ಹೈದರಾಬಾದ್: ಹಿರಿಯರಷ್ಟೇ ಅಲ್ಲದೇ ಅನೇಕ ಯುವ ಮಹಿಳೆಯರು ಇಂದು ಫೈಲ್ಸ್ ಸಮಸ್ಯೆಗೆ ಒಳಗಾಗುತ್ತಿದ್ದಾರೆ. ಶೌಚದ ಕಾರ್ಯಗಳು ಅವರಿಗೆ ಬಲು ತ್ರಾಸದಾಯಕವಾಗಿದ್ದು, ಇದಕ್ಕಾಗಿ ಹೆಚ್ಚು ಸಮಯಗಳನ್ನು ಕಳೆಯುತ್ತಾರೆ. ಈ ಸಮಸ್ಯೆ ದೀರ್ಘಕಾಲ ಕಾಡಿದರೆ, ಅದು ದೈಹಿಕ ಸಮಸ್ಯೆಗೂ ನಮ್ಮನ್ನು ತಳ್ಳುತ್ತದೆ. ಆರಂಭದಲ್ಲೇ ಮೂಲವ್ಯಾಧಿ ಸಮಸ್ಯೆಗಳ ಕುರಿತು ಸಮಾಲೋಚನೆಗೆ ಒಳಗಾಗುವುದು ಅಗತ್ಯವಾಗಿದೆ.
ಏನಿದು ಮೂಲವ್ಯಾಧಿ? : ಪೈಲ್ಸ್ ಎನ್ನುವುದು ಗುದದ್ವಾರದ ಒಳಗೆ ಮತ್ತು ಹೊರಗೆ ಊತವನ್ನು ಉಂಟುಮಾಡುತ್ತದೆ. ಗುದದ್ವಾರದ ಒಳ ಅಥವಾ ಹೊರ ಭಾಗದಲ್ಲಿ ಚರ್ಮವು ಸಂಗ್ರಹವಾಗಿ ನಾರುಲಿಯಂತೆ ಮಾಡುತ್ತದೆ. ಇದರ ಪರಿಣಾಮವಾಗಿ ಶೌಚ ಕ್ರಿಯೆ ತ್ರಾಸದಾಯಕವಾಗಿ ಮಾರ್ಪಡುತ್ತದೆ. ದೀರ್ಘಕಾಲದವರೆಗೆ ಈ ಚಿಕಿತ್ಸೆಗೆ ಪರಿಹಾರ ಕಂಡುಕೊಳ್ಳದೇ ಇದ್ದರೆ ಪರಿಸ್ಥಿತಿ ಮತ್ತಷ್ಟು ಕೆಟ್ಟದಾಗಲು ಕಾರಣವಾಗುತ್ತದೆ ಎಂದು ಹೈದರಾಬಾದ್ನಲ್ಲಿನ ಲಂಡನ್ ಗ್ಯಾಸ್ಟ್ರೊ ಆಸ್ಪತ್ರೆಯ ವೈದ್ಯರಾದ ಡಾ ಚಂದ್ರಶೇಖರ್ ಪುಲಿ ತಿಳಿಸಿದ್ದಾರೆ.
ಮಹಿಳೆಯರಲ್ಲಿ ಈ ಸಮಸ್ಯೆಗೆ ಕಾರಣಗಳೇನು?: ಮಹಿಳೆಯರಲ್ಲಿ ಗರ್ಭಾವಸ್ಥೆಯಲ್ಲಿ ಈ ಸಮಸ್ಯೆ ಕಾಣಿಸಿಕೊಂಡು ನಿಧಾನವಾಗಿ ಹೆಚ್ಚಾಗುತ್ತಾ ಸಾಗುತ್ತದೆ. ಕಾರಣ ಪ್ರಸವ ಸಮಯದಲ್ಲಿ ಹೊಟ್ಟೆ ಮೇಲೆ ನೀಡುವ ಒತ್ತಡವೂ ರಕ್ತ ನಾಳದ ಮೇಲೂ ಅಧಿಕ ಒತ್ತಡಕ್ಕೆ ಗುರಿಯಾಗುವಂತೆ ಮಾಡುತ್ತದೆ. ಇದರಿಂದ ಅವರಲ್ಲಿ ಪೈಲ್ಸ್ ಅಭಿವೃದ್ಧಿಯಾಗುವ ಅಪಾಯ ಹೆಚ್ಚಿದೆ.
ಇದರ ಜೊತೆಗೆ ಮಲಬದ್ಧತೆ ಸಮಸ್ಯೆ ಇದನ್ನು ಮತ್ತಷ್ಟು ಕೆರಳಿಸುತ್ತದೆ. ಇದರ ಜೊತೆಗೆ ಒಂದೇ ಸಮಯದಲ್ಲಿ ದೀರ್ಘವಾಗಿ ಕುಳಿತುಕೊಳ್ಳುವುದು ಕೂಡ ಪೈಲ್ಸ್ಗೆ ಕಾರಣವಾಗುತ್ತದೆ. ಮಹಿಳೆಯರಲ್ಲಿ ಒತ್ತಡದಿಂದ ಕೂಡ ಈ ಸಮಸ್ಯೆ ಕಂಡು ಬರುತ್ತದೆ.
ವಯಸ್ಸಾದವರು ದೀರ್ಘಾವಧಿ ಕಾಲ ಶೌಚಾಲಯದಲ್ಲಿ ಕುಳಿತು ಕೊಳ್ಳುವುದರಿಂದ ಕೂಡ ಈ ಸಮಸ್ಯೆ ಅಪಾಯ ಹೆಚ್ಚುತ್ತದೆ. ಆರಂಭಿಕ ಹಂತದಲ್ಲೇ ಈ ಸಮಸ್ಯೆಗೆ ಮುನ್ನೆಚ್ಚರಿಕೆವಹಿಸುವುದರಿಂದ ಇದರ ತೀವ್ರತೆಯನ್ನು ತಡೆಯಬಹುದಾಗಿದೆ. ಪೈಲ್ಸ್ ಸಮಸ್ಯೆ ಆರಂಭವಾಗಿದೆ ಎಂದು ತಿಳಿದಾಕ್ಷಣ ಅದಕ್ಕೆ ಸರ್ಜರಿ ಇಲ್ಲದೇ ಲೇಸರ್ ಚಿಕಿತ್ಸೆ ಪಡೆದುಕೊಳ್ಳಬಹುದಾಗಿದೆ. ಹೀಗೆ ಮಾಡಿಸಿಕೊಳ್ಳುವುದರಿಂದ ಸಮಸ್ಯೆಯನ್ನು ಬೇಗ ಉಪಶಮನ ಮಾಡಿಕೊಳ್ಳಬಹುದು.
ಯಾವ ರೀತಿ ಮುನ್ನೆಚ್ಚರಿಕೆ: ವೈದ್ಯರು ಹೇಳುವಂತೆ ಆರಂಭಿಕ ಹಂತದಲ್ಲಿ ಈ ಸಂಬಂಧ ಮುನ್ನೆಚ್ಚರಿಕೆ ವಹಿಸುವುದು ತೀರಾ ಅಗತ್ಯವಾಗಿದೆ. ಹೆಚ್ಚು ನೀರು ಕುಡಿಯುವುದು. ಮಲಬದ್ಧತೆ ತಪ್ಪಿಸುವಂತಹ ಆಹಾರ ಮಾರ್ಗಸೂಚಿ ಪಾಲಿಸುವುದು. ಫೈಬರ್ ಸಮೃದ್ಧ ಆಹಾರ ಸೇವನೆ ಮಾಡುವುದು ಅಗತ್ಯವಾಗಿದೆ. ಈ ಸಮಸ್ಯೆ ಗಂಭೀರವಾದಲ್ಲಿ ತಕ್ಷಣಕ್ಕೆ ವೈದ್ಯರ ಸಂಪರ್ಕಕ್ಕೆ ಒಳಗಾಗುವುದು ಅವಶ್ಯವಾಗಿದೆ.
ಇದನ್ನೂ ಓದಿ: ಭಾರತದಲ್ಲಿ ವೈದ್ಯರು-ಜನಸಂಖ್ಯೆ ಅನುಪಾತ WHO ಶಿಫಾರಸಿಗಿಂತ ಉತ್ತಮ: ಕೇಂದ್ರ ಸರ್ಕಾರ
