ಒಂದು ಸೀಸವನ್ನು ಪಾಲಿವಿನೈಲ್ ಕ್ಲೋರೈಡ್ (ಪಿವಿಸಿ) ಸ್ಥಿರಗೊಳಿಸಲು ಬಳಸಲಾಗುತ್ತದೆ. ಇದರಿಂದ ಸಿಂಥೆಟಿಕ್ ಕೂದಲನ್ನು ತಯಾರಿಸಲಾಗುತ್ತದೆ. ಸೀಸದ ಸಂಯುಕ್ತಗಳು (ಲೀಡ್ ಕಾರ್ಬೋನೇಟ್, ಸೀಸದ ಸ್ಟಿಯರೇಟ್ ಮತ್ತು ಸೀಸದ ಥಾಲೇಟ್) PVC ಅನ್ನು ಒಡೆಯುವುದರಿಂದ ಶಾಖ ಮತ್ತು ಬೆಳಕನ್ನು ತಡೆಯುತ್ತದೆ ಎಂದು ಹೇಳಿದರು.
ಸೀಸವು ಮನುಷ್ಯರಿಗೆ ಡೇಂಜರ್; ಸೀಸವು ಮನುಷ್ಯರಿಗೆ ಅಪಾಯಕಾರಿ. ಇದು ಜೀವಕೋಶಗಳ ಪೊರೆಗಳು, DNA ಮತ್ತು ಉತ್ಕರ್ಷಣ ನಿರೋಧಕ ರಕ್ಷಣಾ ವ್ಯವಸ್ಥೆಗಳ ಮೇಲೆ ಪರಿಣಾಮ ಬೀರುತ್ತದೆ. ಸೀಸವು ಮಗುವಿನ ಮೆದುಳು ಮತ್ತು ನರಮಂಡಲದ ಸಾಮಾನ್ಯ ಬೆಳವಣಿಗೆಗೆ ಅಡ್ಡಿಪಡಿಸುತ್ತದೆ. ಪಾಲಿಮರ್ ಅನ್ನು ಸ್ಥಿರಗೊಳಿಸಲು ಬಳಸುವ ಲೋಹಗಳು ಅದಕ್ಕೆ ಬದ್ಧವಾಗಿರುವುದಿಲ್ಲ. ಕಾಲಾನಂತರದಲ್ಲಿ ಅಥವಾ ಬೆಳಕಿಗೆ ಒಡ್ಡಿಕೊಂಡಾಗ ಅವು ಮಸುಕಾಗಬಹುದು. ಆದ್ದರಿಂದ, ಮಹಿಳೆಯರು ಸಿಂಥೆಟಿಕ್ ಕೂದಲನ್ನು ಧರಿಸಿದಾಗ ಅವರ ತಲೆಯ ಮೇಲೆ ಸೀಸ ಮತ್ತು ಇತರ ಭಾರವಾದ ಲೋಹಗಳಿಗೆ ಒಡ್ಡಿಕೊಳ್ಳುವ ಅಪಾಯವನ್ನು ಎದುರಿಸುತ್ತಾರೆ. ಪ್ಲಾಸ್ಟಿಕ್‌ನಿಂದ ಮಾಡಿದ ಎಲ್ಲಾ ಸಿಂಥೆಟಿಕ್ ಕೂದಲಿನ ಬ್ರ್ಯಾಂಡ್‌ಗಳ ಸಂದರ್ಭದಲ್ಲಿ ಇದು ಸಂಭವಿಸುತ್ತದೆ ಎಂದು ಸಂಶೋದಕರು ಕಂಡು ಕೊಂಡಿದ್ದಾರೆ.
ಇಂತಹ ವಿಗ್ಗಳನ್ನು ಧರಿಸುವುದರಿಂದ ಮೂತ್ರಪಿಂಡಗಳು, ಯಕೃತ್ತು, ಶ್ವಾಸಕೋಶಗಳು, ಸಂತಾನೋತ್ಪತ್ತಿ ವ್ಯವಸ್ಥೆ ಮತ್ತು ನರಮಂಡಲದ ಹಾನಿಯಂತಹ ವಿವಿಧ ಜೈವಿಕ ಅಪಾಯಗಳ ಎದುರಾಗುತ್ತವೆ. ಇದು ಕ್ಯಾನ್ಸರ್, ಚರ್ಮದ ತುರಿಕೆ, ಆಸ್ತಮಾ ಮತ್ತು ಹೃದ್ರೋಗಗಳಿಗೂ ಸಂಬಂಧಿಸಿದೆ ಎನ್ನುತ್ತಾರೆ ಸಂಶೋದಕರು.
ಏನೆಲ್ಲಾ ಸಮಸ್ಯೆಗಳು ಕಾಡುತ್ತವೆ; ನಾವು ಅಧ್ಯಯನ ಮಾಡಿದ ಕೂದಲಿನ ಮಾದರಿಗಳಲ್ಲಿ ಹೆಚ್ಚಿನ ಮಟ್ಟದ ನೈಟ್ರೇಟ್ ಕಂಡುಬಂದಿದೆ. ಸಿಂಥೆಟಿಕ್ ಕೂದಲಿನ ಮೇಲಿನ ಹಿಂದಿನ ಅಧ್ಯಯನಗಳಲ್ಲಿ ಇದು ವರದಿಯಾಗಿಲ್ಲ. ಹೆಚ್ಚಿನ ಮಟ್ಟದ ನೈಟ್ರೇಟ್‌ಗಳಿಗೆ ಒಡ್ಡಿಕೊಳ್ಳುವುದರಿಂದ ಕ್ಯಾನ್ಸರ್, ವಿಸ್ತರಿಸಿದ ಥೈರಾಯ್ಡ್ ಗ್ರಂಥಿ ಮತ್ತು ಮೆಥೆಮೊಗ್ಲೋಬಿನೆಮಿಯಾ (ರಕ್ತ ಅಸ್ವಸ್ಥತೆ) ನಂತಹ ಕಾಯಿಲೆಗಳಿಗೆ ಕಾರಣವಾಗಬಹುದು.
ಸಿಂಥೆಟಿಕ್ ಕೂದಲಿನಲ್ಲಿ ಕಂಡುಬರುವ ವಿಷಕಾರಿ ರಾಸಾಯನಿಕಗಳಿಗೆ ಒಡ್ಡಿಕೊಳ್ಳುವುದು ಗಂಭೀರವಾದ ಆರೋಗ್ಯ ಪರಿಣಾಮಗಳನ್ನು ಉಂಟುಮಾಡಬಹುದು. ಪ್ರಮುಖ ಅಂಗಗಳಿಗೆ ಹಾನಿ ಮಾಡುವುದರ ಜೊತೆಗೆ, ಅವು ಬಂಜೆತನ, ಜನ್ಮ ದೋಷಗಳು, ಆಸ್ತಮಾ, ಬ್ರಾಂಕೈಟಿಸ್ ಮತ್ತು ಕ್ಯಾನ್ಸರ್ಗೆ ಕಾರಣವಾಗಬಹುದು. ಅಷ್ಟೇ ಅಲ್ಲ, ಹೈಪರ್ ಆ್ಯಕ್ಟಿವಿಟಿ ಡಿಸಾರ್ಡರ್ ಮತ್ತು ಉಸಿರಾಟದ ಕಾಯಿಲೆಗಳಿಗೆ ಕಾರಣವಾಗುತ್ತವೆ.
ನೈಜೀರಿಯಾದ ಲಾಗೋಸ್‌ನಲ್ಲಿ ಸಿಂಥೆಟಿಕ್ ಕೂದಲು ತಯಾರಕರು ಇದ್ದಾರೆ. ಆದ್ದರಿಂದ ಆಹಾರ ಮತ್ತು ಔಷಧ ಆಡಳಿತ ಮತ್ತು ನಿಯಂತ್ರಣಕ್ಕಾಗಿ ರಾಷ್ಟ್ರೀಯ ಏಜೆನ್ಸಿ ಈ ಉತ್ಪನ್ನಗಳನ್ನು ತಯಾರಿಸಲು ಬಳಸುವ ರಾಸಾಯನಿಕ ಪದಾರ್ಥಗಳ ಸುರಕ್ಷತೆಯನ್ನು ನಿರಂತರವಾಗಿ ಪರಿಶೀಲಿಸಬೇಕು ಮತ್ತು ಮೌಲ್ಯಮಾಪನ ಮಾಡಬೇಕು.
ಅಪಾಯ ತಡೆಯುವುದು ಹೇಗೆ; ಸಿಂಥೆಟಿಕ್ ಕೂದಲು ತಯಾರಕರು ಇತರ ಆಯ್ಕೆಗಳನ್ನು ಸಹ ಹೊಂದಿದ್ದಾರೆ. ಅವರು ಪ್ಲಾಸ್ಟಿಕ್ ಫೈಬರ್‌ಗಳ ಬದಲಿಗೆ ಹೈಪರಾಲೋನ್‌ನಂತಹ ಉತ್ತಮ ಗುಣಮಟ್ಟದ ಸಿಂಥೆಟಿಕ್ ಫೈಬರ್‌ಗಳನ್ನು ಬಳಸಬಹುದು. ಅವರು ಪಿವಿಸಿ ಮತ್ತು ಟಾಕ್ಸಿನ್‌ಗಳಿಂದ ಮುಕ್ತವಾಗಿರುವ ಮತ್ತು ಪರಿಸರ ಸ್ನೇಹಿ ಫೈಬರ್‌ಗಳನ್ನು ಬಳಸುವುದರಿಂದ ಇಂತಹ ಅಪಾಯಗಳನ್ನು ತಡೆಗಟ್ಟಬಹುದಾಗಿದೆ ಎಂದು ಸಂಶೋದಕರು ಅಭಿಪ್ರಾಯ ಪಟ್ಟಿದ್ದಾರೆ.
