ನವದೆಹಲಿ: ಇಂದು ಜನರು ತಮ್ಮಿಷ್ಟವಾದ ರೆಸ್ಟೋರೆಂಟ್, ಹೋಟೆಲ್ಗಳಿಂದ ಆಹಾರವನ್ನು ಮನೆಯಲ್ಲೇ ಕುಳಿತು, ಆರ್ಡರ್ ಮಾಡಿ ತರಿಸಿಕೊಳ್ಳುವ ಆ್ಯಪ್ಗಳ ಬಳಕೆಯ ಪ್ರಮಾಣದಲ್ಲಿ ಭಾರಿ ಪ್ರಮಾಣದಲ್ಲಿ ಏರಿಕೆ ಕಾಣುತ್ತಿದೆ. ಆದರೆ, ಈ ರೀತಿಯ ಫುಡ್ ಡಿಲಿವರಿ ಆ್ಯಪ್ಗಳ ಆಹಾರದ ಮೆನುವಿನಲ್ಲಿ ಪೌಷ್ಠಿಕಾಂಶದ ಮಾಹಿತಿಗಳು ಕಾಣುವುದಿಲ್ಲ. ಇದರಿಂದಾಗಿ ಗ್ರಾಹಕರಿಗೆ ಆರೋಗ್ಯಯುತ ಆಹಾರದ ಆಯ್ಕೆ ಕಗ್ಗಂಟಾಗಿದ್ದು, ಪೌಷ್ಟಿಕಾಂಶ ಭರಿತ ಆಹಾರ ಆಯ್ಕೆ ಮಾಡುವಲ್ಲಿ ತೊಂದರೆ ಅನುಭವಿಸುತ್ತಿದ್ದಾರೆ ಎಂಬ ಅಂಶವೂ ಈ ಅಧ್ಯಯನದ ವೇಳೆ ಕಂಡು ಬಂದಿದೆ.
ಸಿಡ್ನಿ ಯೂನಿವರ್ಸಿಟಿ ಸಂಶೋಧಕರು ಈ ಕುರಿತು ತನಿಖೆ ನಡೆಸಿದ್ದು, ಈ ಸಂಬಂಧ ಪ್ರಮುಖ ಆನ್ಲೈನ್ ಫುಡ್ ಡೆಲಿವರಿ ತಾಣಗಳ ಮೆನು (ಆಹಾರದ ಪಟ್ಟಿ)ಯನ್ನು ಇವರು ಪರಿಶೀಲನೆಗೆ ಒಳಪಡಿಸಿದ್ದಾರೆ. ಈ ವೇಳೆ ಉಬರ್ ಈಟ್ಸ್, ಮೆನುಲೊಗ್ ಸೇರಿ ಇತರ ಆನ್ಲೈನ್ ಫುಡ್ ಡೆಲಿವರಿ ಆಪ್ಗಳಲ್ಲಿನ 498 ಆಹಾರಗಳ ಕುರಿತು ನೀಡಿದ ವಿವರಣೆಯನ್ನು ಗಮನಿಸಲಾಗಿದೆ. ಈ ವೇಳೆ ಶೇ 6ರಷ್ಟು ಮೆನುಗಳಲ್ಲಿ ಕಡಿಮೆ ಪೌಷ್ಟಿಕಾಂಶದ ಲೇಬಲಿಂಗ್ ಅನ್ನು ಹೊಂದಿರುವ ವಿಚಾರ ಅಧ್ಯಯನದ ವೇಳೆ ಗಮನಕ್ಕೆ ಬಂದಿದೆ.
ಕಡಿಮೆ ಪೌಷ್ಟಿಕಾಂಶದ ಮಾಹಿತಿ ಒದಗಿಸಿದ ಗ್ರಾಹಕರು ಆಹಾರ ಸೇವನೆಯಿಂದ ಕಡಿಮೆ ಶಕ್ತಿ ಹೊಂದಿರುವುದು ಅನೇಕ ಅಧ್ಯಯನಗಳಲ್ಲಿ ಸಾಬೀತಾಗಿದೆ ಎಂದು ಅಧ್ಯಯನ ವರದಿಯಲ್ಲಿ ತಿಳಿಸಲಾಗಿದೆ. ಈ ಅಧ್ಯಯನವನ್ನು ಪಬ್ಲಿಕ್ ಹೆಲ್ತ್ ನ್ಯೂಟ್ರಿಷಿಯನ್ನಲ್ಲಿ ಪ್ರಕಟಿಸಲಾಗಿದೆ. ಆನ್ಲೈನ್ ಫುಡ್ ಡೆಲಿವರಿ ಆಪ್ಗಳಲ್ಲಿ ಗ್ರಾಹಕರಿಂದ ಸಾಕಷ್ಟು ಬೇಡಿಕೆ ಇದ್ದರೂ, ಆನ್ಲೈನ್ ಫ್ಲಾಟ್ ಫಾರ್ಮ್ಗಳು ಆಹಾರದ ಮೆನ ಲೇಬಲಿಂಗ್ ಅನ್ನು ಅಳವಡಿಸಿಕೊಳ್ಳುವಲ್ಲಿ ಹಿಂದೆ ಬಿದ್ದಿದೆ.
ಆಹಾರದ ಕುರಿತು ವಿವರಣೆಗಳಲ್ಲಿ ಪರಿಣಾಮಕಾರಿಯಾಗಿ ಅಳವಡಿಸಿಕೊಳ್ಳದಿರುವುದು ಕಂಡು ಬಂದಿದೆ. ಆದಾಗ್ಯೂ ಇವುಗಳ ಜನಪ್ರಿಯತೆ ಹೆಚ್ಚಿದ್ದು, ಆ್ಯಪ್ಗಳ ಮೂಲಕ ಜನರು ಆಹಾರ ತರಿಸಿಕೊಳ್ಳುವುದು ಕಡಿಮೆ ಮಾಡಿಲ್ಲ ಎಂದು ಚಾರ್ಲ್ಸ್ ಪರ್ಕಿನ್ಸ್ ಸೆಂಟರ್‌ನ ಜಿಯಾ ಮತ್ತು ಸಿಡ್ನಿ ವಿಶ್ವವಿದ್ಯಾಲಯದಲ್ಲಿ ಸ್ಕೂಲ್ ಆಫ್ ನರ್ಸಿಂಗ್ ಮತ್ತು ಮಿಡ್‌ವೈಫರಿ ಸುಸಾನ್ ವಕಿಲ್ ತಿಳಿಸಿದ್ದಾರೆ.
ಆನ್ಲೈನ್ ಫುಡ್ ಡಿಲಿವರಿ ಸೇವೆಗಳು ವೇಗವಾಗಿ ಬೆಳವಣಿಗೆ ಕಾಣುತ್ತಿವೆ. ಸಾಂಕ್ರಾಮಿಕ ಸಮಯದಲ್ಲೂ ಕೂಡ ಈ ಆ್ಯಪ್ಗಳಿಗೆ ಗ್ರಾಹಕರಿಂದ ಬೇಡಿಕೆ ಹೆಚ್ಚಿತ್ತು. ಆನ್ಲೈನ್ ಫುಡ್ ಡೆಲಿವರಿ ಆ್ಯಪ್ಗಳು ಕಡಿಮೆ ಪೌಷ್ಠಿಕಾಂಶ ಗುಣಮಟ್ಟದ ಆಹಾರಗಳನ್ನು ಸುಲಭವಾಗಿ ಜನರಿಗೆ ನೀಡುತ್ತಿದೆ ಎಂಬುದು ಅಧ್ಯಯನದಲ್ಲಿ ತಿಳಿದು ಬಂದಿದೆ.
2021-2030 ನ್ಯಾಷನಲ್ ಪ್ರಿವೆಂಟಿವ್ ಹೆಲ್ತ್ ಸ್ಟ್ರಾಟಜಿಯ ಗುರಿಗಳನ್ನು ಸಾಧಿಸುವ ಮೂಲಕ ಆರೋಗ್ಯಕರ ಆಹಾರದ ಬಳಕೆಯನ್ನು ಸುಧಾರಿಸುವುದು ಅಧ್ಯಯನದ ಉದ್ದೇಶವಾಗಿದೆ. (ಐಎಎನ್ಎಸ್)
ಇದನ್ನೂ ಓದಿ: ಯೋಗರ್ಟ್ ಸೇವನೆಯಿಂದ ಮಧುಮೇಹದ ಅಪಾಯ ತಗ್ಗಿಸಲು ಸಾಧ್ಯ: ವೈದ್ಯರ ಅಭಿಮತ
