ಹೈದರಾಬಾದ್: ಒಬ್ಬಂಟಿತನ ಅಥವಾ ಏಕಾಂಗಿತನ ಎಂಬುದು ಕೇವಲ ಮನಸಿನ ಸ್ಥಿತಿಯಲ್ಲ. ಇದು ವ್ಯಕ್ತಿಯ ಜೀವನ ಮತ್ತು ಸಾವಿನ ವಿಚಾರದಲ್ಲೂ ಪ್ರಮುಖವಾದ ಪ್ರಭಾವ ಬೀರುವ ಅಂಶವಾಗಿದೆ. ಇದು ನಮ್ಮ ದೇಹ ಮತ್ತು ಆರೋಗ್ಯದ ಮೇಲೆ ಅಧಿಕ ಪರಿಣಾಮ ಬೀರುತ್ತದೆ ಎಂದು ಹಾರ್ವಡ್ ಯುನಿರ್ವಸಿಟಿಯ ಹೊಸ ಅಧ್ಯಯನ ತಿಳಿಸಿದೆ. ಏಕಾಂಗಿತನವೂ ವಯಸ್ಸಾದಂತೆ ಸಾಮಾನ್ಯ ಎನ್ನಲಾಗುತ್ತದೆ. ಆದರೆ, ಈ ಏಕಾಂಗಿತನವೂ ಮಧ್ಯಮ ವಯಸ್ಸಿನ ಮತ್ತು ಹಿರಿಯರಲ್ಲಿ ಗಂಭೀರ ಪಾರ್ಶ್ವವಾಯುವಿನ ಅಪಾಯಕ್ಕೆ ಕಾರಣವಾಗುತ್ತದೆ. ಅದರಲ್ಲೂ ದೀರ್ಘಕಾಲದ ಏಕಾಂಗಿತನ ಅನುಭವಿಸುತ್ತಿರುವವರಲ್ಲಿ ಇದರ ಸಾಧ್ಯತೆ ಅಧಿಕ ಇರುತ್ತದೆ ಎಂದಿದ್ದಾರೆ.
ಇತರರೊಂದಿಗೆ ನಾವು ಸಂಬಂಧಗಳು ಹೊರತಾಗಿ ವ್ಯಕ್ತಿಯೊಬ್ಬನಲ್ಲಿ ನಾನು ಒಬ್ಬನೇ ಏಕಾಂಗಿ ಎಂಬ ಭಾವ ಮೂಡುವುದೇ ಈ ಏಕಾಂಗಿತನವಾಗಿದೆ. ಇತ್ತೀಚಿನ ವರದಿಗಳ ಪ್ರಕಾರ, 45 ವರ್ಷದ ದಾಟಿದ ಮೂರರಲ್ಲಿ ಒಬ್ಬರು ಈ ರೀತಿಯ ಭಾವದಿಂದ ಬಳಲುತ್ತಿರುತ್ತಾರೆ. ಈ ಅಧ್ಯಯನಕ್ಕಾಗಿ 50 ವರ್ಷ ಮತ್ತು ಅಧಿಕ ವಯಸ್ಸಿನ 12 ಸಾವಿರ ಜನರ ಆರೋಗ್ಯ ಮಾಹಿತಿಯನ್ನು ಪಡೆದು ವಿಶ್ಲೇಷಣೆಗೆ ಒಳಪಡಿಸಲಾಗಿದೆ. ಭಾಗಿದಾರರಿಗೆ ನಿಮಗೆ ಯಾರೂ ಇಲ್ಲ. ಯಾರೂ ನಮ್ಮ ಬಗ್ಗೆ ಕಾಳಜಿವಹಿಸುವುದಿಲ್ಲ. ಏಕಾಂಗಿ ಎಂಬ ಭಾವ ಕಾಡುತ್ತದೆಯಾ? ಹಾಗೇ ನೀವು ಇತರರು ನಿಮ್ಮೊಂದಿಗೆ ಅಂತರ ಕಾಪಾಡುತ್ತಿದ್ದಾರೆ ಎನ್ನಿಸುತ್ತಿದೆಯಾ ಎಂಬ ಪ್ರಶ್ನೆಗಳನ್ನು ಕೇಳಲಾಗಿದೆ.
ಈ ಪ್ರಶ್ನೆಗಳ ಬಳಿಕ ಫಲಿತಾಂಶದಲ್ಲಿ ಕಂಡುಕೊಂಡಂತೆ ದೀರ್ಘಕಾಲದ ಏಕಾಂಗಿತನ ಕಾಡಿದವರಲ್ಲಿ ಪಾರ್ಶ್ವವಾಯುನ ಅಪಾಯ ಶೇ 56ರಷ್ಟಿದೆ. ಏಕಾಂಗಿತನ ಎಂಬ ಭಾವ ಕಾಡುವುದು ಸಹಜವಾಗಿದೆ. ಆದರೆ, ಪಾರ್ಶ್ವವಾಯು ಜಗತ್ತಿನೆಲ್ಲೆಡೆ ಅಂಗವೈಕಲ್ಯ ಮತ್ತು ಸಾವಿಗೆ ಕಾರಣವಾಗುತ್ತಿರುವ ಅಂಶವಾಗಿದೆ. ಈ ವಿಷಯದ ಆಧಾರದ ಮೇಲೆ ಅಧ್ಯಯದ ಫಲಿತಾಂಶವೂ ಪ್ರಮುಖವಾಗಿದೆ. ಈ ನಿಟ್ಟಿನಲ್ಲಿ ಈ ಏಕಾಂಗಿತನವೂ ದೈಹಿಕ ಸಮಸ್ಯೆಗೆ ಕಾರಣವಾಗುವ ಹಿನ್ನೆಲೆಯಲ್ಲಿ ಈ ಕುರಿತು ಮುನ್ನೆಚ್ಚರಿಕೆ ಅಗತ್ಯವಾಗಿದೆ ಎಂದಿದ್ದಾರೆ ತಜ್ಞರು.
ಪಾರ್ಶ್ವವಾಯು ಎಂಬುದು ತಡೆಗಟ್ಟಬಹುದಾದ ಮತ್ತು ಚಿಕಿತ್ಸೆ ನೀಡುವ ಸ್ಥಿತಿಯಾಗಿದೆ. ಪಾರ್ಶ್ವವಾಯುಗೆ ತುತ್ತಾದರೆ ಸಂಪೂರ್ಣ ಚೇತರಿಕೆಯಾಗುವುದು ಕಷ್ಟಸಾಧ್ಯ. ಈ ವೇಳೆ, ಸಂಪೂರ್ಣ ಜೀವನ ಆ ವ್ಯಕ್ತಿ ಅಂಗವೈಕಲ್ಯದಿಂದ ಬಳಲುವಂತೆ ಆಗುತ್ತದೆ. ಈ ಹಿನ್ನೆಲೆಯಲ್ಲಿ ಇಂತಹ ಪರಿಸ್ಥಿತಿಗಳನ್ನು ಆರಂಭದ ಹಂತದಲ್ಲೇ ತಡೆಗಟ್ಟುವುದು ಅಗತ್ಯ. ಇದಕ್ಕಾಗಿ ವ್ಯಕ್ತಿ ಉತ್ತಮ ಸಾಮಾಜಿಕ ಸಂಬಂಧ, ಜೀವನಶೈಲಿ, ಆಹಾರ ಪದ್ಧತಿ, ನಿಯಮಿತ ವ್ಯಾಯಾಮ ಇದರ ತಡೆಗೆ ಸಹಾಯಕವಾಗಲಿದೆ.
ಇದನ್ನೂ ಓದಿ: ಒಂಟಿತನ ಖಿನ್ನತೆಗೆ ಕಾರಣವಾಗುತ್ತಿದೆ ಹಿರಿಯರಲ್ಲಿನ ಜೀರ್ಣಕ್ರಿಯೆ ಸಮಸ್ಯೆ : ಅಧ್ಯಯನದಲ್ಲಿ ಬಹಿರಂಗ
