Ayurvedic Home Remedy for Asthma: ಅಸ್ತಮಾಪೀಡಿತರಿಗೆ ಚಳಿಗಾಲ ತುಂಬಾ ಕಷ್ಟದ ಕಾಲವಾಗಿರುತ್ತದೆ. ಇತರ ಋತುಗಳಿಗೆ ಹೋಲಿಸಿದರೆ ಶೀತ ಹವಾಮಾನ ಮತ್ತು ಶೀತ ಗಾಳಿಯಿಂದಾಗಿ ಅಸ್ತಮಾ ಉಲ್ಬಣಗೊಳ್ಳುತ್ತದೆ. ಇದರಿಂದಾಗಿ ಅವರು ಸರಿಯಾಗಿ ಉಸಿರಾಡಲು ಕಷ್ಟ ಅನುಭವಿಸಬೇಕಾಗುತ್ತದೆ. ಋತುಮಾನದ ಬದಲಾವಣೆಗಳಿಗೆ ಅನುಗುಣವಾಗಿ ಆಹಾರ ಮತ್ತು ವ್ಯಾಯಾಮದ ಜೊತೆಗೆ ಸರಿಯಾದ ಕಾಳಜಿಯನ್ನೂ ವಹಿಸಬೇಕಾಗುತ್ತದೆ. ಆಯುರ್ವೇದದ ಔಷಧಿವನ್ನು ನಿಯಮಿತವಾಗಿ ತೆಗೆದುಕೊಳ್ಳುವಂತೆ ಆಯುರ್ವೇದ ಸಲಹೆಗಾರರಾದ ಡಾ.ಗಾಯತ್ರಿ ದೇವಿ ಸೂಚಿಸುತ್ತಾರೆ. ಈ ಮನೆ ಮದ್ದನ್ನು ಸಿದ್ಧಪಡಿವುದು ಹೇಗೆ ಎಂಬುದನ್ನು ತಿಳಿಯೋಣ.
ಮನೆಮದ್ದು ತಯಾರಿಸಲು ಬೇಕಾಗುವ ಪದಾರ್ಥಗಳು:
- ಆಡು ಸೋಗೆ (ಸಿಂಹ ಪರ್ಣಿ) ಎಲೆಗಳ ಪುಡಿ - 50 ಗ್ರಾಂ
- ಅರಿಶಿನ - 25 ಗ್ರಾಂ
- ಅಮೃತಬಳ್ಳಿ ಚೂರ್ಣ-25 ಗ್ರಾಂ
- ವಕುಡು ಬೀಜಗಳು (Vakudu Kayalu)- 25 ಗ್ರಾಂ
- ಕಾಳುಮೆಣಸಿನ ಪುಡಿ - 25 ಗ್ರಾಂ
- ನೀರು- ಒಂದು ಲೋಟ
ಮನೆಮದ್ದು ಸಿದ್ಧಪಡಿಸುವುದು ಹೇಗೆ?
- ಮೊದಲು ಒಂದು ಬಟ್ಟಲಿನಲ್ಲಿ ಆಡು ಸೋಗೆ (ಸಿಂಹ ಪರ್ಣಿ) ಎಲೆಗಳು ಪುಡಿ, ಅಮೃತಬಳ್ಳಿ ಎಲೆ ಪುಡಿ, ಅರಿಶಿನ ಪುಡಿ, ವಕುಡು ಕಾಯಿ ಪುಡಿ ಹಾಗೂ ಕಾಳುಮೆಣಸಿನ ಪುಡಿಯನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಬೇಕಾಗುತ್ತದೆ.
- ಈಗ ಒಲೆಯ ಮೇಲೆ ಪಾತ್ರೆ ಇಡಿ ಹಾಗೂ ಒಂದು ಲೋಟ ನೀರು ಸುರಿಯಿರಿ. ನೀರು ಚೆನ್ನಾಗಿ ಕುದಿಯುತ್ತಿರುವಾಗ, ಎಲ್ಲಾ ಮಿಶ್ರಣ ಒಂದು ಟೀಸ್ಪೂನ್ ಪುಡಿಯನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ.
- 5 ನಿಮಿಷಗಳ ಕಾಲ ಕಷಾಯವನ್ನು ಕುದಿಸಿದ ನಂತರ, ಅದನ್ನು ಗಾಜಿ ಡಬ್ಬಿಯಲ್ಲಿ ಸಂಗ್ರಹಿಸಿ ಇಟ್ಟುಕೊಳ್ಳಿ.
- ಚಳಿಗಾಲದಲ್ಲಿ ಅಸ್ತಮಾ ಸಮಸ್ಯೆಯನ್ನು ಕಡಿಮೆ ಮಾಡಲು ಔಷಧ ತಯಾರಿಸಲಾಗುತ್ತದೆ.
- ಸ್ವಲ್ಪ ಬೆಚ್ಚಗಿರುವಾಗ ಇದನ್ನು ಕುಡಿಯಿರಿ.
- ಈ ಪುಡಿಯನ್ನು ಗಾಜಿನ ಜಾರ್‌ನಲ್ಲಿ ಸಂಗ್ರಹಿಸಿ ಪ್ರತಿದಿನ ಬಳಕೆ ಮಾಡಬಹುದು.
ಈ ಪದಾರ್ಥಗಳ ಪ್ರಯೋಜನಗಳೇನು?:
ಆಡು ಸೋಗೆ ಎಲೆಗಳು: ಇದನ್ನು ಸಂಸ್ಕೃತದಲ್ಲಿ 'ವಾಸ' ಎಂದು ಕರೆಯಲಾಗುತ್ತದೆ. ಕೆಮ್ಮು ಮತ್ತು ಅಸ್ತಮಾದಂತಹ ಸಮಸ್ಯೆಗಳಿಗೆ ಈ ವಾಸ ಎಲೆಗಳು ಒಳ್ಳೆಯದು. ಈ ಮೂಲಿಕೆಯನ್ನು ಒಣಗಿಸಿ ಪುಡಿಮಾಡಬೇಕು.
ಅಮೃತಬಳ್ಳಿ ಚೂರ್ಣಂ: ಅಮೃತಬಳ್ಳಿ ಎಲೆ 'ಮಕರಂದ ಗುಡುಚಿ' ಎಂದೂ ಕರೆಯುತ್ತಾರೆ. ಅಮೃತಬಳ್ಳಿ ಅಸ್ತಮಾ ಪೀಡಿತರಲ್ಲಿ ವಾತ ದೋಷವನ್ನು ಕಡಿಮೆ ಮಾಡುತ್ತದೆ. ಇದು ರೋಗನಿರೋಧಕ ಶಕ್ತಿಯನ್ನು ಸಹ ಹೆಚ್ಚಿಸುತ್ತದೆ. ಆಸ್ತಮಾಕ್ಕೆ ಸಂಬಂಧಿಸಿದ ಕೆಮ್ಮು ಮತ್ತು ಆಯಾಸದಂತಹ ಸಮಸ್ಯೆಗಳನ್ನು ಕಡಿಮೆ ಮಾಡಲು ಇದು ಸಹಾಯ ಮಾಡುತ್ತದೆ. ಮೊದಲು, ಈ ಎಲೆಗಳ ಸಸ್ಯವನ್ನು ಚೆನ್ನಾಗಿ ಒಣಗಿಸಿ. ನಂತರ ಅದನ್ನು ಪುಡಿಮಾಡಿ.
ಅರಿಶಿನ ಪುಡಿ: ಅರಿಶಿನವು ಅಸ್ತಮಾ ಮತ್ತು ಅಲರ್ಜಿಯಂತಹ ಸಮಸ್ಯೆಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ವಕುಡು ಬೀಜಗಳು: ಅಸ್ತಮಾವನ್ನು ಕಡಿಮೆ ಮಾಡಲು ವಕುಡು ಕಾಳು ತುಂಬಾ ಉಪಯುಕ್ತವಾಗಿವೆ. ಇದನ್ನು ಸಂಸ್ಕೃತದಲ್ಲಿ ‘ಕಂಟಕರಿ’ ಎನ್ನುತ್ತಾರೆ. ಇವುಗಳನ್ನು ಬಿಸಿಲಿನಲ್ಲಿ ಚೆನ್ನಾಗಿ ಒಣಗಿಸಿ ಪುಡಿ ಮಾಡಬೇಕು.
ಕಾಳುಮೆಣಸು: ನಮ್ಮೆಲ್ಲರ ಮನೆಯಲ್ಲಿ ಕಾಳು ಮೆಣಸು ಇರುತ್ತದೆ. ಅಸ್ತಮಾವನ್ನು ಕಡಿಮೆ ಮಾಡಲು ಇವು ತುಂಬಾ ಉಪಯುಕ್ತವಾಗಿವೆ. ಕಾಳುಮೆಣಸು ಅಸ್ತಮಾ ರೋಗಿಗಳಲ್ಲಿ ಕಫವನ್ನು ಕಡಿಮೆ ಮಾಡುತ್ತದೆ.
ಔಷಧಿ ತೆಗೆದುಕೊಳ್ಳುವುದು ಹೇಗೆ?: ಚಳಿಗಾಲದಲ್ಲಿ ಅಸ್ತಮಾದಿಂದ ಬಳಲುತ್ತಿರುವವರು ಮೇಲಿನಂತೆ ಔಷಧಿಯನ್ನು ತಯಾರಿಸಬೇಕು. ಕಾಲಕಾಲಕ್ಕೆ ಕಷಾಯವನ್ನು ತಯಾರಿಸಬೇಕು. ಕಷಾಯವನ್ನು ನಿಯಮಿತವಾಗಿ ಬೆಳಿಗ್ಗೆ ಹಾಗೂ ಸಂಜೆ 30ರಿಂದ 40 ಮಿಲಿ ಪ್ರಮಾಣದಲ್ಲಿ ತೆಗೆದುಕೊಳ್ಳಬೇಕು. ಇದರಿಂದ ಸಮಸ್ಯೆ ನಿವಾರಣೆಯಾಗುತ್ತದೆ ಎಂದು ಡಾ.ಗಾಯತ್ರಿದೇವಿ ಸಲಹೆ ನೀಡುತ್ತಾರೆ.
