ನವದೆಹಲಿ: ಬಾಲ್ಯದಲ್ಲಿ ತೂಕ ಹೆಚ್ಚಳಕ್ಕೆ ಕಾರಣವಾಗಿ, ಈ ಸ್ಥೂಲಕಾಯವೂ ಅವಧಿ ಪೂರ್ವ ಪ್ರೌಢವಸ್ಥೆ ಮೇಲೆ ಪರೋಕ್ಷವಾಗಿ ಪ್ರಭಾವ ಬೀರುವ ಜೀನ್ (ವಂಶವಾಹಿ) ಅನ್ನು ಅಂತಾರಾಷ್ಟ್ರೀಯ ತಂಡ ಪತ್ತೆ ಮಾಡಿದೆ.
ಕೇಂಬ್ರಿಡ್ಜ್ ಯುನಿವರ್ಸಿಟಿ ನೇತೃತ್ವದ ತಂಡ ಇದಕ್ಕಾಗಿ ಕೊರಿಯಾಮ ಜಪಾನ್, ಚೀನಾ, ಉತ್ತರ ಅಮೆರಿಕ ಮತ್ತು ಯುರೋಪ್ನಲ್ಲಿ 8,00,000 ಮಹಿಳೆಯರಲ್ಲಿ ಡಿಎನ್ಎ ಪರೀಕ್ಷೆ ನಡೆಸಿದೆ. ಈ ಅಧ್ಯಯನದ ಫಲಿತಾಂಶವನ್ನು ಜರ್ನಲ್ ನೇಚರ್ ಜೆನೆಟಿಕ್ಸ್ನಲ್ಲಿ ಪ್ರಕಟಿಸಲಾಗಿದೆ. ಈ ವೇಳೆ, ಡಿಎನ್ಎಯಲ್ಲಿ ಸಣ್ಣ ಬದಲಾವಣೆ ಮಾಡುವ 1 ಸಾವಿರ ವಿಧಗಳನ್ನು ಪತ್ತೆ ಮಾಡಿದ್ದಾರೆ. ಇದು ಮೊದಲ ಋತುಚಕ್ರದ ವಯಸ್ಸಿನ ಮೇಲೆ ಪ್ರಭಾವ ಬೀರುತ್ತದೆ. ಮೊದಲ ಬಾರಿಗೆ ಸುಮಾರು 600 ತಳಿಗಳನ್ನು ಗಮಿಸಲಾಗಿದೆ ಎಂದು ತಂಡ ತಿಳಿಸಿದೆ.
ಸಾಮಾನ್ಯವಾಗಿ ಬಾಲಕಿಯರಲ್ಲಿ 10 ರಿಂದ 15 ವರ್ಷದೊಳಗೆ ಪ್ರೌಢವಸ್ಥೆ ಪ್ರಾರಂಭವಾಗುತ್ತದೆ. ಆದರೆ, ಕಳೆದೊಂದು ದಶಕದಿಂದ ಇದು ಅಕಾಲಿಕ ಅಥವಾ ಅವಧಿಪೂರ್ವವಾಗಿ ಪ್ರೌಢವಸ್ಥೆಗೆ ಬಾಲಕಿಯರು ಒಳಗಾಗುತ್ತಿದ್ದಾರೆ. ಇದಕ್ಕೆ ಕಾರಣ ಏನು ಎಂಬುದು ಇನ್ನು ಸ್ಪಷ್ಟವಾಗಿಲ್ಲ. ಅಧ್ಯಯನ ಪತ್ತೆ ಮಾಡಿದಂತೆ ಈ ಆರಂಭಿಕ ಪ್ರೌಢವಸ್ಥೆಯ ಮೇಲೆ ಜೀನ್ ತಳಿಗಳ ಮೇಲೆ ಬಾಲ್ಯದಲ್ಲಿನ ಸ್ಥೂಲಕಾಯವೂ ಶೇ 45ರಷ್ಟು ಪರೋಕ್ಷ ಪರಿಣಾಮ ಹೊಂದಿದೆ.
