What is the Unlimited health insurance: ಈ ಕಾಲದರಲ್ಲಿ ಪ್ರತಿಯೊಬ್ಬರಿಗೂ ಆರೋಗ್ಯ ವಿಮೆ ಪಾಲಿಸಿ ಅವಶ್ಯಕ. ಆದರೆ, ನಿರ್ದಿಷ್ಟ ಪ್ರಮಾಣದ ಕವರೇಜ್ ಒದಗಿಸುವ ಆರೋಗ್ಯ ವಿಮಾ ಪಾಲಿಸಿಗಳಿಗಿಂತ 'ಅನಿಯಮಿತ(ಅನ್ಲಿಮಿಟೆಡ್) ಕವರೇಜ್ ಒದಗಿಸುವ ಆರೋಗ್ಯ ವಿಮಾ ಪಾಲಿಸಿಗಳು ಉತ್ತಮವಾಗಿವೆ. ನಮ್ಮ ವೈದ್ಯಕೀಯ ಚಿಕಿತ್ಸೆಗಳಿಗೆ ಎಷ್ಟೇ ಖರ್ಚಾದರೂ ಈ ಪಾಲಸಿಗಳು ಕವರೇಜ್ ನೀಡುತ್ತವೆ.
ಹೀಗಾಗಿ ಇದು ನಮಗೆ ತುರ್ತು ಸಮಯದಲ್ಲಿ ಆರೋಗ್ಯ ಭದ್ರತೆಯ ಜೊತೆಗೆ ಆರ್ಥಿಕ ಭರವಸೆ ನೀಡುತ್ತವೆ. ಇದರಿಂದ ನಾವು ಅನಿರೀಕ್ಷಿತವಾಗಿ ಎದುರಾಗುವ ಕಷ್ಟದ ಪರಿಸ್ಥಿತಿಯನ್ನು ಸಮರ್ಥವಾಗಿ ಎದುರಿಸಲು ಸಾಧ್ಯವಾಗುತ್ತದೆ. ಹಾಗಾದರೆ ಅನ್ಲಿಮಿಟೆಡ್ ಆರೋಗ್ಯ ವಿಮಾ ಪಾಲಿಸಿಗಳ ಬಗ್ಗೆ ಮಾಹಿತಿಯನ್ನು ಇಲ್ಲಿ ತಿಳಿದುಕೊಳ್ಳೋಣ ಬನ್ನಿ
ಆರೋಗ್ಯ ಸಮಸ್ಯೆಗಳು ನಮಗೆ ಹೇಳಿ ಕೇಳಿ ಬರುವುದಿಲ್ಲ. ಅದಕ್ಕಾಗಿಯೇ ಆರೋಗ್ಯ ವಿಮೆ ತೆಗೆದುಕೊಳ್ಳಬೇಕು. ಯಾವುದೇ ದೊಡ್ಡ ಆರೋಗ್ಯ ಸಮಸ್ಯೆ ಎದುರಾದರೆ ವೈದ್ಯಕೀಯ ಚಿಕಿತ್ಸೆಗೆ ಲಕ್ಷಗಟ್ಟಲೆ ಹಣ ಖರ್ಚು ಮಾಡಬೇಕಾಗುತ್ತದೆ. ಆರೋಗ್ಯ ವಿಮೆ ಇಲ್ಲದವರಿಗೆ ಈ ಪರಿಸ್ಥಿತಿ ದೊಡ್ಡ ಸವಾಲಾಗಿ ಪರಿಣಮಿಸುತ್ತದೆ. ಆದರೆ, ಆರೋಗ್ಯ ವಿಮೆ ಇದ್ದವರಿಗೆ ಯಾವುದೇ ಚಿಂತೆ ಇರುವುದಿಲ್ಲ.
ಏಕೆಂದರೆ, ಆರೋಗ್ಯ ವಿಮಾ ಪಾಲಿಸಿಯನ್ನು ಒದಗಿಸಿದ ಕಂಪನಿಯು ಅವರ ವೈದ್ಯಕೀಯ ವೆಚ್ಚ ಭರಿಸಲು ಸಿದ್ಧವಿರುತ್ತದೆ. ಕಡಿಮೆ ವೈದ್ಯಕೀಯ ವೆಚ್ಚಗಳಿಗೆ ಸಾಮಾನ್ಯ ಆರೋಗ್ಯ ವಿಮಾ ಪಾಲಿಸಿಗಳು ಸೂಕ್ತವಾಗಿವೆ. ಆದರೆ ನೀವು ದುಬಾರಿ ವೈದ್ಯಕೀಯ ಚಿಕಿತ್ಸೆಗೆ ಒಳಗಾಗಬೇಕಾದರೆ 'ಅನ್ ಲಿಮಿಟೆಡ್' ಆರೋಗ್ಯ ವಿಮಾ ಪಾಲಿಸಿಗಳನ್ನು ತೆಗೆದುಕೊಳ್ಳುವುದು ಉಪಯುಕ್ತವಾಗಿವೆ. ವಯಸ್ಸಾದಂತೆ ಆರೋಗ್ಯ ಸಮಸ್ಯೆಗಳನ್ನು ಎದುರಿಸುತ್ತಿರುವವರು, ಈಗಾಗಲೇ ಕಾಯಿಲೆಗಳನ್ನು ಹೊಂದಿರುವವರು ಈ ರೀತಿಯ ಪಾಲಿಸಿಗಳನ್ನು ತೆಗೆದುಕೊಳ್ಳುವುದು ಉತ್ತಮ.
ಪ್ರಸ್ತುತ ವಿಮಾ ಮಾರುಕಟ್ಟೆಯಲ್ಲಿ ಅನ್ಲಿಮಿಟೆಡ್ ಕವರೇಜ್ ನೀಡುವ ಆರೋಗ್ಯ ವಿಮಾ ಪಾಲಿಸಿಗಳು ಕೆಲವೇ ಕೆಲವು ಮಾತ್ರ ಇವೆ. ಅವುಗಳಲ್ಲಿ ಉತ್ತಮವಾದದ್ದನ್ನು ನಾವು ಆಯ್ಕೆ ಮಾಡಿಕೊಳ್ಳಬೇಕು. ಸಾಮಾನ್ಯವಾಗಿ ಆರೋಗ್ಯ ವಿಮಾ ಪಾಲಿಸಿಗಳು 5 ಲಕ್ಷ, ರೂ.10 ಲಕ್ಷ, 25 ಲಕ್ಷ, ರೂ.1 ಕೋಟಿ ರೂ ಮತ್ತು ಅದಕ್ಕಿಂತ ಹೆಚ್ಚಿನ ಕವರೇಜ್ನೊಂದಿಗೆ ಬರುತ್ತವೆ. ಅನ್ ಲಿಮಿಟೆಡ್ ಕವರೇಜ್ ನೀಡುವ ಪಾಲಿಸಿಯನ್ನು ತೆಗೆದುಕೊಂಡರೇ, ನಾವು ಖರ್ಚಿನ ಬಗ್ಗೆ ಯೋಚಿಸಬೇಕಾದ ಅವಶ್ಯಕತೆ ಇರುವುದಿಲ್ಲ. ಏಕೆಂದರೆ ಆರೋಗ್ಯ ವಿಮಾ ಕಂಪನಿಯು ಸಂಪೂರ್ಣ ಖರ್ಚು ಭರಿಸುತ್ತದೆ. ವೈದ್ಯರ ಸೂಚನೆಗಳ ಪ್ರಕಾರ, ವರ್ಷಕ್ಕೆ ಎಷ್ಟು ಬಾರಿ ಸಾಧ್ಯವೋ ಅಷ್ಟು ಬಾರಿ ಚಿಕಿತ್ಸೆ ಪಡೆಯಬಹುದು.
ಕರೊನಾ ಸಂದರ್ಭದಲ್ಲಿ ವೈದ್ಯಕೀಯ ತುರ್ತುಸ್ಥಿತಿ ಹೇಗಿರುತ್ತದೆ ಎಂಬುದನ್ನು ನಮ್ಮ ದೇಶದ ಜನರು ಕಂಡಿದ್ದಾರೆ. ಆ ಸಮಯದಲ್ಲಿ ಆರೋಗ್ಯ ವಿಮಾ ಪಾಲಿಸಿಗಳನ್ನು ಹೊಂದಿದ್ದವರು ವೈದ್ಯಕೀಯ ಚಿಕಿತ್ಸೆಯನ್ನು ಸುಲಭವಾಗಿ ಪಡೆಯಲು ಸಾಧ್ಯವಾಯಿತು ಎಂಬುದು ಅರಿವಿಗೆ ಕೂಡಾ ಬಂದಿದೆ.
ಅನ್ಲಿಮಿಟೆಡ್ ಕವರೇಜ್ ನೀಡುವ ಪಾಲಿಸಿಗಳು ಇಲ್ಲಿವೆ:
- ಇತ್ತೀಚೆಗೆ ಐಸಿಐಸಿಐ ಲೊಂಬಾರ್ಡ್ ಸಂಸ್ಥೆ 'ಎಲಿವೇಟ್' ಹೆಸರಿನೊಂದಿಗೆ ಅನ್ಲಿಮಿಟೆಡ್ ಆರೋಗ್ಯ ವಿಮಾ ಯೋಜನೆಯನ್ನು ಪ್ರಾರಂಭಿಸಿದೆ.
- ಬಜಾಜ್ ಅಲಿಯಾನ್ಸ್ ಕಂಪನಿಯ 'ಹೆಲ್ತ್ ಇನ್ಫಿನಿಟಿ' ಯೋಜನೆಯು ಅನಿಯಮಿತ ಆರೋಗ್ಯ ವಿಮಾ ರಕ್ಷಣೆ ಒದಗಿಸುತ್ತದೆ. ಈ ಪಾಲಿಸಿಯ ಮೂಲಕ ಗ್ರಾಹಕರು ವೆಲ್ನೆಸ್ ರಿಯಾಯಿತಿಗಳು, ಫ್ಯಾಮಿಲಿ ರಿಯಾಯಿತಿಗಳು ಮತ್ತು ಇತರ ಪ್ರಯೋಜನಗಳನ್ನು ಪಡೆಯಬಹುದು.
- ವಿಮಾ ಕಂಪನಿ 'ಅಕೊ' 'ಅನ್ ಲಿಮಿಟೆಡ್ ಅಕೊ ಪ್ಲಾಟಿನಂ' ಎಂಬ ಆರೋಗ್ಯ ವಿಮಾ ಪಾಲಿಸಿ ಜಾರಿಗೆ ತಂದಿದೆ. ವೈದ್ಯಕೀಯ ಚಿಕಿತ್ಸೆಗಳಿಗೆ ಅನ್ಲಿಮಿಟೆಡ್ ಕವರೇಜ್ಗಾಗಿ ಈ ಪಾಲಿಸಿ ಉಪಯುಕ್ತವಾಗಿದೆ. ಪಾಲಿಸಿ ತೆಗೆದುಕೊಳ್ಳುವ ಸಮಯದಲ್ಲಿ ಹೊಂದಿರುವ ರೋಗಗಳ ಚಿಕಿತ್ಸೆಗಾಗಿ ಪಾಲಿಸಿಯು ಝೀರೋ - ವೆಯಿಟಿಂಗ್ ಅವಧಿಯ ಸೌಲಭ್ಯವೂ ಈ ಪಾಲಸಿಯಲ್ಲಿ ಇದೆ. ವಿಮಾ ಕಂಪನಿಯು ನಮ್ಮ ಆಸ್ಪತ್ರೆಯ ಬಿಲ್ನ ಶೇ.100 ರಷ್ಟನ್ನು ಪಾವತಿಸುತ್ತದೆ.
'ಅನ್ಲಿಮಿಟೆಡ್' ಪಾಲಿಸಿಗಳಿಗೆ ಪ್ರೀಮಿಯಂ ಎಷ್ಟು?: ಸಾಮಾನ್ಯ ಆರೋಗ್ಯ ವಿಮಾ ಪಾಲಿಸಿಗಳಿಗೆ ನಾವು ವಾರ್ಷಿಕವಾಗಿ 10 ಸಾವಿರಕ್ಕಿಂತ ಕಡಿಮೆ ಪಾವತಿಸಿದರೆ ಸಾಕಾಗುತ್ತದೆ. 10 ಲಕ್ಷ ರೂಪಾಯಿಗಳಿಂದ ಆರೋಗ್ಯ ವಿಮಾ ಪಾಲಿಸಿಗಾಗಿ ನಾವು ವರ್ಷಕ್ಕೆ ಸರಾಸರಿ 9 ಸಾವಿರ ರೂ ಪಾವತಿಸಬೇಕಾಗುತ್ತದೆ.
ಅನ್ಲಿಮಿಟೆಡ್ ಕವರೇಜ್ ಹೊಂದಿರುವ ಆರೋಗ್ಯ ವಿಮಾ ಪಾಲಿಸಿಗಳು ತುಂಬಾ ದುಬಾರಿಯಾಗಿವೆ. ಆದಾಗ್ಯೂ, ನಾವು ವರ್ಷಕ್ಕೆ 15,000 ರಿಂದ ರೂ.20,000 ಪ್ರೀಮಿಯಂ ಪಾವತಿಸುವ ಯೋಜನೆಗಳು ಲಭ್ಯವಿದೆ. ಅವು ನಮಗೆ ಅನ್ಲಿಮಿಟೆಡ್ ಕವರೇಜ್ ಒದಗಿಸುತ್ತವೆ.
