ನವದೆಹಲಿ: ಕಳೆದೊಂದು ದಶಕದಿಂದ ಭಾರತದಲ್ಲಿ ಬಡ ಮತ್ತು ಶ್ರೀಮಂತ ಕುಟುಂಬಗಳ ಮನೆಯ ಮಕ್ಕಳ ಆಹಾರದ ಅಸಮಾನತೆ ಕನಿಷ್ಠ ಶೇ 5ರಷ್ಟು ತಗ್ಗಿದೆ ಎಂದು ಯುನಿಸೆಫ್ ತಿಳಿಸಿದೆ.
'ಚೈಲ್ಡ್ ಫುಡ್ ಪವರ್ಟಿ: ನ್ಯೂಟ್ರಿಷಿಯನ್ ಡಿಪ್ರಿವೇಷನ್ ಇನ್ ಅರ್ಲಿ ಚೈಲ್ಡ್ಹುಡ್' (ಮಕ್ಕಳ ಆಹಾರ ಬಡತನ: ಆರಂಭಿಕ ಬಾಲ್ಯದಲ್ಲಿಪೌಷ್ಟಿಕಾಂಶದ ಕೊರತೆ) ಎಂಬ ಹೆಸರಿನಲ್ಲಿ ಈದಕ್ಕೆ ಸಂಬಂಧಿಸಿದ ವರದಿ ಪ್ರಕಟಿಸಲಾಗಿದೆ.
ಈ ವರದಿಯಂತೆ, 2018ರಿಂದ 2022ರ ನಡುವಿನ ಆಹಾರ ಬಡತನದಲ್ಲಿ ವಾಸಿಸುತ್ತಿರುವ ಮಕ್ಕಳ ಸಂಖ್ಯೆಯಲ್ಲಿ ಭಾರತ 20ನೇ ಸ್ಥಾನದಲ್ಲಿದ್ದು, ಇಲ್ಲಿ ಶೇ.65ರಷ್ಟು ಮಕ್ಕಳು ಆಹಾರ ಬಡತನ ಎದುರಿಸುತ್ತಿದ್ದಾರೆ. ಅಫ್ಘಾನಿಸ್ಥಾನ (ಶೇ.49) ಬಾಂಗ್ಲಾದೇಶ (ಶೇ.20) ಹಾಗು ಪಾಕಿಸ್ತಾನ ಶೇ.38 ರಷ್ಟು ಆಹಾರ ಬಡತನವಿದೆ.
ಜಾಗತಿಕವಾಗಿ, 181 ಮಿಲಿಯನ್ ಮಕ್ಕಳು ಅಥವಾ ನಾಲ್ಕರಲ್ಲಿ ಒಂದು ಮಗು ತನ್ನ ಐದು ವರ್ಷದೊಳಗೆ ಗಂಭೀರ ಆಹಾರ ಬಡತನ ಅನುಭವಿಸುತ್ತಿದೆ ಎಂದು ಈ ವರದಿ ಹೇಳುತ್ತದೆ. ಇದರಲ್ಲಿ ದಕ್ಷಿಣ ಏಷ್ಯಾದ 64 ಮಿಲಿಯನ್ ತೀವ್ರ ಪರಿಣಾಮಕ್ಕೆ ಒಳಗಾದರೆ, ಉಪ ಸಹಾರನ್ ಆಫ್ರಿಕಾದ ಶೇ.59 ಮಿಲಿಯನ್ ಮಕ್ಕಳು ಈ ಪರಿಸ್ಥಿತಿ ಅನುಭವಿಸುತ್ತಿದ್ದಾರೆ.
ಈ ನಿಟ್ಟಿನಲ್ಲಿ ಭಾರತ ಸೇರಿದಂತೆ 11 ರಾಷ್ಟ್ರಗಳು ಪ್ರಗತಿ ಹೊಂದಿವೆ. ಭಾರತದ ಜೊತೆಗೆ ಏಷ್ಯಾದ ಅರ್ಮೇನಿಯಾ ದೇಶವೂ ಪ್ರಗತಿ ಹೊಂದುತ್ತಿದೆ. ಆಫ್ರಿಕಾದ 9 ರಾಷ್ಟ್ರಗಳಾದ ಬುರ್ಕಿನಾ ಫಾಸೊ, ಕೊಟೆ ಡಿಐವರಿ, ದಿ ಡೆಮಾಕ್ರಟಿಕ್ಸ್ ರಿಪಬ್ಲಿಕ್ ಆಫ್ ಕಾಂಗೊ, ದಿ ಡೊಮಿನಿಕನ್ ರಿಪಬ್ಲಿಕನ್, ಗಿನಿಯಾ, ಲೆಸೊಥೊ, ಲೈಬೀರಿಯಾ, ಸೆನೆಗಲ್ ಮತ್ತು ಸಿಯೆರಾ ಲಿಯೋನ್‌ನಲ್ಲೂ ಪರಿಸ್ಥಿತಿ ಸುಧಾರಣೆಯಾಗಿದೆ.
ತೀವ್ರತರದ ಆಹಾರ ಬಡತನದಲ್ಲಿರುವ ಮಕ್ಕಳು ಆರೋಗ್ಯದ ಅಂಚಿನಲ್ಲಿ ಜೀವಿಸುತ್ತಿದ್ದಾರೆ. ಸದ್ಯ ಇದು ಮಿಲಿಯಾಂತರ ಮಕ್ಕಳ ನೈಜ ಸ್ಥಿತಿಯಾಗಿದೆ. ಈ ಪರಿಸ್ಥಿತಿಯು ಮಕ್ಕಳ ಉಳಿಯುವಿಕೆ, ಬೆಳವಣಿಗೆ ಮತ್ತು ಮಿದುಳಿನ ಅಭಿವೃದ್ಧಿಯಲ್ಲಿ ನಕಾರಾತ್ಮಕ ಪರಿಣಾಮ ಬೀರುತ್ತದೆ ಎಂದು ಯುನಿಸೆಫ್ ಕಾರ್ಯಕಾರಿ ನಿರ್ದೇಶಕ ಕ್ಯಾಥೆರಿನ್ ರುಸೆಲ್ ಹೇಳಿದ್ದಾರೆ.
ದಿನದಲ್ಲಿ ಎರಡು ಹೊತ್ತು ಅಥವಾ ಇದಕ್ಕೂ ಕಡಿಮೆ ಹಾಲು ಸೇವಿಸುತ್ತಿರುವ ಮಕ್ಕಳು ಗಂಭೀರ ಸ್ವರೂಪದ ಅಪೌಷ್ಟಿಕತೆ ಅನುಭವಿಸುತ್ತಿದ್ದಾರೆ. ಬಾಲ್ಯದ ಮಕ್ಕಳ ಬಡತನ ಎಂದರೆ, ಮಕ್ಕಳು ತಮ್ಮ ಆರಂಭಿಕ ಬಾಲ್ಯಾವಸ್ಥೆಯಲ್ಲಿ ಪೌಷ್ಟಿಕಾಂಶಯುಕ್ತ ಆಹಾರ ಲಭ್ಯತೆ ಮತ್ತು ಸೇವನೆ ನಡೆಸದೇ ಇರುವುದಾಗಿದೆ.
ಯುನಿಸೆಫ್ ಶಿಫಾರಸು ಮಾಡಿದಂತೆ ಮಕ್ಕಳು ತಮ್ಮ ಆರಂಭಿಕ ಬಾಲ್ಯಾವಸ್ಥೆಯಲ್ಲಿ 8 ಮುಖ್ಯ ಆಹಾರ ಸೇವನೆ ಮಾಡಬೇಕು. ಅವುಗಳೆಂದರೆ, ಎದೆಹಾಲು, ಡೈರಿ ಉತ್ಪನ್ನ, ಮೊಟ್ಟೆ, ಮಾಂಸ, ಕೋಳಿ, ಮೀನು, ಧಾನ್ಯಗಳು, ಬೀಜಗಳು, ವಿಟಮಿನ್ ಎ ಸಮೃದ್ಧ ಹಣ್ಣು ಮತ್ತು ತರಕಾರಿ. ಕೋವಿಡ್ 19 ಸಾಂಗ್ರಾಮಿಕತೆ, ಬೆಳೆಯುತ್ತಿರುವ ಅಸಮಾನತೆ, ಸಂಘರ್ಷ, ಹವಾಮಾನ ಬಿಕ್ಕಟ್ಟು, ಆಹಾರ ಬೆಲೆ ಮತ್ತು ಜೀವನದ ವೆಚ್ಚ ಹೆಚ್ಚಿಸಿದ್ದು, ಇದು ವಿಶ್ವದೆಲ್ಲೆಡೆ ಆಹಾರ ಬಡತನದ ಮಟ್ಟ ಹೆಚ್ಚಲು ಕಾರಣವಾಗಿದೆ ಎಂದು ವರದಿ ತಿಳಿಸಿದೆ.(ಐಎಎನ್ಎಸ್)
ಇದನ್ನೂ ಓದಿ: ಭಾರತ ಅಧಿಕೃತವಾಗಿ 'ಕಡು ಬಡತನ' ನಿರ್ಮೂಲನೆ ಮಾಡಿದೆ: ಬ್ರೂಕಿಂಗ್ಸ್ ವರದಿ
